不存在的女兒

好多日無update個blog，趁往今日正能量比較高寫少少o野……

尋日由一個beauty event轉去另一個beauty event，由ifc去嘉咸街（擺花街過少少），因為地點太隔涉所以選擇搭的士。

的士司機一邊耳塞往耳筒，我以為佢handfree同行家傾偈，自顧自補粉，點知的士一路駛去海味街的方向……

s：我 d：司機

s：我去中環喎，點解好似去緊上環（心裡面諗直情係西環！）？
d：我頭先問你轉唔轉彎你都無應我（我唔知佢同我講緊野！）

（之後架車終於轉番上皇后大道）

s：我要去G.O.D 個條街囉。
d：我知邊度喇，以前有個睇相佬o個度……
d：你就唔知啦，你o個時都未出世……
d：我以前就係往呢度（又指另一條街）未就係呢度囉（都唔知指邊度……）
d：我年紀實大過你啦……分分鐘我個女都大過你
s：你個女幾多歲？（問題只出於女性對年齡的敏感）
d：26歲，不過失解左喇，佢個樣有d似你
s：失散左？去左邊？
d：加拿大囉，你個樣真係愈睇愈似我個女

（事後我將呢個情節講畀人聽，大家都覺得好危險，但我只係覺得好搞笑）

d：係咪呢度轉？
s：係掛？！
d：（駛向蓮香）死喇，轉錯左添，呢度轉唔返上去，你係呢度落車啦！我收少d啦 46蚊啦！
s：（畀出一百蚊，努力地掏出6蚊）
d：我無散子找畀你喎，你最散有幾多？
s：整個銀包只得一百蚊錢喎。
d：（塞返張一百蚊畀我）咁算啦，當我請你搭啦！


咁結果我就無畀錢落左的士……


呢件已經係呢半年以黎第二次的士奇聞，之後尋日我又聽其他人同我講過一d親歷其境o既故事（同搭的士無關）。我覺得故事是否動聽其實同講故事o既人o既心境有關，通常一個人真心將個故事講畀我聽，我都會覺得個故事好touching……

同事s同我講個故事係司機吹水，我又不覺得一定係真（或全部係真），那我覺得我有一刻是感動過，已經令這件事很值得回味了。

遇上曾碌爆23張咭前病態賭徒的士司機

尋日搭的士返bwflc，遇上積極傳教的士司機，佢係一個年約30多歲男子，身穿一件puma風褸。我一上車佢就問我去邊，佢就畀兩條路線我揀，我都唔係成日去，同佢講最緊要快，跟住就同我講話呢排聖誕節點解會塞車，係因為好多公司布置緊聖誕節（我覺得唔係囉），跟住無啦啦又叫我去澳門見識下，話澳門倒場9成都係女人，d女人去賭係因為寂寞……仲囉左本聖誕同埋寫住「賭博害人不淺」既書出黎。

講一大輪，佢話佢曾經係碌爆23張咭的病態賭徒，係「神」引領佢行番正路，佢完全無理我response，佢見我去學校，又話我係學生又話我係miss……我話唔係，佢話：「我成日都估錯，所以輸晒d錢囉……」真係啤一聲。雖然佢無理我反應，但佢都有見咩人講咩topic，佢見我係女，就講d中年女人點解賭錢啦，跟住又係度講話男女雙方既愛，要雙方面付出先得，唔可以單方面，又話男仔溝女要先主動，覺得女仔著數d（其實又未必係囉），又話男友如果吸毒食煙一定要第一年拍拖時迫佢戒，如果唔係無可能（唔明點解係一年，而唔係200日或者600日……），又講話d男人好要面，唔畀面佢佢就反感，追緊你都會掉頭走（點解咁同我講呢？）……佢講埋呢d應該同傳教無乜關係，我覺得係d導人向善但係又疑幻疑真o既o野黎……仲要講到見到條路都無轉入去，我提佢佢先係另一面兜番入去，好在冇令我遲大到咋，otherwise我會嬲死佢。

到左之後，佢收番原本應收o既價錢，仲遞左本傳教刊物「 中信」畀我，喂我個目的地係佛教學校黎喎，佢應該完全無為意啦。晚上同大家講番呢件事，judy話佢肯定遇過呢位「碌爆23張咭」o既哥哥仔，證明佢真係用自己親身經歷好努力咁寓工作於傳教，好努力咁導人向善，好明顯我都唔係好認同佢講d野啦，但導人向善o既行為我覺得都okay o既。

不過係我諗佢最好都係專心d楂車啦，除左因為唔好唔記得轉彎之外，最緊要安全丫嘛。