崖上的波兒

今日睇左崖上的波兒，波兒真係好可愛呀~ 好鍾意佢，雖然睇左個ending有d感觸，但係佢係一個童話故事應該用開心同童心去睇，呢段youtube可以睇番「波兒」o既精彩片段呢~


同埋見到呢d波兒公仔，好想擁有！~

亂中有序

想不到今天這麼夜還未睡，還想寫一篇blog。忽然想起，自己家和公司那些堆積如山沒處理的雜物。本應好好整埋，但明知整好以後不到幾天又會回復原狀。如果那些東西是好好的，有條不紊的，那麼一定是搞錯，那些東西一定是不屬於我的了。

想到這裡，我又想到如果要算我整得最大條理的東西，應該是blog裡的文字啊。甚麼時候有著甚麼心情，翻開部落格，就按時序整齊排列好。那幾天心情特別好，那幾天烏雲密佈，憑著一格格的文字及潛台辭，很容易就能找出來了。

這一格，留給當下的自己，或者有天會記起今天究竟做過甚麼。

可怕的詛咒

已經好幾日冇update個blog喇，實在無咩要報告畀大家聽……可能間唔中o黎下o既visitors會覺得有d悶。咁我唯有「出術」玩下轉貼啦！

前日收到sarah小姐o既forward e-mail，個題係「牛年運程」有成日上電視o既「三大師傅」同埋其他不知名o既師傅o既牛年運程預測，咁我正常地打開自己個生肖睇睇，點知睇到4隻大字：「弧苦伶仃」，於是又即時re 左阿sarah小姐一句：「嘩！搞錯啊！超灰」，大家知啦，我o係fb同埋blogs都好鍾意re人，都係抒發下己見，諗唔到竟然收到sarah小姐好認真係re o左我之餘，更re o左大家：

「各羊咩咩女, 相信各位收到這牛年運程，點都會睇一睇。其中或許又會先睇蘇民峰﹑麥玲玲﹑楊天命0個一part.見到佢d comment一定超級灰(貞已率先reply我抗議)!!!!!!!!我承認，我之前沒有仔細睇就send出去係我唔啱。所以我已經重新睇一次個file！哈哈！果然，天無絕人之路！ 蘇民峰﹑麥玲玲﹑楊天命0個一part正正就係錯哂。內容所講的「華蓋」孤獨星根本就不是出現在牛年的，因為佢上一次的豬年已經出現0左了！好明顯係d人copy錯左！ 至於其他大師的內容，由於無從比較，所以佢地講得有幾啱就無從稽考了！但也不外乎係'變'、'動'的說法...總之，大家不用絕望，努力啦！

Sarah字」

其實我又唔係好care個流年生肖運程o既，畢竟大家雖然同年，又不代表係同一命運，更加唔代表我為o左呢件事會搵大師化解，達到大師們o既銷售目的啦。不過我要提出係非常之appreciate sarah小姐咁認真o既回覆o者。o係呢度提早祝大家牛年好運先！~

sick of 立場

今日去了睇電影《chageling》（換命謊言）premier，故事係真事改編，講一個單親媽咪唔見o左個仔，過o左幾個月警察幫佢搵o左個仔番o黎，但個仔唔係佢的……

（以下有少許內容）
睇到中間佢講到個世界原本係唔岩，女主角點樣挺身而出指證，「大快人心」o個下d人係咁拍掌，我就覺得好不安，esp我覺得呢個世界無岩同錯。

其實套戲幾好睇的，但我不得不咁講。佢只係用一種比較多人認同o既標準，去challenge一種固有o既制度，然後因為大多數人認同，所以用拍掌、搧動o既方法，令到呢樣野變為合理。（希望有人明我想講乜）故事入面佢係贏o左，但係我覺得呢件事好錯……

我覺得呢件事令人好不安。我記得同事成日話我騎牆，我明白工作、生活，一個人一定要有立場，但係我真係對於dominate小眾呢樣野感到好唔自在。

……我應該需要一種信念去搵到一個生活的方向。

呢排成日覺得眼冇神、個人冇精神、瞓極唔夠、自閉……希望我快d好d……


尋日ben介紹我聽呢隻歌，呢幾日好多人講話唔知佢不斷重覆係唱乜，有d歌詞真係幾拗口，我不得不講。應該係填詞o個位聽得聖詩太多囉。

漫長的告別

聽聞牛頭角下邨拆已經好一段時間，呢排我上完調酒班，而松山又咁岩聽到呢個消息，於是尋日約埋一齊去牛下影下相：


一格格其實肉眼睇有四份一已經冇人住


今次同行除左松山（右）仲有佢個朋友仔louis，不過我訪問過L先生佢其實係影開人o既，所以今次o既行程對佢來講係新體驗，但我估佢對snap興趣唔大…… :p


最大發現係睇到呢張告示，原來牛下o既居民將會搬去最新起好o既上邨度住。能夠原區調遷，見番熟識o既街坊，我覺得係唔完美o既世界入面呢件都算係一件令人感到開心o既事。（though我唔知d租會唔會貴好多……）

