日轉夜裝

今日早上去o左踩單車，d風好熱、感覺好焗……又可能因為我已經好耐冇踩單車之故，一停低，就有d頭暈眼花，停o左兩次都係咁；兩位男士仲話「心口痕」，我諗，空氣實在太差了點；好在，最後抖返順條氣，都完成o左「大圍→元洲仔→折返大圍」的單車之旅。


朝早一個頹look去踩單車。

大圍交車後，去o左沙田o既physical度沖涼，呢次係我開咭之後，第一次去physical，竟然係為o左沖涼，玩到成身汗去沖涼實在太舒服喇！之後仲執返d眼耳口鼻:)


就係為o左去見梁小牛小朋友。初次見面，抱住小牛時佢非常之活躍，又冇喊，姨姨畀個叻你！牛牛b，你大個o左要陪姨姨玩ga wor~

希望之後可以補post返我同牛牛babie的合照~babba快d send張相畀我呀~

恭喜區生

尋日出席o左p仔（又名聰明仔）之結婚大典，呢排鍾意o左影video o既我，影o左好幾段花絮，當中最鍾意都係呢段自製o既11秒超短片：


幸福到冇o野好講，就o係呢10秒入面表達o左出o黎，真係影得好好！

p先生，祝你新婚快樂哦！

食在泰豐廔

早前與同事食過鹿鳴春（由於在fb出了相，沒有在這裡談及），今日到尖東另一間京菜館「泰豐廔」食dinner：


從濕紙巾的包裝上看到店子有近五十年歷史。

是日的菜由h先生來點，他很快便選好今天要吃的菜，點菜時有板有眼，b說他神情有老闆風範，後來知道h是獅子座的，waaaaaaa！別讓我太相信星座了！


dish 1：賽螃蟹，好味，入面加了乾瑤柱，口感勁似蟹！



dish 2：砂鍋雲吞雞。筆者並不鍾意吃dumpling類的東東，但雞好味，湯好飲，金華火腿都好好味！


dish 3：京菜必食：片皮鴨，沒有上次在鹿鳴春吃了整隻鴨那麼澎拜，但味道都不俗，不算特別突出啦。


dish 4：炸饅頭，不知算不算一個dish，幾好食。

之後仲送o左一人一小粒高力豆沙，小小的像炸豆斗的大小，不太膩，很窩心！埋單都係位位HK$110，非常okay~~ ^^滿足！

牆上的畫、特別是樓梯頂的水晶燈，都很有懷古feel。吃飯時有兩檯年輕人唱生日歌慶生，好像有穿越時空的感覺啊。

這張相b小姐的表情很有趣，而我發現了s先生有意無意地把他裇衫入面的tee收藏起來，不知他是不是故意，姑且不把那件tee的圖案表述出來。


2009年9月11日，一個值得紀念的日子，本blog自今年1月1日set up counter以來，主頁page view突破10,000人次，感謝常常來探我的朋友！

午餐與零食

近來經常o係公司，join同事一齊order外賣，今日「放監」約o左飯腳一期一會，今日食o既係灣仔華康附近的伊留加日式料理，食o既係雞扒拉面同鰻魚拉麵：



之前同老總o黎呢度食過一次late lunch，食o既係魚生飯同壽司，感覺好味d，今日所食係普通。不過因為落雨，覺得凍所以想食熱o野，一碗麵連飲品HK$38，食物真係麻麻但係都算合理。


飯腳送o左張coupon畀我，我o係公司樓下間pacific coffee換o左杯細mocca，陪我星期五holiday mood終極作戰！話時話公司樓下間pacific好大好靚，好坐過六國酒店附近那間。


