耿耿於懷……

曾幾何時，畀某人話我個look似juno。前幾日，冇啦啦聽到呢隻歌，又到前日，放工時又聽到同事播呢隻歌。juno又出新碟喇，但係我諗，好多人都依然覺得呢隻歌係幾唔錯o既，而筆者亦非常喜歡wyman填o既詞。

近來愛上畫眼線

其實我化妝是很懶的，平時只會塗foundation令膚色均勻，再塗胭脂和lip gloss，令自己看起來更精神就算。做了這份工之後，化妝的時間是多了，基本上若不是whole day留在公司的話，都會化妝，我化的妝除了粉底、胭脂、唇彩之外，通常還加上畫眉、畫眼線和塗mascara。

畫眼線，絕對是做了這份工之後才學的。可能是因為看得太多make up demo、可能是因為o靚模妝大行其道，也可能是近兩年興大眼睛，太深近視不能戴「大眼仔」的我，唯有畫條眼線充數。


這是出席p的婚禮當日化的妝，畫了一條上眼線，包括內、外眼線。畫完以後，雙眼皮好像變了單眼皮，而且可能因為睡不夠，看相比平時胖很多，很有福氣的樣子！


這是今天拍的（ps.我會抹下塊鏡！）畫了內眼線，mascara也只塗了上眼睫毛部份，看相不會太娃娃臉，自己覺得不錯。

畫眼線時，我鍾意用上色的眼線筆，但我連刨筆都懶，支筆好快就「頓」到不能用……=.=，於是這兩張相用了cle de peau的cream eyeliner，just for your reference，不是廣告呀！

還想告訴大家近來超愛用revlon的雙色眉筆，愛用的原因之一是它是扭出來的，不用刨筆，效果也相當自然。而筆的另一邊有highlight，畫出o黎條眉勁靚！不過由於不用刨筆，筆尖也不會很精細，我的眉毛長但不算濃密，用它填色就剛剛好，如果真的要畫條眉出來的相信就不合用了。

值得仰慕的男人

自從友人y拍拖之後，沒有了一起shopping的伴，很是寂寞。日前機緣巧合之下相約r逛街，一次過買了好幾款心愛的東東，非常滿足！

r常說好的男朋友有4大條件，分別是：

1/我喜歡佢；
2/佢喜歡我；
3/條件okay（主要指經濟條件，這項每人有不同要求，不用養返佢轉頭也是「要求」吧；又或是，愛才，也是一種要求吧）；
4/available。

四項條件合起來，就成為了一個值得仰慕，值得去愛的男人。少了一項的話，就會被看不上眼、看不起，或者是個壞男人。遇到四缺一，只有飲恨。

不如吃甜，到Haagen-Dazs吃甜品去~

我的凍朱古力


r的朱古力橙酒，好似 jacob橙餅味~


我們一起吃的cheese cake + 石板街雪糕。

cwb的Haagen-Dazs，不用參考open rice了吧！不過有一點吊詭的是，這裡堂食的最低消費per head是HK$45，但餐牌裡充斥著30幾蚊的drinks和60-70蚊的set，所以我們選了一個有飲品的set和一杯飲品，好聰明哦。

90年代、千禧年代、2010年

難頂

呢件事好fragmented，好難三言兩語講出o黎，但我真係好想講。趁今日係星期日，o岩o岩瞓夠瞓醒，我即管試下用我o既言文能力組織一下。

尋晚食飯，踏出食肆的一剎那，我爆粗了。

尋日約o左同事r行街，佢好想食壽司，於是去o左禮頓道一壽司，一坐低，二分鐘唔到，就certify自己「賴o野」



首先睇睇呢幅圖。件事就係咁o既，我同r被編排坐係呢對男女o既隔籬，個女的似乎同佢男友剛剛分手，需要呢位男士聽佢傾訴。呢位妙齡女子應該係25以下，中大畢業，靚，個樣勁似crystal wan，而個男人應該係30+，四眼、髮線上升、鬚根。頭兩樣都可以係先天，但第三樣一定係放棄自己外表而形成。

你諗下，一個crystal wan咁o既樣o既女仔，點會鐘意一個咁樣o既男人，但係，佢失戀，要人聽佢講o野。

我食o左成粒鐘都唔見佢食o野，因為佢好需要講o野，而佢個故事，係要由中一開始講！！！佢有一班由細識到大o既姊妹，其中三個同時鍾意一個男仔。有個男仔追唔到佢，同o左佢個fd一齊。坐我隔籬個男人話「食唔到翅，雞都食住先」……你想讚你對面個女人係翅，定係想講，咁靚o既翅，結果都係畀人食呢？！