跟住我o地跟住松山隊長行去彩虹：


呢張我好鐘意，但o係facebook度post出黎覺得麻麻，我諗要拼埋一張正常o既一齊先睇得出呢張有咩唔同。


個天無雲，4點左右，係影相最好o既時間……


咁岩d光射落後面堆樹度，變左淺綠，見到好多唔同深淺o既綠色，仲要係前面深後面淺呢


另外又好鍾意呢隻有「保護色」o既雀

已經起碼有兩個月無周圍去影相（旅行除外），今次其實都冇乜心機影，因為凍，上o左樓又冇乜人氣，影出黎d相都係悶悶的。希望下次可以影低一d更有感覺的相片，留為紀念。

懷念雜誌a的前同事們

自去年5月（？）雜誌a暫別（？？）後，隨著12月last samurai最後武士全身而退，一切只能成為大家茶餘飯後津津樂道的集體回憶。在眾多不可思議的事件之中，本以為「tempo x電車男」，乃最經典之作。曾於廣告界打滾的周先生，更一度被懷疑是「tempo x 電車男」的設計藍本：



相似度：*****（5粒*為最高）

最近於road show頻頻出現的「日日跳」廣告，將「電車男」神話打破，除當事人之外，大部份a雜誌前同事均認同，廣告中的跳舞女郎，充滿了y小姐的神髓：



相似度：****（5粒*為最高）

「日日跳」的相似度雖然不及「電車男」，但其精妙之處是「個個都似」，而且y小姐有習舞的底子，加上蜜糖膚色、冷帽、短裙等造型的配合，實在令人會心微笑，其迴響比電車男有過之而無不及！

中年心事濃如酒

（中女被騙7.1萬事件）報載一名中年女子在女性網站結識一名自稱律師的男人，該男人問她借了9.6萬元，後還她2.5萬元，她覺得被騙，後認識該男子之前度女友發現有類似遭遇，於是報警……

同事 f：還番2萬幾都好過一蚊都囉唔番喎，你話完全唔還，同埋還番2萬幾，係咪有分別丫？

我：我覺得對於一個中女黎講，還番2萬幾對佢黎講係冇分別。（解釋：佢唔還錢，就好明顯佢係衰人，還d唔還d，就令件事好含糊，仲衰過唔還！）

同事 f 於是發現不能challenge我對中女心事的認知。

我真係唔覺得囉得番2萬幾係賺囉，仲蝕得好肉酸添。

生活趣味

返工、放工，很多時都會覺得生活乏味。今日放工晚飯之後，走到附近的超級市場買零食，經過酒類的貨架，看到很多gin、volka、whiskey、甜酒、用來調酒的濃縮果汁……都是之前參加調酒班學到的知識，令我對這些琳瑯滿目的酒感到有趣。

生活趣味，是累積而來的。

枯燥乏味的生活，非一日之寒。

一念天堂，一念地獄！

針筒哈密瓜

今日同預科同學仔食飯，席間大家講起在內地生病非常可怕，因為內地醫療設施不衛生，vincent話記得我在西藏（九年前）曾經因為高山症頭痛啪了一針，我懷疑這是不是他幻想出來的，或者是發生在別人身上但以為是我做的，事關我的硬碟完全沒有這項記憶。但以我所認識的vincent記憶力不差，這件事的真確度很高，但我，真的一點印象也沒有。

旅遊的細碎片段大部份被遺忘，但我記得一件有趣的事。當年在旅途中認識了一位廣州朋友，他說哈密瓜是新疆一個叫哈密的地方的名產，當年我和vincent一致認為「哈蜜瓜」是蜜瓜的同類，並覺得這人極度吹水，過了很久之後才知道他所言非虛。

剪影的故事

旅行回來數天，當中的故事，殘留的記憶，慢慢浮現出來。

旅行期間，看到一位老伯，在擺路邊攤為路人剪影，台幣50元一張，算是很便宜。我站著看著，光顧的都是女生和小孩子，不論任何人，把剪影捧在手上，都一臉滿足。joey和winnie都剪了一張，但我沒有想擁有一張的感覺。

看到winnie和joey拿著剪影的樣子，我為她們拍了幾張照片。這時我覺得，剪紙剪得與本人是否相似其實不重要，大家享受的，是在剪紙中看到自己，看到自己被珍而重之的一份喜悅。

