勁推介！爆粗BAND友

尋日同含星去左睇 爆粗BAND友 ，套戲上第一日佢就話要睇，真係咁好睇咩？yeah，真係勁爆笑！！！哈哈哈！我都覺得自己笑得太大聲騷擾倒人呢 =.= 唔使點諗點用腦，一套好輕鬆o既笑片，勁推介畀生活缺少正能量或者無無聊聊想笑一餐o既「你」去睇，快d去睇la！~

dior亞太區event

前幾日去o左dior一個event，地點係w hong kong hotel：


event請o左亞洲好多唔同地方o既記者出席！


luncheon時間……個白瓷杯o既面係鍍左銀架！好靚！當然，入面兩位靚女都唔輸蝕~


event o既pr非常有心思，每一道菜都係以白色為主題，當中以甜品將主題發揮得最淋漓盡致！綴上dior logo既軟棉棉蛋糕、荔枝雪葩、荔枝及椰子，唔太甜，全部都好好味呢！

第一次去港島東中心

前幾日工作時到了「港島東中心」一行，經過我以前工作的地方（和域東翼！），有點懷念呢！！！而港島東中心亦帶來唔少新氣象，例如KFC（good！），同埋有一間sushi express，好想去！


我o既目的地係頂樓（67樓！）高到望唔倒呀！~


呢張相只係o係37樓轉笠時影落黎，已經好「居高臨下」喇！仲見到我屋企個屋頂呢！不過後尾發現呢件事（搵番自己屋企）同事a已經率先做左！~個地盤o係我細個時（20年前！）係得3、4層o既街市o黎，細個仲成日跟阿媽去買餸同買2蚊紅蟲畀d金魚吃，拆左之後保守估計都丟空左10年，阿媽話o個度e家起緊酒店囉。

搞鬼零食

同事的朋友從台灣買來的手信，非常搞笑~


係咪好熟口熟面呢？！


背面更寫住「註冊失敗，絕無版權」，哈！


入面的「糖白虎」其實是超甜的白朱古力+粉紅色爆炸糖！

我病了！

前兩日囉左張bupa卡之後，星期四就即病，真係邪爆！我係星期四開始蘊釀，星期五全面病發o既，成日係咁流鼻水同打乞嚏，當日4點終於頂唔順走左落街睇醫生。而同事f就話我g同事a強烈推介ok隔離個曾志明e生非常之ok。

醫生：你咩病呢？
我：流鼻水同打乞嚏。
醫生：你幾時開始病呢？
我：我尋日飲左杯香檳，唔知係咪d酒氣未散就走左去做facial，冷親。同埋我當時發現美容院入面有個人病得好緊要，唔知係咪因為咁，我個facial未做住個鼻已經塞左。
醫生：都有咁既可能既。因為飲完酒抵抗力會弱d，咁d病菌好容易乘虛而入。

（跟住e生同我照下個鼻，check下我呼吸有無問題咁）

我：咁我聽日約左朋友燒野食，係咪唔應該去呢？
醫生：係啊，因為刺激o既食物、辣野、飲酒（又提！），都會令個人抵抗力差d。

此時我已經發現戴左口罩o既醫生對眼係變成左腰果眼，我懷疑係我問d問題太低能，又或者呢位e生不嬲都好親切，以禮待客……我寧願係後者。

於是就咁病左兩日，食完d藥基本上好返，但係d止鼻水同抗敏藥令我進入左「24小時彌留狀態」（清醒同唔清醒之間），連書都睇唔入腦，希望今日開始唔使食佢地啦！

又到點歌時間，今日點o既歌係少爺占o既《我病了》，非常應境。唔記得買《四點水》定係《落雨路》時夾住隻cd，入面就有呢隻歌，好好聽！我平時係唔聽少爺占節目o既，但係都幾鍾意佢d書~ 其中一個原因係佢d校園故事，故仔入面d人放學會o係學校附近行街食野，而少爺占o既學校同我屋企係非常之近，好有親切感！

