夏水禮，第二回

今日去o左三星灣，影o左幾張相都係我好鐘意o既melon、baby blue、light green色，今日真係好開心 :)


白沙灣，碼頭


Nicole o既 Paul Frank i-phone套，靚！


好耐無著o既綠色泳衣~


仲買o左綠色水泡，多謝mioggi送o既沙灘


今日，又著爛件衫，買o左呢件藍色裙，同個站好襯~~~~~！

沙龍

其中一朵其實是不動。


長途伴侶。


我的桌面。


天上的，不是月光。


下午、中環。

昨天和c去看電影之後吃late dinner，小巴上她說：「照片裡面的自己，其實就是別人眼中的自己。」一種互動的交流。

喜歡的人為我拍照值得珍重，但機會不多。以上幾張，在照片看到自己那時那刻眼中的世界，也是值得玩味的。

今日同同事飯局，為了不想重複post，有興趣了解的話請參觀fb的album

角度

今日和s結伴到東薈城outlet入貨，到達第一件事就是「醫肚」：


去pizza hut吃了兩個tea set


「雀籠」上層，藍莓芝士餅、蜜桃草莓串


下層（順時針）鳳尾蝦、扭扭蒜蓉包、炸芝士條、煙肉包車厘茄


四吋千島海鮮pizza

若是以前的我，一定死命要去試一些從來未食過的食肆，但路遙遙到東涌，我竟然提議食pizza hut，覺得起碼食物質素、價錢會有個譜。我想，我是慢慢地變得沉穩起來了。

另外和大家分享幾張snaps：

檸檬茶 by s


檸檬茶 by me

雖然s那張影得幾靚，但我鍾意自己那張「鬆郁濛」多d，仲特登tune淡d張相~

食飽後有驚喜，在噴水「池」看到了彩虹！~


噴水「池」by s


噴水「池」by me

第二張是學著s拍的，細心留意s拍到的照片更「高」更闊……由於我看東西視野很窄，鍾意影好近好近的東西，我起初根本沒為意彩虹有這麼長呢！

可能是東薈城outlet愈來愈出名，知道的人愈來愈多，感覺上貨品沒以前那麼「精選」，最低價也不過是正價的五折左右，而且也是一些沒有trend的貨品，折扣跟外面買到的季尾貨差不多，老實說我這次的購物之旅的確有點失望。這次旅程我只買了一對鞋，剛穿上時感覺很好，希望之後有機會show給大家看！~

自拍照

有一段時間或許是因為電腦壞了，也不說出不是為了甚麼，結果就是把相機擱下，不碰。近來有時間閒下來，也會隨手拍拍。





我想，snap也是獨處時跟自己說話的一種方法。

profile pic

今日除了陪屋企人食飯乖乖留在家中，可能是半年來未試過咁乖！

前天入手了一個可支援sdhc的card reader，於是可以輕鬆在家「過相」之後的blog entry會加d圖片，唔使齋睇字咁齋！~

本blog今日仲轉左template同埋換左profile pic。之前的profile pic係當年a雜誌攝影師L君幫我影的，大大話話都成年幾前，有必要update張相，費事背囉d舊相出黎厄人之名！


呢張相係星期五（8月7日）工作時在美容院自拍的，臨離開公司用了Dior Iconic的mascara，感覺效果不錯！~

我平時工作同埋生活照，都係用呢部極之輕巧的傻瓜機影的，部機係舊年年尾趕住用匆匆忙忙買的。當時想，部機應酬到我最minimum的需要就得，無諗過做野都要囉佢出黎，亦無考量得到千幾蚊o既機同三千幾蚊o既機操作上o既分別。不過呢，佢o既value已經好輕易賺返返黎，所以沒有後悔的餘地。

漫長的告別

聽聞牛頭角下邨拆已經好一段時間，呢排我上完調酒班，而松山又咁岩聽到呢個消息，於是尋日約埋一齊去牛下影下相：


一格格其實肉眼睇有四份一已經冇人住


今次同行除左松山（右）仲有佢個朋友仔louis，不過我訪問過L先生佢其實係影開人o既，所以今次o既行程對佢來講係新體驗，但我估佢對snap興趣唔大…… :p


最大發現係睇到呢張告示，原來牛下o既居民將會搬去最新起好o既上邨度住。能夠原區調遷，見番熟識o既街坊，我覺得係唔完美o既世界入面呢件都算係一件令人感到開心o既事。（though我唔知d租會唔會貴好多……）

跟住我o地跟住松山隊長行去彩虹：


呢張我好鐘意，但o係facebook度post出黎覺得麻麻，我諗要拼埋一張正常o既一齊先睇得出呢張有咩唔同。


個天無雲，4點左右，係影相最好o既時間……


咁岩d光射落後面堆樹度，變左淺綠，見到好多唔同深淺o既綠色，仲要係前面深後面淺呢


另外又好鍾意呢隻有「保護色」o既雀

已經起碼有兩個月無周圍去影相（旅行除外），今次其實都冇乜心機影，因為凍，上o左樓又冇乜人氣，影出黎d相都係悶悶的。希望下次可以影低一d更有感覺的相片，留為紀念。