走著走著，我也想擁有一張剪紙，但我們已經走到老遠的地方去了。



約了朋友吃下午茶，早上不知吃甚麼，找來全屋最壞的食物──卡樂b薯片和捷榮3合一奶茶，吃著喝著，非常滿足！ :P

瞓個夠

除夕之後留o係屋企瞓左一日，尋晚通頂過後，今日都係同一命運，有時真係唔認老都唔得。

今日乖乖坐係屋企睇勁歌，先發現原來自己對於d08年樂壇新人幾乎一個都唔認識（汗），我想賴係因為我隻眼有事所以睇少左電視，但歌係用耳聽的，愈辯愈迷。

睇到女新人金獎既，g.e.m.即場唱左隻where did u go，真係有d料到，好淡定咁唱live，唱左半隻歌，睇到呆左：


跟住，我對於自己對世事不聞不問有d懊悔，我唔知點解，好似感覺唔係太知大圍發生緊乜事，好out。

*********

前幾日得閒睇下irene個blog，佢有時講d好思辯性o既野我唔係好睇得明，但係前幾日睇佢有篇野我覺得講到我所想的，就係佢話佢係一段感情關係當中追求的是開心同fun。想開心，其實都不簡單。

我已經好耐冇拍拖了，感情的空白期有時會有「比普通朋友多一點」的人在身邊出現，最後當然是無疾而終，見面好像有點珍重又好像欲言又止，分手後說不上開心又說不上傷心那種。

「在對話中藏著擁抱，在擁抱中藏著沒有滴下來的眼淚。」

一種令人很納悶的感覺。有時會很羨慕愛情路上修成正果的朋友，但我猜別人在暗地裡也會羨慕單身人士在思想和形體上擁有的自由吧。

想太多了，夜到想不到完整的句子表達我想說的，就寫到這裡吧。被我提及的人，最好裝作看不見。

補貼：重遊母校

已經好耐冇返bwflc，某日返去同小師弟師妹分享工作經歷，另外張老師又帶我們參觀母校：


學校門口，咁多年都冇乜點變，不過原來幼稚園已經結束了。


我最印象深刻的是學校的禮堂，以及牆上的畫，因為考試時不懂作答就只好望著它們，讓釋迦牟尼得道成佛的經過給我作答的靈感。


和勞sir合照 :D，勞sir說自己差不多退休了，因此今年50周年校慶對他來說意義非常重大！勞sir說的每句說話都很有威嚴，而且為大家帶來很多思考空間。


和陸sir的合照。 我和陸sir在畢業後才認識較深，和不少同學也是一樣！~所以在學校短短兩年，但對我的影響非常深遠。

這次重遊母校有很大的得著，謝謝張老師的導覽！~希望師弟師妹和我們一樣，畢業後還這麼愛學校，珍惜在學校認識的好朋友！~

補貼：大埔半日遊

上星期提及我有幸可以visit鏡陶屋企，仲影左相。跟住又旅行又盛，都冇時間post番d相s，e家貼出黎同大家分享一下：

（前傳）某日，三男三女約埋一齊食dinner，抵步之前影了幾張snap


紅鼻子的man和穿上兔fur的ju


精緻的打扮如換衫公仔的ju :p

（正傳）專訪「收納達人」鏡陶之家

因為不想打擾做「正經野」的人們（畢竟這次不是我做採訪！），所以躲在後面靜靜拍了這張。欲知詳情請留意星期一出版的《lisa味道》。

（後傳）食

大埔超級城的shakey's pizza，超豪地吃了龍蝦pizza，入面真係啖啖龍蝦肉！ :p


之後去了好出名的彩虹甜品屋，man吃了黑糖芋頭雪糕。


我同juju都食左紫晴（芋頭+奶皇）湯圓，我就豪d加埋椰汁底；另外又食左小氣（可樂）o者喱。


最後搭左74x去觀塘再轉車回家。

最後武士的告別派對

雖然因為溝通上的問題令到最後武士的告別派對幾近取消，但最後仍然能夠順利舉行，而且維持了10小時，非常成功！

同P仔「認識」已經好耐，計頭尾應該有3+年，當年在e雜誌工作只知道個個電腦有問題都想起他，傳說中「mac同pc都整得掂」o既聰明仔（某old school卡通o既人物），但係同佢講o既野夾埋應該冇10句！

在我離開e雜誌之前p仔已經轉左工，之後我轉工到a雜誌已經係2年後o既事，返返下工發現有一個熟口熟面o既人出現，後來先知原來佢係遲我一個月返工的！因為之前冇乜兩句所以不為意~ :p

同p仔兩度成為同事並不是一件出奇的事（最高紀錄是攝影師L，3度成為同事，至今冇人打破！），但能夠認識投緣的朋友實在非常難得，而且係一班人好開心咁返工o既生活:p，尋日fairwell與會人士大部份已離開公司，我自己也明白能夠有「名目」出來聚會的機會已愈來愈少了，所以即使有人已經好眼瞓，有人第二日要返工，有人第二日要返學，仍然玩到閂舖才離開！

預祝p仔生日快樂！澳門之旅凱旋而歸！！快快搵份正工！！！

Happy 2009!

新年有好多新希望，但係最重要都係開心同健康！


尋日撞到方兄，今日撞倒陳舵主！ xD

祝大家新年進步！~