辦公室零食物語

做呢份工同之前唔同係食多o左零食（之前係食好多餐正餐-.-），除o左自己入手o既零食之外，偶然都有d意外收獲：

多謝lunch leg「投桃報李」送我o既零食 :p 左邊係我揀，呢隻都幾q，但個味唔太西柚；另外兩隻係lunch leg o既推介黑加侖子橡皮糖同埋meiji黑朱古力，meiji既「black」當然係勁好食，但係黑朱古力係咪應該叫「dark」而唔係「black」？！


呢個係nice小姐送畀我o既椰絲奶油包……佢畀我時用個麵飽袋裝住，再用透明膠袋包住，我就囉起手一野咬落去，點知係假的！-.- 於是我e家將佢同d零食擺埋一齊啦！

今日點歌：

告別夏天

為了出席一個午餐會，尋日抖出了衣櫃裡所有衣物才找到一件紫色衫，配合大會主題：

某行家話我做乜著到咁閃……其實有人仲暗浮（註：在暗地裡浮誇），連bra帶都係紫色！！！不過大家下場都係一樣，明明agency打過幾次電話黎reserve，點知都係不得其門而入！睇番press release，個分唇仲要有城中名媛 + 冰雕亮燈儀式（汗 x 1000）！依家都去到十月尾，呢單野要勇奪全年最O嘴分唇，應該都唔難。而我呢一番「悉心打扮」好可能係我最後o既夏天look -.-


呢排無乜shopping運，但都有購買運。前日明明約左yokki踩單車，竟然走左入間舖頭度買左個銀包，銀包是絨裡的，買了之後都驚嘆自己點解可以買一個咁花呢碌的銀包……不過d錢洗左去就算:p 估不到我的銀包竟然率先換季呢。

生疏

差不多一年沒踩單車（唔計上次），少了一份信心，自己始終不是運動的內行人……希望城門河條路快d整番好，成日要過馬路始終唔係好方便呢~


肥陳隻船尋o左……就係呢度。


近日銅鑼灣e出口個canon（？）廣告，有個紫色裙女仔轉黎轉去的，就係呢度拍。



科學園，好少貼自己戴眼鏡的相:p


攝於新城市廣場-_- 呢排成日慨嘆自己生不逢時……出道咁多年，都係05-07好過一陣，e家又黎海嘯。不過無論如何，大家都要積極面對，keep your heart beating，哈哈。

一切安好

近日有朋友好像受了很大挫折，但是說了長篇大論，也沒有把最關鍵的事情說出來。有時我會很驕傲地覺得，從他步履與動作，已看出他心裡其實想甚麼，但是不肯說出來的事，任我這位「資深記者」如何探問，就是套不出來。

或者這就是男生跟女生的分別吧，女孩子有甚麼不開心，總喜歡把事情說給10,000個人聽，哪管對事情是無補於事；而男生就總要捍衛「不能說的秘密」，將秘密和自尊畫成了等號。

也不要執意挑戰別人的尊嚴了。希望他的事情能夠安然解決，從新過好生活吧！

前天看了這樣一套電影，jessica alba主演的懸疑片《awake》，這片講述男主角被全身麻醉後（awake？！）發生的事情：


片中充滿星星月亮的浪漫鏡頭。


事情是環繞醫院發生的，70%+的場景都是醫院。

劇情不算緊湊，但頗有意思的一套電影，男女士角的樣子都好看（:>），鍾意劇情片的人不妨一睇~

snaps of the day

同大家分享我尋日影o既snaps：


近排無晒眼淚，要用呢個……「人造淚水」



呢兩張，坐係車度亂咁影。對唔住，灰o左d。

好耐之前食過一次，一個留下回憶的地方 :>

另外，又貼一隻歌：

囍帖街，呢隻歌真係好好聽。見到阿強個msn度quote過「其實沒有一種安穩快樂永遠也不差」，呢句歌詞真係無敵，或者我沒有經歷去十卜呢句說話o既共鳴，但總之好正！

幸運星

尋日同爆去「極之好」吃飯，呢個南瓜肉碎粥比我預期澎湃和好吃！ :p


金黃色o既粥真係好新鮮好有瓜味，其實南瓜同肉碎都唔係d貴野，但咁足料o既狀態之下就好好味喇！

爆用一個電話解決了我纏繞了幾天的問題，識得人多係唔同d！衷心感謝！

當我真心對待別人的時候，我也同樣期待別人對我所說的，無論是批評或讚美或吹水，都是發自內心的。我也不能否應，有些時候，過份的率性會傷害別人，但若對朋友使用太多的手段，多到一個非常著眼的地步，毫無疑問是太過份了。