個女仔講關於佢個fd（可能又係溝o左佢條仔），個男人即刻答佢話佢似大你好多，唔靚。個女仔即刻話個fd其實細佢兩年，個男人即刻勁讚佢，話個女仔似佢家姐多d！！！

為o左畀個位呢位男士入，個女仔又講o左個故事，話佢之前個男仔唔靚仔、唔鍾意，仲覺得佢好煩。但係個男仔好有心機追佢，佢地成日成班人一齊玩，最後，佢畀呢個男仔o既誠意感動，於是，佢地兩個未試過單獨約會，就一齊o左。坐我隔籬那男人覺得從未聽過，好有趣，好好笑！係我隔籬大笑！我心諗，追佢唔使單獨約會o架，你約到佢食飯，咪代表你無行囉！

跟住，個女仔去o左廁所，個男人係度check e-mail，佢同個女仔講：haha，我收到個e-mail，你睇幾好笑！究竟有咩咁好笑呢，原來係佢個同事請人，而個candidate係唔o岩間公司o既，於是就寫o左封e-mail follow up返，想公司請佢，畀個e-mail個女仔睇：「你睇佢咁寫，你睇佢幾厚面皮！哈哈！我公司一定要請佢o架咩？！我覺得好好笑，哈哈哈！」人浮於事，有乜咁好笑呢？冷笑話之極點！佢話覺得公司d hr好煩，e家請d人一定要master畢業……知你公司勁喇，唉。

跟住個女仔答佢話，有個friend讀master畢業，入o左Big 4做account，佢覺得個friend唔係讀account，但係入o左Big 4好神奇。我心諗Big 4由頭到尾都唔係齋請account畢業的人o架啦，佢咁講顯得佢好無知！

個女仔，係咁講佢d女性朋友的是非，令到個男人有機會讚佢靚、高質過佢d fd……「你個fd唔化妝一定唔見得人，我覺得你唔化妝都好ok！」，我覺得個女仔心地都好有問題，無怪乎佢都只能成為呢個男人心目中o既翅！！結果我都忍o左成個鐘食完餐飯埋單，佢地仲繼續講。

好惡頂！個女仔都係一時失戀，畀個機會呢名狗公（sorry我想不到另一個詞語）陪佢食飯……但點解佢會容許呢個男人對佢有幻想？我完全唔相信呢個女仔會畀機會個男人，食餐飯，係恩典。r話，個女的明玩個男，點解佢容許呢個男人對佢有幻想？點解港男港女咁鍾意玩mind game？

睇唔過眼，不能言語。只可以講，自己做唔出o既事，大把人做得出。無怪乎r成日講：我要做壞女人。執意做好人，好似命中註定戰死情場。但我相信，畀你壞到底，都唔會真正開心。

寫得好fragmented，見諒，多謝你睇到尾。

Speed Dating Project 第二回：Networking

前幾日同同事c同事j又去o左一個Speed Dating Event，地點係LKF一間酒吧。嚴格o黎講呢個唔係一個Speed Dating o既Event，而係after event o既一個section，叫networking，登記後可以free entry：

活動：Networking
時間：晚上十時半至……？
地點：老蘭一間商業大廈4樓o既一間bar
費用：冇。
事件：參加7-10 o既speed dating活動之後，每個人都可以得到一張free drink coupon，繼續吹水同chit chat，而其他人十點鐘之後可以free entry，但就要自己買o野飲，可以隨便傾。

人物：眼見場內男：女比例係二比一，有一個男人直情話：相信今晚o既女士會失望。同其他speed dating event一樣，比較多公務員出現，個場出現o既人真係同老蘭其他地方o既人好唔同。我同另外兩個同事，同事c、同事j。同事c比較talkative，而同事j就無乜講o野。

我地三個人好懶咁坐係度，完全無郁，等d人行埋o黎。基本上認識o左兩個男士，都係做公共服務工作，佢地o既共通點係，人工比普通人高，但沒有學位。講真，有無學位都唔係一個好緊要o既point，只係大家有無話題o既問題，不過，又真係無乜。有個男人仲要好insist話見過我，覺得我好熟口面，真係好錯！另外有個日本人，但佢英文、普通話都麻麻，溝通唔到。

