雪糕壞了

12月初買了LG的ice cream。我之前是用LG chocolate的，用了一、兩個月就壞掉，忍了半年，後來發現維修中心在家附近，拿去修理半天就修妥，蠻方便的，如是者修了兩次，直至用了1年左右，電話表面刮花太厲害，加上電話電池表現越來越差，才想換一部。想來想去，見到ice cream哪麼可愛，又只賣千多元，於是帶了一部蜜瓜味ice cream回家。

由於之前已經有一年ice cream用戶的經驗，對於LG機的表現期望有所調整，一直也覺得問題不大。直至半個用前忽然想用手機聽收音機，便拿出耳筒來用，誰知，耳筒用了一次，手機便冇法追縱電台，完全聽不到收音機！年29想拿去修，誰知維修中心提早關門了！年30再去，服務員說不只是耳筒問題，手機也要upgrade，於是要做好backup，到初四維修中心重開再去。之後，我發現了電話出現更多問題，不能把下載的mp3鈴聲播完（冇乜大影響），還有send不到sms！

最後我在年初四，第3次visit維修中心時，終於把它放下等待維修。以前維修只等半天，現在服務員說完成維修要4-7個工作天，即是分分鐘要十天才能接它回家！

現在我與冇乜電的chocolate相依為命了，我想我又要重新評估自己是否應該再買以外表把我迷倒的LG手機！


不理性的人字

小遊戲：整pizza

幾個月之前曾經propose過整一個小遊戲分享的網頁，後來因為眼睛太乾，不宜沉迷打機而擱置了。其實也很想和大家分享一下玩小遊戲的心得。不過說到尾我還是覺得玩小遊戲的目的是kill time，如果有氣力和心機做其他事的話，還是不要鼓勵大家沉迷下去比較好。

今次我試玩的game是整pizza：

玩法是按著圖右的pizza的樣子排列材料，排得越似分數越高。
基本上這個遊戲很難game over，不用很用心地玩……遊戲最多五樣材料，我玩到27天就沒有再繼續了。
心得：不用按著電腦安排的次序排材料，先放容易變成「座標」的材料，放其他材料時「就位」就更容易了。另外，我是用繪圖筆來玩的，相信比用滑書較易控制。

bonus假期

年初三，對於很多人來說是假期的最後一天，但我卻有多一天bonus之假期，實在不錯！看到bao的blog，我也提早寫一篇新年假期的回顧：

上個長假期連續去了兩次旅行，但是「頻頻撲撲」之後生活還是一樣無精打彩的過，反而今個假期盡情hea幾天，真真正正靜靜思考一下，也有另一番得著呢。

其實想說的東西不多，還是post些相片和大家分享分享：

今日去了吳宅拜年，之前我們一邦人打打機輕鬆一下……

梁生梁太開車非常合拍。


bon同爆jar車個樣非常誇張！~


我同牛牛又再合照！睇呢個樣，真係要食少d野啦~

仲有多謝山邊日記樓主祝我青春常駐！ :D，好多o野都緊要，其實開心同保持心境stay young係最緊要的！

__________________________________________
再點唱：

這幾天勁聽電台，除了甜蜜蜜，都有其他成日聽到的歌，呢隻都頗喜歡：

天花亂墜

一年一度的大年初二，第一次帶牛牛去自煙花，牠也覺得非常好看！


牛牛與我。


牛牛等放煙花時看到新年燈飾。


我們站得比較遠，但都看得很清楚；除了這款 8 字煙花，今天比較特別的有「牛」、「吉」和金元寶形狀的煙花。


第一次看到這麼多的煙花，牛牛感到非常興奮。




沒有專業的器材，實在很難影到靚煙花，於是我們專注欣賞。不過到了最後，還是忍不住拍了幾張。

My CNY New Ringtone!