工作的時候，在對待客戶或對口單位時，也要用心思考一下，對方必恭必敬的說話的背後真正意味是甚麼。這種事對我來說已經十分吃力了，我實在不能在我的工餘時間繼續帶著十萬個警覺性去做人。

希望你不要裝作不明白我的話，說到這樣明白，不需要用儀器解碼吧。

任何天氣

多愁善感

這兩天多愁善感，可我覺得自己的工作態度積極了，這是一件好事吧。


我的臉似乎很不對稱，右邊是lazy eye，看上去有點像小孩子的眼睛。

認識10年的網友

今日下午看到我認識多年的網友加了facebook，和他聊了一些。其實我是有他msn的，可是作息時間不同，也聊不上幾句。跟他是讀書時代認識，他是東莞的，那時他剛開始到加拿大升學，他升學之前我去東莞逛了躺，他還介紹了他的朋友們給我認識。我記得那時還沒有數碼相機，也拍了一些照片留念，那好像差不多十年之前的事。

之後他通常在加拿大，很少回來。大概三年前有一次他回國渡暑假，我也去了莞城看看，感覺得不同，柏油路闊了很多，城市的景色也跟以前不一樣了。他都是以前那老樣子，可他的朋友們，有些感覺沉穩了，也有些有了女友，差不多結婚了的樣子，感覺人和事都變了。

那個時候他跟我說，畢業後想回中國做生意甚麼的，可那時他已告訴我，跟家裡的朋友的想法有了落差，開始有話搭不上嘴。這天他說很快會拿加拿大的護照，到時候得放棄中國的國籍。

幾句說話就說了我和他認識多年的事，這就是歲月。

最後我們還知道了大家的近況，他不厭其煩地聽我說了近來的事情，其實當時在他那邊已經是三點了，真有點不好意思呢。

非常感謝，期待下次再遇。

越來越好

其實，安慰別人都唔係一件容易既事，如果囉出同理心，好容易令自已感懷身世，depress埋一份……不過我相信努力雖然未必有成果，時間必定可以治癒傷痛 :>

希望大家一齊好好努力！

5年計劃

近來我的狀態很難說得清，好像返工已用盡了我80%的精力，回家後甚麼都做不來。只有看電視，發夢，幾乎連出街食餐飯的精力也沒有。究竟what's happnened？記得一年前因為經常通頂工作，一到星期六放工就走左落銅或旺角喪買野，放工就去做gym跑足粒幾鐘，現在好像做乜都冇力。

看到「表弟」在facebook裡說「好開心30歲前升到manager grade」，有d感慨。做人應該有些目標吧，例如工作上、感情上、家庭方面，應該有些計劃，但是現在好似放眼望了出太平洋一樣，只見一片海，無乜人生目標。

或者拿到回鄉證後，找個地方逛一圈，想想我5年後的事情。


《一事無成）
上次唱k點左唔識唱……前幾日見win個blog貼左呢隻歌，難道就是生活如歌？！高峰上不成，的確有點洩氣。


《該死的溫柔》
呢隻，純貼，好靚仔呀~哈哈。

weekend又黎old school一下

唔知點解，呢排一到weekend就諗起d old school野，可能全球化o既影響之下，好多具有地方特式o既o野都隨之而消失，令人有d感慨。就係睇左松山個吹水blog度問起有無人記得太古城入面o既出奇老鼠……


