（500天）包場

早排公司包場，同幾個同事一齊睇o左心跳（500）天：


小白都係座上客：


去緊途中，挨o係chiwawa姐姐胸膛上，仲幾好艷福（笑）~


睇真d呢個真係唔係我妹o黎（笑x2）


同小白金鐘站，好好好好人o既chiwawa姐姐仲幫我同小白合照o添！


（以下有少許內容）
其實套戲o既內容都幾簡單，講一個500日愛情故事，而件事不過係對方從一開始就無諗過into一段感情……500日，數算下來都有一年半時間，一段唔長唔短，無疾而終o既回憶片斷。

似乎好多人都幾鐘意呢套戲。o係友達d o既blog入面，見佢話唔太鍾意電影o既ending。可能d覺得ending太cliche？但我覺得已經係最proper同positive o既結局了。

好多電影ending都要正面、政治正確，有時覺得玩o野o既結局更加叫人拍案叫絕，但現實生活固然冇呢D例子，電影裡面都絕無僅有-.-，不知算不算憾。

神奇兩女俠（1987）城市風景，潮流回歸

昨日勁hea，b提議看這套《神奇兩女俠》（1987），今日回看已是不可多得的經典之作。這套戲由鄭裕玲葉童主演，甘國亮編導演，傳聞是為女友度身訂造的。片中葉童識演一個有學養的知性女生，鄭裕玲卻擔綱一個「波大無腦」的角色，就是因為大家知道片中角色與鄭的真人大相徑庭，這齣電影才顯得更好看。

電影講兩個落選港姐的生活與愛情世界，由如今已改建的利舞臺：劇中香港小姐選舉的場景開始，我和b很有興味地研究20年前的街景與浮華，談論今年1980s潮流回歸，欣賞女星的shoulder pad、smokey eyes、爆炸頭與鼻影，非常興奮，同時在場的w顯得一點興趣也沒有。


電影主題曲由林子祥主唱，呢隻歌原來叫做《敢愛敢做》！~ :p

我和b不約而同非常喜歡電影的尾段，嘩！當年的王敏德真係勁靚仔！三位主角當年真的很charm，猶幸今時今日，仍然keep得幾好，省下我們一聲嘆息。

同我一樣熱愛80年代的，這套電影絕對值得一睇！~

辭職

為了回應傳媒工作者炒作風氣，將之成為友儕間之壓力，本篇亦以「辭職」為名。

今日從某雜誌記者口中得知友人b有了辭職的念頭，並宣佈明天向公司遞交辭職信。我的第一個反應是：「為甚麼不即日辭職，要等聽日？」這句串嘴的話當然沒有當面講出口。

朋友的「辭職」我已聽了很久（感覺聽了好幾年，記者指出是兩年），麻木到不懂得安慰別人。我不知道為何友人b可以有如此能耐去包容忍受她的上司，我也不知道一個女人跟一個女人互相不屑厭棄仍天天待在一起是為乜（如是其他人的話，極可能是為錢），我想當中應該有些隱藏於我們眼睛以外的東西存在。

*今日睇wiki，才發現原來佛家語「我執」有譯作ego（心理學的自我）；
**友人的異地戀人專程來香港把她接走了，去渡假，聽了這個故事充滿單純的感動，愛情應該是如此的吧；
***看了up，是中文3-D版，好鍾意聽到老許把聲配音，那3-D眼鏡令人大開眼界（我知以前有圖集會送立體眼鏡:P），最後結果還是沒寫之前兩套戲的感想，認該不會寫了。

不變的時光

今朝十點幾囉起電話，「啪」一聲整斷o左「幸福守護符」，心裡一沉，打開部電話仲輕埋機。十二點幾e打來，佢o岩o岩o係灣仔，於是約埋一齊去左春源街食咖喱飯，買o左包茶葉返公司飲，有成五十幾包。其實今日真係好眼瞓好眼瞓，但真係太多o野未做完，所以一坐低起勢係咁做，同事傾偈都視如無物。保守估計我寫o左3份內文稿 + 3份客稿 + 1份mini site copy。記得睇書同埋同朋友吹開水都傾過，有理論話當你工作量係你o既能力o既120%，咁就會perform得最好，都不無道理。（ps.希望呢d o野唔好畀老闆上司睇到 :p）


前幾日想搵stephy o既歌o黎聽，點知搵到呢首歌，好鍾意佢唱歌感情唔太賣弄的感覺。「願時光保持不變，讓我愛你依然」係套戲的slogan。我覺得「願時光保持不變」呢句好似有D奇怪，但內句說話拼合起來，卻又很讓人聽得舒服。就好像新詩跟平時說話的句式的不一樣。

又話講竊聽同埋大犯罪家，不過真係太夜了，不能再用力想寫甚麼。其實如果有時間我都想睇多d書多過上網，未必會寫返睇後感了。

無眠夜

很怕睡不著的感覺，因此到了這麼夜才開始準備去睡。

這幾天看《大犯罪家》和《竊聽風雲》，兩套都是感覺不錯的電影，希望遲些組織起來可以分享。

孩童世界的成人故事 / 我的成人童話

今天約了n年不見的a，她邀我看《20世紀少年-2》的preview，一套2個多小時的電影。這套戲追開漫畫的、有睇第一集的以至像我完全沒concept的，都可以不同程度地follow個劇情。這套戲講小朋友的「兄弟世界」開始滋長的鬥爭，長大後如何變成一件影響全世界的殘酷事件，然後又聯手抗惡勢力、悍衛地球，充滿小孩子的狂想意味。老實講這題材不足以令我自己陶腰包入場看，但看了之後我覺得「一看無妨」比我想像中要好。不過這故事是分開1、2、3集，如果看了2，你可能會想睇返1，追埋3，自己好自為之啦！:p


（20世紀少年-二- 最後之希望的劇照）

*** *** ***
我常常幻想有一個小女孩住在我的心裡，她近來時常出現，到處蹓噠，有時還好像很高興的樣子。可是近幾天大人們說的話令她誠惶誠恐，我沒辦法，唯有嘗試哄她入睡。

希望我有這樣的一份力量。

sick of 立場

今日去了睇電影《chageling》（換命謊言）premier，故事係真事改編，講一個單親媽咪唔見o左個仔，過o左幾個月警察幫佢搵o左個仔番o黎，但個仔唔係佢的……

（以下有少許內容）
睇到中間佢講到個世界原本係唔岩，女主角點樣挺身而出指證，「大快人心」o個下d人係咁拍掌，我就覺得好不安，esp我覺得呢個世界無岩同錯。

其實套戲幾好睇的，但我不得不咁講。佢只係用一種比較多人認同o既標準，去challenge一種固有o既制度，然後因為大多數人認同，所以用拍掌、搧動o既方法，令到呢樣野變為合理。（希望有人明我想講乜）故事入面佢係贏o左，但係我覺得呢件事好錯……

我覺得呢件事令人好不安。我記得同事成日話我騎牆，我明白工作、生活，一個人一定要有立場，但係我真係對於dominate小眾呢樣野感到好唔自在。

……我應該需要一種信念去搵到一個生活的方向。

呢排成日覺得眼冇神、個人冇精神、瞓極唔夠、自閉……希望我快d好d……


尋日ben介紹我聽呢隻歌，呢幾日好多人講話唔知佢不斷重覆係唱乜，有d歌詞真係幾拗口，我不得不講。應該係填詞o個位聽得聖詩太多囉。