惜福，感恩

今日心情好差，因為晏起身，夜晚七八點都冇野食，差點病了。

回家媽媽煮了新竹米粉給我，我都吃光了。我記得r 曾經讚我不挑吃，不鍾意吃的東西都會吃完。

我覺得hk人才習慣把東西叫滿一桌但吃不完。我想起前年在北京和當地朋友吃火鍋，他把沒吃完的蔬菜都帶回家。

今晚還是早睡好了，像昨天中午才起來，身體不好的。

莫失莫忘

我常常都好似好懷舊，算是懷念成長的時光。那個年代久遠而不可及，不過作為回憶，記得的都是一些開心的事。

有時候，會忘了時間，有時空錯亂的感覺。好像七一逰行，有人揮動英屬香港旗，一段時間之內也沒有察覺事情的突兀。又前幾天翻書（這事寫到雜誌去），又讓我想到大學時代，那些研究殖民時代的課題 post colonialism 這字都不知有沒有串錯。想到那湮遠的殖民時代，名字顯得陌生。

鄧小平說香港五十年不變，竟不知不覺過了十五年，差不多三分一。人都化灰了，然後察覺，那五十年就分給那些在世的人，聽者有份，就陶醉在五十年承諾之下的夢幻時光，一閃即逝，到年華老去，才驚覺人間何世。

到今時今日，那既遠且近的過去已變得完全陌生。

九七年後，我與友結伴到內地旅行，有時自己去走一趟，十天八天不成問題，很多朋友說自己好憎反大陸，我嗤之以鼻。祖國旅行，我尊重當地文化，不覺扭捏，入鄉隨俗，反正回家了又回到自己熟悉的世界。

但近來我發現，那所謂熟悉的世界被蠶蝕，被褪色，仿佛已不再存在了。

我想提醒自己和別人珍惜，保護地緣文化，但這樣的想法虛無得一點憑據都沒有。

我不想寫了，把些事留在心底就好，好讓我確認這些曾經存在的舊事舊物。不想失去，但有些事，比如愛情，就算有一廂情願，沒對手，戲演不下去，就沒有辦法下去了。

特別期待假期，還有就是，穩妥處理事情的能力。

今日去了朋友的婚宴，好開心真是真心dun 人高興的場合，然後和朋友聚舊，美中不足係冇人陪飲酒，全程飲橙汁。

終於有機會放假了，希望可以為無事忙的生活 take a break ，可以多 d 正能量，同朋友相處係一門學問，說想生活有亮點似乎太虛無，希望每天過得愜意就最實在。

近來喜歡用 instagram 拍照，寫blog 花時間，用圖像為生活留下痕跡。

珍惜當下。

我的 2011

我的 2011，幾乎是空白的。每年都會有大事回顧許下來年的願望，但 2011，一點事情也記不起來，簡直有想將它在我人生中 delete 的感覺。

但一路走來，揮之不去。

不入稅網

早前我因為好驚要交稅，無收到信驚畀稅局罰錢，所以 send 了封信俾稅局，過咗個幾兩個星期個負責人終於覆我，係電話覆。佢話我唔使交稅所以無收到信，仲叫我不如分番 d quota 俾兄弟姊妹。

同事話其實我個case 一路係由同一個人 follow 住，我記得曾經有一年，我因為要交稅而上訴，最後上訴得直唔使交（其實交了都會退番）。唸番起又好似係同一個男人覆我的。anyway 做咗野十年都唔使交稅，都唔算係一件風光o既事，對社會有d 貢獻好喎。不過或者另一個睇法，所謂「家有一老如有一寶」，屋企有咁多老人家係福氣o黎o既。