睇番個ad，原來當年香港仔都有出奇老鼠架，e家先g。

其實我唔係好記得出奇老鼠o係邊個位。我剩係記得呢d：
．e家UA以前係嘉年、嘉華戲院，中間應該有10+年o個個位係無戲院o既，e家又開番；
．e家tom lee琴行o個度以前係保齡球場；
．e家uniqlo、b+ab o個度以前係roller場
．一期同二期中間個位以前係溜冰場，有一年（應該係80年代後期）發生炸彈爆炸。我記得年份係因為當年我阿婆下晝會帶細佬去o個度睇人溜冰，o個日真係唔知點解無去（前排我講番出黎細佬竟然話點解當年唔死x左去……-_-低能）


呢個ad都睇到好多神奇野，除左個溜冰場，仲有個望到弧島o既海景同埋一個好後生、掛住講電話o既實q。再比照番e家d浮誇樓盤廣告，已經非常之寫實喇。

咁樣睇o黎當年太古城社區都幾年輕活力，如果當年係十幾廿歲o既人應該幾開心，e家好多商場o既設施都係為賺錢而起o既，年輕人除左唱k落d都無地方去。唔好話e家d人質素差左，其實係社會環境令到d人（包括我）發展成咁。

前排carmen講開佢細個o係銅鑼灣成日去碧麗宮附近飲茶，雖然佢拆左都係15年左右，但我自己就毫無印象，因為小朋友好少自己去銅鑼灣架嘛。

碧麗宮戲院
碧麗宮戲院由碧麗宮夜總會改裝而成，於1979年11月14日開業，由邵氏公司經營，設有1060個座位。主要放映外語電影，其座椅較一般電影院闊大，而票價則較香港其他電影院為高。首部放映的電影是《異形》。

1981年，由已故美國演員基斯杜化·李夫演出的電影《時光倒流七十年》(Somewhere in Time) ，在碧麗宮戲院上映長達223日，創下當時香港電影院映期最長紀錄，從1981年9月12日至1982年4月22日，票房則有938萬港元，亦為當年外語片最高紀錄。[1]

《美國舞男》、《發條橙》這些都是當年在碧麗宮戲院獨家放映的名片。那時候，一般超等票價是十元整，而碧麗宮最低堂座票價是十二元。碧麗宮吸引之處是一個超級豪華大堂和一班中高產階級的客人令來看電影的觀眾初享受到豪華高級戲院在香港的誕生。

（以上資料來自wikipedia）
好多野諗，又諗起中秋節時番睇《時光倒流七十年》，唔知邊個話套戲其實講撞邪，睇落更覺得套戲勁詭異……一d浪漫感覺都冇晒。

又o係u tube度search倒呢條片。除左睇番當年碧麗宮（e家o既世貿）係咩樣之外，又見到活生生o既霑叔，同埋94年班中產人o既裝束（d女電髮而不染髮、d仔就攝褲，男女都戴眼鏡），又係令人感慨：