我諗，speed dating o既世界都真係好細，o係今次networking o既section竟然遇到其中一個上次event遇到的人！同事c都同佢無乜交流過，而我都有同佢傾過，但不深刻。佢o既一個朋友h其實唔係single，相信係走o黎視察情況，佢自己都有搞wine tasting event，唔叫speed date，但件事個nature都差不多，男參加者就想知有冇高質女仔，vice versa。最吸引都係一d男專業人士，醫生、律師，以及女性制服人士，如空姐等。

由於呢個係一個無錢賺o既section，d音樂越來越大聲，係大聲到講唔到o野，只好行出露台，但露台又會好熱。不過我地全程都留o左兩個幾鐘先走。

o既然係冇錢賺，咁搞呢個networking section為乜呢？當然係儲客，register之後，大會方面已可以儲到我valid o既email同手提電話號碼，而據h所講，主辦單位o既客戶data base有幾千人，每個星期可以搞兩次event，計反條數，收入係相當不俗，h更估計主辦人可以全職經營呢項事業。

而今次o既chit chat可能比上次更輕鬆自在，最後有一個女仔問我囉o左msn，當晚都有即時傾，希望日後再有聯絡。Speed Dating o既活動入面，男女目標都好明確，對我o黎講實在好難消化，識個女仔，感覺可能仲舒服。


服務提供：HK Speed Date

終於吃了：生記飯店

用了很多精力寫了好多個post，我想這個是今日最後一個了:p 灣仔的樓上飯店「生記」非常出名，聽聞過ex老闆是常客，友人b今年亦於此設壽宴，最後還是沒吃到。今日應同事之邀到生記吃飯。

吃飯前發生了一段小插曲，話說同事「陳小姐」訂了4位，並留下電話號碼，誰知到達時竟然有人入座了，而且聲稱是七位。我們到達時，四對眼望住那位假的「陳小姐」，已經叫了壼茶，仲賴死唔肯走……真的乜人都有！最後她當然是扮若無其事，講句對唔住離開座位。

真係乜人都有。



第一菜：梅菜蒸菜心，相信是這裡發明的。最有心思之處是菜上的蔥花，應該淋了熟油，有酒樓食蒸魚時生蔥滾油的風味。


第二菜，藕餅。打爛了的藕，當然沒有藕斷絲連的效果，入面加了些海味，好像是蝦米，吃下去很鮮味，有點似我老豆整的薯仔餅，好味！


第三菜：鹽焗雞。其精髓又與鹽焗無關，而是皮脆肉滑的口感，吃了半隻也不覺肥膩。



第四菜：波蘿咕嚕肉，陳小姐推介必食，但菜端上來時微涼，失真，扣佢分。


第五菜，泥鯭粥。無疑粥是很綿，但泥艋很少，還吃了很多九唔搭八的豬肉，失望。


最後吃了這個，第六菜（bonus），秘製白糖糕，是飯店奉送的飯後甜品，不俗。

埋單每位剛好HK$150，我覺得是一個合理的價錢，不妨再去。

openrice：生記飯店

JW Marriot的Fish Bar：魚以外的精彩

今日應品牌origins的邀請出席了新產品發佈會。新產品十月一日有售，暫時要賣關子，但發佈會中的美食便要即時與大家分享！


品牌特別為是次活動設計的特飲，其實我沒有仔細品嘗是甚麼味道，應該有產品相似的香味：芒果、香桃，另外有橙汁……不是估得對不對？！


非常豐富的沙律！全都是我好喜歡吃的東東，有蝦、tuna、牛油果、菜、蛋、番茄（番茄麻麻）！我把整份吃光了！~


與主菜一起吃的salad，又有好味的牛油果~


魚吧的hero product當然是魚扒！但我在clinique的發佈會中吃過了，今次選了燒豬扒，豬扒燒得很香，剛剛熟，又能好好保留肉汁，平時不吃豬的我，喜出望外啊！