其實我唔係勁貪心成日要人送野畀我o既，入手零食，零食山又再出現！~~~~ 入手零食時我都送返蝦餅同gummy畀飯腳。


大量零食之中，有呢支「唔知點食」o既魚肉腸，係e先生送o既「小禮物」，齋擺都足以令我o既零食山氣勢倍增！

信以為真

自從星期六去過speed dating之後，整個星期除了工作就在follow up呢件事，當中亦與同行的同事交換心得，過程有趣。經過與speedmates的了解之後，筆者覺得我遇到的或有所聽聞的男士，大部份都是真心想結交認真交往的對象，但在一個充斥品流複雜的陌生人海之中，想找一個心靈契合的知心伴侣，有點像歡場求真愛那樣難。

年初的賀歲片：葛優 x 舒淇，有徐若瑄、方中sir客串的《非誠勿擾》，一個關於徵婚啟示的故事，之前和苗在廣州遊時看的，現在還想把劇本小說買回來看呢。


經過初次speed dating的體驗，雖然沒有甚麼有形的得著，過程絕對是令人難忘的，尤其在聽別人的故事時，有點像重溫以前寫專題故事時有過的感動。

試飲miyabi 「young+ 無菌豚胎素」

以前試過羊胎素、人胎素導入療程，亦試過豚（豬）胎素護膚品。今日首次試飲豚胎素飲品，並由同事s即席拍下試飲過程。

以痛換愛

是日早上應約試做一個eye treatment，起初是覺得痛，最後痛到哭了出來。平時針清黑頭都會流淚，哭的程度絕對跟流淚有莫大分別。美容院老闆娘說，痛先會靚，佢有佢道理，但我相信畀得起錢的話，可以選擇無咁痛的方法。

女為悅己者容。若要以痛來換取男人的愛，有幾多女人會肯去受？日日對住成座山一樣多的美容產品，好多年前我已常常在想，保養的效果若能做到25歲時似25歲，30歲時似30歲，已經好夠。諗住扼得一年得一年，件事就走火入魔。

作為美容編輯，當然要有勇於嘗試的精神。若要以痛換愛，我想我有更大的勇氣，更sentimental，也做不到。

treatment時美容師說我眼下有一顆血痣，她說，既然這顆痣在眼下一段時間，若是普通損傷一早結痂了。剛放工我就想起這事，起初以為眼下是「淚墨」，會令人多愁善感；上網search，才發現眼下是子女宮，有痣會影響子女健康。不過亦有說，紅色的痣是吉兆，生在不好的位置也不會對運程有壞影響，可以置之不理。


去三星灣游水，眾人去了打山灘排球，見波即彈開幾尺遠的我，坐在海邊「看袋」，也寫意。


speed dating認識的男生，原來好多個都是常客，那末令我覺得這項活動要賺錢，其實是create desire多過fullfil needs，雖然表面上，參加的男男女女不過各取所需。

藍妹之夜

今日訪問o左kim robinson，勁nice，果然係勁o既髮型師都有好強o既親和力！(L)(L)(L)真係好想唱返隻sandy lin應下景，但結果係唱o左呢隻~



呢隻成晚聽o左兩次，當年好鍾意o既……只聽就好，唱不出莫文蔚瀟洒自如。


岩岩發現除o左星期六，唔覺意飲o左4日酒，好對唔住個肝 -.- 係時候抖一抖喇 :P多謝e帶畀我o既藍妹之夜~

夏水禮，第二回

今日去o左三星灣，影o左幾張相都係我好鐘意o既melon、baby blue、light green色，今日真係好開心 :)


白沙灣，碼頭


Nicole o既 Paul Frank i-phone套，靚！


好耐無著o既綠色泳衣~


仲買o左綠色水泡，多謝mioggi送o既沙灘


今日，又著爛件衫，買o左呢件藍色裙，同個站好襯~~~~~！

非常疲累 speed dating

久聞speed dating，亦好多時同fd傾開躍躍欲試，但一次都未試過，前幾日同事c邀請同事們一齊去，而當中我好明顯是「最需要」（想不到另一更適合的詞語去形容）呢項服務，於是我有幸出席呢個盛會，亦大開眼界！