成千幾個座位o既戲院，e家好似無晒（新光仲有無戲上o既呢？！）

仲有一個比較離題o既o野，就係當年有個外國明星係拍左套叫人唔好食煙o既短片，話當你睇到呢個廣告，我己經死左之類……但係u tube度搵唔倒，反而搵到呢段：

http://hk.youtube.com/watch?v=G4Yiz0p1s7U

開頭見到d西人鬼咁有型，無啦啦彈d元寶蠟燭香出黎，真係勁搞野！

今日o既 old school時間講住咁多先，hahaha！

一些片段

之前的題材太負能量喇，同大家分享一d開心d o既片段：


呢個女人keep得幾好，下面影上黎都無雙下爬架


sephora買o既玻璃指甲挫。呢個野買左HK$89，後尾見到類似o既野賣HK$120。作為我擁有o既第一件sephora product，未用已非常滿意！~


許留山最出名係生果野，呢個木瓜+哈蜜瓜o既組合，顏色靚之餘唔會太酸，配埋五顏六色既新鮮生果就岩岩好！粒粒o既西米都好耐無食，so good！

貪心乞兒婆！不吐不快

雖然呢件事我已經講左畀幾個friend知，但係都不得不在這裡寫一下，抒發己見同警惕大家。

尋日我同某潮人雜誌美容記者去完karen mok香水發布會之後，沿路行返公司，道別之後就即刻畀個阿婆捉住，我見佢捉佢我又唔出聲，於是啤住佢同埋哄埋去聽佢講乜：

婆：小 姐 唔 使 驚 （慢而細聲） 阿 婆 想 問 你 囉 一 百 蚊 睇 醫 生 ~
佢係咁勁大力捉住我隻手，唔知點算之下，唯有大叫

貞：放手！你再唔放手我報警架！
跟住佢即刻甩手

婆：報咩警呀（回復正常速度 + keep住細聲）

成功甩手之後都有d驚驚地。記起前排同某粵曲雜誌設計師d小姐係附近時，有個阿婆問佢囉廿蚊買飯食，佢畀左之後，我地食完飯又見條阿毛係度問人囉錢，d小姐竟然見義勇為咁行埋去同個想畀錢阿婆既人講：「我已經畀左錢佢喇！」真係大快人心（o個時落緊雨，d小姐仲岩岩發現自己有左，咁搞法真係嚇親我……）

之後同同事講番，好多女同事都遇過呢個阿婆，據聞佢最鐘意向單拖年輕男女埋手。本人覺得大家如果錢多想畀d錢佢使，我覺得無可厚非，但係佢一開口問我囉一百蚊，實在太貪心！須知我都經歷過貧窮，我覺得搵一百蚊係唔容易，唔可以畀你捉住up一句野就畀你囉左我一百蚊去！（我覺得佢講野咁慢如果我夜晚見到佢可能會驚自己撞邪，可能會畀錢佢！）

呢個阿婆擺明係用講野慢beat黎嚇人！！！阿婆，乜正苦冇畀生果金你咩？你老公去左邊呢？你d仔女無養你咩？你做乜越黎越貪心，以前問人囉廿蚊，依家問我囉一百（係咪見我擰住d紙袋以為我唔使做係街度shopping？！），你好似真係有病喎，使吾使我call警察捉你去青山驗一驗佢？你唔好以為係咁瘦個樣就似無飯食+有病呀，你咁厄我地d同情心，食左都唔吸收啦你，收皮啦乞兒婆！

伸延閱讀，被騙的刁民：修頓球場旁問人要錢的阿婆@刁民公園
http://chuan_hk.mysinablog.com/index.php?op=ViewArticle&articleId=1233500

畀阿婆睇中達4次之多，仲要畀阿婆「搣」o既sally小姐：修頓附近的阿嬸@風言瘋語
http://sallyhck.mysinablog.com/index.php?op=ViewArticle&articleId=1195458

keywords：修頓乞兒婆, 貪心, 嚇鬼, 慢beat

「青春」的定義

青春 = 在地鐵打 nds？著短裙戴cap帽？滿口潮語？勁蒲勁hea？

上次win在吾之blog之comments，說我們不應被年齡限制自己，我想我當時是不大明白她的意思，今天卻有些想法。前陣子很怕別人覺得自己幼稚，如講野太多懶音著衫太多色，開始形而上地令自己「外型切合自己年齡」；另外工作上雖然應付得來，但上司提示我某程度上欠了一點朝氣。

今日在家中看了松下幸之助的自傳式散文，雖然自傳當中會比較美化自己的人生經歷，但他不斷求新改革的做法實在令人佩服，當中他在退休辭去社長職位之後，因為公司發展遇上困難，當上營業部部長的那一段，最令我感動。

書裡還有提及一段關於「青春」的座右銘，也很令人反思。即使年齡與身體狀況已不復年輕，但是能夠擁有破舊立新，隨時準備接受挑戰的勇氣，就是「青春的動力」。

之前都提醒過自己，假設60歲退休的話，現在只行了20%左右，這麼快就磨平了菱角，以後的日子怎樣捱下去呢？

keywords: stay young, 松下幸之助, 生活和工作的動力

自省

尋日火爆，發左兩個人脾氣。從小到大，我都是逆來順受的。但後來發現到了某「鬱住鬱住」一旦爆發了件事會好可怕，更甚者做唔番朋友。所以近一年都提醒自己如果有甚麼不高興要早早說出來，可是這樣做還是沒有用。