最後是甜品，香桃cheese cake和雪葩，好味……我發現這次午飯的生果都好sweet，與新產品的氣味同出一轍呢！

open rice：fish bar

終於食到糖百府！

久仰「糖百府」之大名，但一次都未食過，前幾日終於一試，感覺好好！



朋友吃的是胚芽好立刻味，我試了幾口，由於棉花冰入面全是好立刻，感覺好好味好豐富，加上面頭的胚芽，感覺好good！



我點的是石榴飄香，裡面有棉花冰、石榴糖漿、哈蜜瓜、乳酸魔豆及一些卜卜脆的「西米朋友」。

好多料！要逐一講！石榴雖然好香，但味道像台式飲品的「假味」，太甜膩，覺得有點「失真」；另一弱點是「好立刻冰」中，冰是有好立刻味的，但此冰我懷疑冰是簡單甜味，而石榴味都在糖漿入面，與「好立刻」相較之下，即被比下去；哈蜜瓜不用評吧；至於乳酸魔豆，即是一位「益力多果汁」的粒粒，外面是一層薄膜，吃下去感覺新奇，是同事c的推介！最後卜卜脆的「西米朋友」，也為這個石榴飄香增加一份層次感。

最後我覺得石榴味的賣店是得意，實屬必試，但「好立刻」的味道令人更滿足。而最幸福的是我一次過試了兩款啊！~

沒有期待的驚喜：大坑Blue Lemon

日前約了h食飯，聽聞他近來生意不錯，於是決定「食好d」。我記得有次搭巴士經過大坑，見到好多食肆，於是提議到大坑食飯。到達後，見到好多泰國、越南、日本特式食肆，都想一試，但h卻被街尾一間叫Blue Lemon的西餐廳播著的jazz吸引而走了進去。

這間叫Blue Lemon Cafe and Wine Bar，又cafe、又wine bar，都沒提是restaurant，對食物自然沒有期望，但在這情況下，竟然有驚喜：


已吃了半碟的starter，帶子好味，而伴菜都極有心思，味道好清，very nice~


忘了，也不大吃得出是甚麼湯，但是幾好味的，信我！


友人點選的肉醬意粉，他說好味。


我這個大蝦芝士忌廉意大利飯，好好味！鍾意吃意大利飯和蝦的我，把整碟吃光光了！~


普通又奀茄的熱檸茶，卻能令這餐感到無限滿足！

除以上的食物外，另h又點了一杯啤酒，埋單是三百多，不算好貴，而且環境幾good，值得推介！

openrice：Blue Lemon Cafe and Wine Bar

好好坐，好易搵位的新店：W Square的Spagatti House

集成大廈旁邊的W Square是一幢區內較新的大廈，入面有好幾間食肆如板長壽司、burger king等，這次為了補祝b生日，由她選定到W Square四樓的Spagatti House吃晚飯：


晚上約八時入座，坐不到窗口位，但整間店只是50% full，不用等位。


蜜糖黑椒雞翼，good！~


茄汁肉醬闊麵，b用入會附送的coupon換的，換時侍應說coupon只可用來換意粉，但在我們request之下「特許」我們換闊麵……okay啦！


apple pie，以二、三十元的價錢我覺得okay，如果熱d會更好。


香蕉船，無乜特別，咪就係一隻蕉，三球雪糕加一堆cream。侍應話特別加多d cream好食d，而我覺得佢應該係用d cream遮住o左佢細細球的ice cream lor！


雖則話係我請食飯，b都囉o左張八五折卡出來，加上之前意粉券，我只係畀o左百一蚊……咁都算請人食飯？算把啦！

題外話，張單打出o黎話係華仁書院vip八五折……斷估我地唔似華仁仔啦！不過一間中學可以囉到大型連鎖飲食機構o既八五折卡，都算好有面子喎！

（連openrice都未有這些店的記錄！）

灣仔富臨酒家，好味回憶

本blog昨天休業了一天，今日再度復工。雖然比較夜，但我很想和大家分享一下這幾天吃了甚麼，以後大家在我的blog中，於google search打入「食」，就可以看到我所有關於用膳的文章。