不愛也是一種愛，放手是一種慈悲，功得無量。

黃葉

昨天去大棠看紅葉，紅葉都有，但很多都是黃葉了。

拍了好些照片，這張是r 給我拍的。

去年新年有去深圳，有去林村，今年想法都一樣，竟然不太介意重複，或者我真的老了。

花不了心機

好朋友同事說，是否鍾意一個人，一刻的感受好真實，騙不了人騙不了自己。家人如是，我想朋友如是，情人如是。

其實那騙局，加點演技修飾，圓場有幾難？做了咁多年人，些少演技總有的。只是都一把年紀了，你花心機扮來幹嗎？真的太多餘。

所以年紀愈大愈有脾氣是真的，不管有脾氣是可愛不可愛，不想花心機做戲就是。勇敢面對赤裸裸的自己，也是一種修維吧。

天氣冷，小心著涼，晚安。

心死了，不想哭，也無淚。

今日結束了一件事，換著是以前我不會這樣做，不過面對那沒有希望的將來，早早了結是最穩妥的決定。

新生活更美好。

獨自旅行

今日打畀人事部，發現三月尾前要放八天半，平均一個月清三，四天，不算多。

之前怕危險不想一個人旅行，其實夾時間好煩，更怕有期望會空歡喜一場。那麼我想去哪裡都好，就連揹相機按快門都省了，想去哪就哪。

跟不喜歡的人一起真的會委屈，跟著不喜歡自己的人也一樣，為什麼怕一個人呢？這種想法很無聊。

一碗合桃糊，源記的，不過不失啊。

丟架

今日等了好多次巴士。最後一次等巴士回家，後面排了一對情侶，見到個女仔扮 bb 聲同四眼仔「傾偈」，四眼仔用正常聲答佢，佢繼續 bb，仲愈攬愈實，我一路 keep 住扮睇佢唔到，難頂到爆。

豬豬係配 bb 的，扮晒 bb 聲對方都無反應，好心收皮啦，哈哈。我估那四眼仔覺得在其他陌人面前俾 bb 纏住一d 都唔型。

兩個字講晒（如題），呢d 肉酸野真是要引以為鑒。

iPhone 愛恨

呢兩個月用番 iPhone，老實講真係為勢所迫，朋友 inspire 我寫一篇 pros and cons，但我唔知點畫一個 table 出黎，仲好，我唸到乜就寫乜，以先列出的為重要：

平，性價比很高
硬淨，堅硬
wifi 收得唔錯
多 apps
入 contact 方便
數據唔知點解好快用晒，之前 galaxy mini 用300 幾，今個月慳住用都用了 700（一倍！）
影相好靚
開閂 gps 好麻煩（相對上一部機）
方便開公司個 iPhone app
多 games
開 what's app 時用唔到筆順輸入，所以拆了，拆了但仲剩番個阻礙視線的框會彈出黎
過相好煩（同之前部機一樣煩）
upload 相好快
開工發到微博
siri 幾乎是廢的（這不算是缺點啦）


我寫到無心機寫了，總之唔係想像中的好。同埋，唔係因為份工，真係唔會番轉頭囉，太唔似我了。違心呢。

作者已死

今朝去咗行山九點半先起身，睇咗天與地大結局，好可惜套劇未做完已被大陸禁咗。原因可能係蘋果訪問編審周旭明，佢透露六四事件係套劇其中一個創作元素有關。

我想起羅蘭巴特「作者已死」的理論，當故事完成之後，作者已沒有資格再為故事下任何註腳。雖然創作人接受傳媒訪問係一個不可多得嘅機會，但呢件事上明顯帶來反效果，套劇冇得在大陸播，的確有 d 可惜。

Happy new year!

新年流流上山睇咗2012第一個日出，跟住食咗添好運嘅米芝蓮點心，新年添好運，非常滿足啊！

上山時，望番落山，好似行黎行去都行唔完。

上到山後，a 君已預備了爐具，四點等天光等到七點，煲野食維生，食了粥、老火湯、雞肉、奶茶，仲煲了一罐罐頭雞湯，非常好味又保暖！

偏山都是金黃色的草，非常壯觀！

呢度叫「爛頭營」（爛頭 = lantau...），據聞d 石屋可以租住，我見到裡面仲有煮食爐同食具，真係一間屋咁架


好多人紮營等睇日出

最後日出o係落山時見到，2012曙光初現一刻！~

行完，去咗 IFC 飲茶，d 點心好好味，a good start for 2012!