這兩件事現在整理不來，要好好反省一下。

講番d正面d o既o野啦，哈哈，多謝地通拿給我的祝福，我會努力的！

無title呀

呢幾日好負能量呀！好掛住同debbie媽唱k :p 一齊去學溝酒吧！

大失望！

新眼鏡畀我o既視力及不上原本的眼鏡，今日再返去polyvision跟進，結果令人失望！

今日去到，佢地派左個「烚熟」o既專員o黎服待我，冇其他形容詞可以更準繩咁形容呢個人喇。首先佢地研究我副眼鏡，確認度數係照住原本o個副配o既（配左2次都唔o岩，結果超頹地照住原本o個副配，已經係一件極荒謬的事！）

跟住個「烚熟」同我講，我原本個眼鏡戴得太耐，鏡架戴到平左，將新那個整番似舊那個咁平（咁我都係眼鏡戴到舊先諗住換新啫！？）又話可能鏡片同對眼距離太遠，所以度數深o左，睇唔慣，仲話距離每遠1mm就會深75度，咁點解之前無人同我講呢？再加上，係我嫌之前副眼鏡太近眼睫毛先配副遠d架喎，又係視光師話有鼻托會舒服d喎，點解企圖整番好似之前一樣呢？

總之佢拗到個眼鏡更加貼隻眼，令到度數不會太深……咁我配副新o既黎做乜呢？

最嬲係整左一大輪，戴住副眼鏡都係睇野好唔清楚……佢只係派個「烚熟」出黎企圖用最少o既 cost settle呢件事……但係件事根本解決唔倒，而我用左比平時多出幾乎一倍既錢黎配呢副眼鏡，結果係畀我原本戴緊o既眼鏡o既視力還要差！

本來，我係嬲視光師經驗不足，所以judgement唔o岩，仲要反兇我，但係我今日覺得成間公司的架構都有問題！

好失望！唔好因為polyvision係poly o既附屬公司而相信佢！ -_-！

重陽單車proposal

大家好，秋高氣爽，終於唔使熱死 + 曬死，星期二勁想去踩單車，最大憂慮係落雨，如大致天晴即可成行，現疑活動詳請如下：

踩單車活動
日期：2008年10月7日（星期二，公眾假期）
時間：下午二時開始
人物：高小姐、benson、debbie媽、興仔（拜山後join）
地點：大尾督（租車較便宜，唔識踩的同伴可以有空間練習）
上車地點：於大埔墟港鐵站附近坐75k巴士或20c小巴到達，到達後可一起用膳後開始活動
大尾督可進行的活動：食飯 / 踩單車 / 泛舟 / 放紙鳶 / 燒烤 / 富豪雪糕 / 豆付花等等
活動結束時間：晚飯時間結束

注意事項：
．建議大家帶備水、穿著長褲，及帶一件衫替換；
．唔識踩單車的人請注意，我無預你學一日都學唔識，所以一定要學識！
．活動詳請如有更改，將會另行通知。

希望天晴，祝大家旅途愉快！

有朋自遠方來，非姦即盜

杰呢句金句真係好好用！今日下晝勁邪，有個舊同學無啦啦打黎。當年我係讀文學院，成個faculty五百幾人，幾乎個個都係過客，d同學90%都畀我遺忘左，佢幾年無搵我，一打黎就問左呢d野：

屋企電話（chi sin ga！冇畀！）
做緊乜（講左佢都唔知係乜……我話網站黎架-_-）
邊頭番工（灣仔囉）
份工邊度搵（講左，唔算係秘密黎o既…識我都知）
邊度可以搵倒工（jobsdb囉）
e-mail（畀左佢，雖然完全唔係秘密，但係e家有d後悔）
同學L及同學V的近況（輕輕講左，無傷大雅掛……）

跟住岩岩msn左同學L，佢話2年前（！）都接到呢位同學電話，問d野幾乎exactly一樣！同學L話，佢有master ga wor（其實都唔係咩奇事，好多人都有，係我冇啫…），我好賤咁話：佢係咪讀書讀到short左……both of us really scare of her ar！我覺得自己好似畀人厄左咁，好蝕呀！