據我所知身邊好多朋友相參加，或者想涉足呢項生意，因此好有信心呢個post將繼「開房男」vs「打種男」之後另一最受注目post！

我好想係自己仲有記憶時將呢件事寫出黎，但我又已經好眼瞓，希望大家睇得明我寫乜啦。

言歸正傳，參加之前，我同同事c最大concern係驚d野唔好食，但實際上，成件事係好辛苦同好o徒氣力同精神，辛苦程度係遠超於我意料之外！

活動情況報告：

活動時間：
都幾長！下午7至10點幾（3粒幾鐘）

環境及食物質素：
都ok！零期望之下，覺得d食物比想像中好食。但由於人數眾多，食物好耐先到，叫野飲又好耐先到，都好在d水添得好快（講到無氣）。環境勁暗，冇燈咁滯，每人檯頭一個白色蠟燭仔，可能特登濛d，大家都會覺得對方順眼d。

活動內容：
幾辛苦！7-8點幾食飯，之後係傾偈時間，是日活動有24男25女，每個人有約5分鐘時間傾，d男人不停咁順時針換位，d女就坐定定係自己個位到睇住d男人係面前轉動，中間只有10mins break，當break時對面都係有人o既，所以美其名係break，實際上都係繼續傾，中間只係去o左幾分鐘廁所，因為難得有得抖，所以我係廁所度有少少唔捨得出黎……亦由於大家好博命咁傾偈，傾得好起勁，好大聲，某程度上係鬥大聲；傾傾下有d身體唔係幾好o既人開始無乜氣講o野，真係好辛苦 :p

出現人物：
都ok！由於d男人係順時針轉動，而我兩位同事係坐我o既右邊，所以d男人一坐埋黎都知道前面兩位係我同事，省卻o左自我介紹o既時間。另外我o既style係唔太鍾意起人地個底，但又鍾意傾閒偈，所以過程辛苦得黎都enjoy。
出現o既男士最多係做政府工、採購員、產品設計師，佔o左超過3成，而據聞女仔從事律師、空姐工作係可以免費入場。其中一男參加者向筆者透露，有一名出席者自稱是life style magazine（！）的記者，唔知邊個黎，哈！
由於沒抱很大期望，我覺得出席的男士質素比我想像中好。會場當中多數男士單拖出現，或者陪女性朋友出現；相反我們只發現兩個男士相識，由此可見男人傾向各自搵食，女人就揀仔都要約埋一齊揀。

結果：
滿意！幾年前已被前同事k封為「扼偈傾」，查實我真係幾鍾意傾偈，真係24位男士我都想繼續同佢地做朋友。雖然話佢地quality比想像中好，但真係好想交往o既感覺真係冇乜。

由於完事已經好累，o係缺乏思考能力情況之下，我將所有男人tick晒。體貼o既大會會o係24小時之內將 match（同時有要求對方資料）o既男士o既資料e-mail畀我，到時我就會知道自己o既成績（不過我估好多男士都好似我咁狂tick，即使有好多人有揀我，都未必係一件好有型o既事，另方面收到我資料o既亦唔值得咁開心。）

賽制檢討：
okok！之前同事f講過，speed dating同普通出去飲o野冇分別，只係坐得入呢個場，suppose每一位女士都係「等你溝」而已，說得再平白不過。講真，比你見足24個男人都好，最後覺得對路，可以繼續交往o既，自己一定心裡有數，所以要reach個量而要畀心機密密傾，scan得愈多愈好o既approach，真係無可厚非。

我o既呼籲係，唔好對speed dating活動有太大期望，唔好諗住咁易識到交心o既朋友，咁o既心態去應該會好開心咁離開；出席一次活動，了解下市場狀況，二百幾蚊絕對值回票價。

後記：
無開名、無內容，上述大家可能覺得空泛，講件事實同大家分享下。中間break時，坐對家o既t先生同我講o左幾句真心話。佢話唔係第一次參加speed dating，之前約過女仔出街，覺得世途險惡，有d人係另有目的。我問，係咪對方有男友，佢話，有男友o既，約會時鬼崇，好易睇得出，預o左。佢所講o既「另有目的」，係指其他。