早前友人e專程來灣仔和我吃飯，他說想飲茶，選定了灣仔的富臨酒家：


鮑汁鳳爪，好 miss u！


叉腸有芫茜吊味，皮的厚薄o岩o岩好，正啊！


嗯，呢款薄餅，其實都係好香口，好好味！


由於我地選擇「坐房」，規定要叫一個小菜在，於是選了這個辣汁翡翠螺。個汁夠熱夠香口，而個螺又鮮味，比想像中好食啊！


奶黃包，雖然無流沙咁精彩，但係清清淡淡都幾好味！


呢個棉花雞最精彩係芋頭「索」晒所有雞汁同調味，而且好香口，再講好味已冇人相信，但真係好味o架！

現時工作的同事都很年輕和很有型，飲茶實在唔襯大家，所以飲茶的機會很少。同同事都係farewell / 部門開lunch meeting 時才上茶樓，而富臨只係吃了一次。這次e專程來灣仔同我飲這餐茶，好好味，好感動，實在不勝感激！

openrice：富臨酒家

談本blog造訪人次

早幾日本blog的main page造訪人次自今年1月1日以來，達到了10,000人次。在我set counter時，是特意set不計自己的click，但有時沒有login或者某些原因，可能會把自己的「支持率」也放進去，較為準確的計算方法是計算每天的個別到訪人數（unique visitors）



從圖中可見本blog現時的到訪人數，每日由20多至40多人不等。由於本blog大概每日更新，但我估計天天追看的人不多，所以我推算本blog的定期讀者約有50至100人。

如果細心想的話，我會發現，除了工作上有聯繫的人，如同事、品牌公關之外，有聯繫的朋友，每星期應該不到10個（不計msn/facebook），即使計msn和facebook，應 該也不過20人。

這個blog的確拉近了我和朋友的距離，若我不沉迷寫blog的話，這blog的存在，絕對是一件好事o黎。

工作內外的二三事

雨最大的時候，我與同事p一起去朗豪坊的活動。由於不是luncheon，沒有刻意rsvp（報名），到達現場才發現沒有活動。

起初懷疑自己記錯日子，致電品牌公關，她告訴我活動改期，還指出因我沒rsvp，及沒有邀請我，因此收不到活動改期的通知（我都沒記低是上司forward給我還是我自己收到，總之敝公司獲邀出席是次活動，而我在公司的活動日程上記下了這個活動的詳情）。

anyway我覺得這件事是，我作為公司代表，因為沒有rsvp而不知道活動改期了，激死我。


回到公司埋首工作，偷閒自拍一張，手機也忽然入鏡。

晚上，從包包掏出手機的時候，整個手機跌在地上，然後自動關機。從新啟動，竟然沒事，但邊沿位置摔破了。"LG"標誌對下邊沿位置變得凹凸不平，幸好表面還是平滑的，摔破的地方不大顯眼。

成日畀人問我「你d野做乜玩到咁殘」，因為我很喜歡我擁有的東西，從來沒想過把自己的東西賣出去而換過更新更靚的，而我又覺得如果我的東東有了痕跡，傷疤，那才像真正屬於我，當然in condition，那些瑕疵不在一買回來時就有，以及不在一些顯眼又令人唔安樂的位置……點啊很vague吧！:p 總之，今次實在跌得靚~

刻下手機的電話繩是la prairie送的小禮物，銀色設計與蜜瓜色的手機勁匹配，多謝品牌公關的努力和心思。

我的爸爸媽媽

有朋友問我小時候是甚麼樣子的，如果說「跟現在差不多」實在難以置信，但又不知如何形容，於是今日趁著「巨爵」來訪，無所事事，就把舊照片翻出來（如果有興趣可以去fb看一下）。小時候沒有數碼相機，但爸爸喜歡為我們拍照，那些我出生、生日、第一次配眼鏡、幼稚園畢業的照片，一張都沒錯過。


媽媽年輕時的樣子。如果說，媽媽的把年輕時代都消耗在我們身上，說來有點太煽情，也不切實際。前幾天我沒帶鎖匙提早回家，她說你不用這麼早回來，我可以開們畀你啊。那時我呆了，可能她把對弟弟的寬容套用在我身上？！年紀大了就化。無疑地，從小到大，我做甚麼，都有極大的自由。



小時候和爸爸的合照，很多照片看相像男孩子，到了家裡真的有了男生，我已經5歲多了。那時媽媽都花時間在弟弟身上，弟弟經常「勁活躍」的樣子，我見了就怕。畢竟弟弟太小了，跟他沒有話題。剛才翻照片，見到7歲時抓住弟弟吹蠟燭，那是很久很久以前的事了。

朋友可能聽說過，我跟弟弟妹妹感情淡如水，這種事情，別人似乎很難明白。直至現在，我還是一個開心的孩子，父母依然恩愛，這些都是最值得珍而重之，也沒有甚麼是覺得可惜的。