我連你讀咩系我都唔記得左，我諗我地唔算係朋友囉，希望你唔好再搵我啦！

《畫皮》

昨天看了電影《畫皮》，我的推介是周迅，她的眼神好恐怖，做得好好！《畫皮》在電影、電視裡重拍過不知多少遍，我覺得還是很好看呢。最鍾意還是戲裡無論是人是妖都是非常專情，浪漫到死。


片末播了主題歌，原來是張靚穎唱的。

估下邊個？

今日約左個好耐冇見o既friend食飯，佢黎開我屋企附近，諗住叫佢一齊去試下吉之島d新日式餐廳，約佢o係吉之島等，點知佢快過我去到，我suggest佢去三樓睇往玩具先……我就到時打電話畀佢，佢話睇緊濱崎步（i.e.華戈爾！）行到過去，見倒佢條友仔企o係黛安芬個counter睇緊人地個廣告making of video，聲稱研究拍攝技巧，仲o係度自言自語！！！

激死人！一行到埋去就見到舖頭入面個阿姐望過黎，人地d 3、4十歲阿姐見慣大場面都畀佢嚇親！-_- 我真係心裡非常欽敬自己咁厚面皮先可以同佢做friend，但幾厚都唔夠佢厚gala……真係癲架！

今日呢單野實在不吐不快，相信識佢o既人一睇就g我講緊邊個，唔識o既一睇就g自己根本無識埋d咁o既人啦！

學習長大

尋晚同同事們去睇戲，戲前o既其中一個trailer係sa同吳尊做o既《梁祝》，聽住sa用gill tone唱o既主題曲，又令人好感慨……



要明白twins已經係過去式，就算再o係埋一齊都唔可以再做小朋友。其實我自己都要學習長大，唔可以成日都表現得咁幼稚，接受自己o既年齡，做番d應份做o既事……

呢份係非常之艱深o既功課。

+++++++++++++++++++++++++++++++++

貼多一隻歌，最經典唔係呢隻歌，而係我個friend，佢兩年前仲係呢個look出街（ie. 白tee、牛仔褸、501、攝皮帶！）


每個人心入面都有一個屬於自己o既年代，都算係「一個人的浪漫」吧！~

My New Yahoo Blog!

想開一個yahoo blog已經好耐，今日興起將佢完成左。完來我未開blog已經有五十幾個人去過，哈哈！（可能是從juju那裡過去的），個blog將會講有關工作的生活，請大家多多捧場！

http://hk.myblog.yahoo.com/sue-dailyxp

美麗的假期

今天是十月一，是本國的大日子，對我來講也是大意思，因為我的工作終於過渡三個月了，這三個月在很多原因之下，很漫長。之後希望也能好好工作下去。

可能因為我擁有的東西太多，太幸福，我家的電腦桌擠得混亂一片，好得人驚……還有很多讓做的事未做……今天睡了很多，一覺醒來不覺累，希望可以好好整理家中的東西。

想買雪糕吃 :P

工作安定下來之後，還有很多「宏願」呢！例如申請回鄉卡「回鄉」逛逛（我的回鄉證6月過期了） 、想請假去一次旅行（可能自己去，上次打擊太大了）、想放工後找一些興趣班學一些有趣的東東、還有想放工後做一些運動（看看是去公園跑步還是開一張gym card還是join yoga class）、還有我的新手機還未入手……

想做的事情很多，大部份都不是一些必要做的事情，但願能一一達成！

與大家分享我早前拍的一些照片：

公司整冷氣前席o既壯觀場面：



我阿「女麻」生日o既花絮：

壽包：



跟住，見到上次打邊爐見到隻「肥仔」o既同類，有4隻咁多！！上次見「肥仔」畀人養左成年都冇畀人食到，以為呢種魚養都咁大係唔食得/唔好食，但呢次一次過見倒四隻咁多，令我懷疑佢地根本唔係「觀賞魚」，係有人會買佢地黎食o既……係咪石班o黎呢？！