出得黎行，最緊要都提高警覺，otherwise囉唔返信心仲要hurt上加hurt，就勁蝕啦。佢o既經歷，似乎比起我遇過o個d披住玫瑰的男人更可怕。

活動提供：http://speedmate.com.hk

下體激凸糖

同事c的已婚好友特意從日本送來地道美食，是可愛的蜜瓜牛奶糖：

包裝上的公仔的樣子令我想起第一份工的部門主管 :p

後來卻被我發現包裝袋上的蜜瓜囝囝「下體激凸」，男同事看了都不敢吃，同事s更話：驚食o左返唔到屋企（！）

物換星移

聽說日蝕前後，星像變化會對人的身心靈有莫大的影響。回想上兩月好像有點迷失，頭一次因遲到太多而被扣假，心情勁低落。

近來生活看似回復正軌，現在（一年後！）的我已習慣了工作的模式，準時返工，八點半前把所有工作放下。

一切好像井然而有序。

早陣子，跟相識十多年的好友鬧翻了，這幾天空閒時就想到這事，雖然有點可惜，但感覺大家在不同的世界生活，活在不同的世界觀之下，也可以安然無恙，也不失為一個美好的狀態。

案頭的書信堆積如山，書展買的九本書被束之高閣，很抗拒有一個人靜下來的時間，又想起h那句：你越來越港女。

以前愛冒險的我，其實現在是喜歡穩定的。不過平淡生活之中，也有點燥動不安。

灣仔頹飯報告：大慶燒味飯店

今日飯腳s忽發雅慶強烈要求食燒味，在下當然奉陪到底~是次目的地是位於修頓球場側，毗鄰涼茶舖的大慶燒味飯店。

甫到達店員即開一張在屋企「開黎做功課」的摺枱予我們開飯，勁有灣仔區難得的住家feel：

飯腳之選：叉油雞飯加鹹蛋配例湯。


筆者之選：燒肉切雞賴配例湯。

作為資力2年的灣仔之友的筆者，今次是第一次食大慶，感覺不過不失，對於不齒於「喜喜切雞其實係鹹雞」的筆者來說，我會用至少好食過喜喜來形容大慶。

伸延閱讀：大慶燒味飯店@開飯.com

城大「飯堂」- 品香樓

日前由飯腳好友b小姐帶領之下，有幸到「城大飯堂」之一，位於石峽尾南山村的品香樓用膳：


芝士琵琶豆腐伊麵底，不過不失，美中不足是其賣相很一般（勁雪白），而且g+e=月巴！



泰式豬頸肉，甚具水準小炒之作。


風沙雞，夠入味，而雞肉不會過熟，值回票價。唯店中最著名之手撕雞售罄，有點失望。


飽汁雞粒炒飯，炒得濕濕地，不會太乾身，不俗。


最鍾意我自己點的，腐竹浸娃娃菜，瑤柱汁有酒樓水準，好味！


經過城大，拍了這幀照片學，其實學生時代已離我很遠很遠！實在沒有心情重拾書包，希望忘記課本的我，在工作各方面有更好的發展！

參考資料：品香樓@開飯.com

還是回來了，今天也是寫篇札記。昨天外勤一整天後，上午留在公司，下午和同事r與PR f小姐去飲下午茶。f小姐的公司代理藥妝品牌，知道一些化妝品的專業資訊，聽她所說，獲益良多。平時去發佈會，寫稿，都是報道一些產品的賣點，批判與反省的時候少，一些理性的討論與交流，可以令人更清醒明辦是與非。

晚上和鄰居e小姐一起去打邊爐，多謝她聽我說了很多很多。其實工作忙碌的日子裡，心情不會太壞，一直相信，用心感受比花光力氣去解說來得簡單，有時真的需要獨處思考，奈何很多時是知易行難。