本來plan係想o係屋企執o野，同埋做返d好耐未pickup番的o野，點知實在太凍、太眼瞓、雖然隻眼好弱，都戴住con瞓著、對o左好耐mon！ -.-

好開心，個blog見到好多comments，好多朋友仔o黎探我，多謝大家~ 話說波兒已經睇完成個禮拜，個ringtone聽到有d悶。趁得閒download o左d 新ringtone。雖然搵唔到Stephy 新歌o既ringtone，另外download左呢隻，都幾好聽~



佢同「波兒」ringtone o既共同點係太細聲好易miss call，不過唔緊要啦，電話放o係褲袋就okay~

Happy 牛 Year~

咁快又到牛年，放幾日假輕鬆一下都幾好~

粗粗地畫福畫送畀大家，我同牛牛祝大家牛來運到，生活美滿~

（deleted）

今日走左出街，諗下諗下都係將自己在fb的note deleted了，原因是不想自己的心事在note裡面loop，強迫別人看，還是讓想看的人自己來看好了。

好凍，點隻舊歌畀大家~

食食食買！

呢幾日臨近歲晚收爐，所以比較忙，冇update 個blog，但blog o既page view都冇因此而下滑，多謝大家畀面支持！

另外，我又將此blog加左入facebook的「note」application之中，咁我就決定除左寫blog都update多d相畀大家睇下~

早幾日去左「麻布茶坊」食dinner：


好味o既饅魚蛋卷！


好味o既雞扒冷麵！


唔多好味o既三文魚煱！

又有一日去左飲o野，朋友仔叫左o既long island鬼咁大杯，而我o既bailey's就……


另外，尋日行花市亦買左兩樣o野，一個頭郁郁o既新年公仔，同埋買番廣州失散左o既牛牛！！！ :D 九寨溝買o既熊貓「九九」亦跟o左我番屋企過年！



好開心可以買番隻牛牛！

港女溯源

近幾年香港男人喜歡以「港女」稱呼香港女性，不屑她們嚮慕名牌、貪錢、自視 過高、寸嘴等等，其罪狀罄竹難書。我與舊同事們都覺得此等「港女」都是看了太多「舊老細」的書耳聞目染之下育成出來的，而我們的結論是：「她令香港女人都以為自己像她那樣聰明，不用靠男人。」

今日臨放工讀了最新一期marie claire，方醒悟自己錯怪了「舊老細」。雜誌裡面其中一個專題是「烈女精神　亦舒現象40年」，其實我們這邦嬌矜自傲的女人，是倪匡妹妹倪亦舒造就出來的。

自己並不是亦舒迷，看她寫的小說其實不多（我貪心，又懶，甚麼作家的書也看，但只看一兩本，不求甚解），但身邊女友很多都是亦舒fans，不難看出她們與其他朋友的分別，讀書比較叻，自我形象較高，說她們靠男人都沒有人相信的類型。說回那個專欄，裡面找來了毛孟靜與袁彌明（！）對談、張智霖、谷德昭專訪，還有馬家輝勁踩亦舒作品。自從沒有做雜誌，看的書也少了，這是我近來看過最有趣的專題了。

詭異之影評

睇到呢篇yahoo網友影評，笑死我！~

假如不以童話包裝，那故事便是聊齋張貼日期: 2009-01-19 01:11

評論者：kshinglau 8 個用家推薦這評論 (共12 個)

優：畫面很美，畫得好，歌曲一流，輕鬆簡單
劣：很童話的童話

感覺一般，以下是個人亂吹，不要太認真

看完崖上的波兒但覺邪氣湧現...加上近日看過聊齋，覺得故事上實屬雷同

一名小男孩不慎招來人面魚精一隻，小魚精情定男孩追隨至陽間，並帶來風雨招搖，一場風暴
實同聊齋的狐精亂世，人妖殊途，所以最真的反應來自老婆婆的驚嚇，招人面魚精會帶來橫禍，海潚而至，老婆婆的恐懼才是百年樹人的聰慧。波兒想變做人，於是就變成鴨手腳人，實是嚇人，比有狐尾的狐精更可怕。我愈看愈寒

波兒爸爸早想消滅人類，是個真正惡魔，其言行所為，和聊齋中狐精山莊老人一樣是練丹修行，是個修魔道的典型，以法術道行上陽間，其母更是可怕完全是妖姬一名

招來巨風巨雨和一大班盤古海中異獸，還水淹老人院，整個近海地區全淹，把船隻帶入船之墳墓，在當中出場的波兒媽媽其實是很恐怖的場景

這一切都在童話故事和美麗可愛畫風下美化

最後波兒因5歲人仔的所謂真愛變成人.......一家要養多個小媳婦仲要跟一世.....這等劇本不是聊齋是甚麼？

崖上的波兒

今日睇左崖上的波兒，波兒真係好可愛呀~ 好鍾意佢，雖然睇左個ending有d感觸，但係佢係一個童話故事應該用開心同童心去睇，呢段youtube可以睇番「波兒」o既精彩片段呢~


同埋見到呢d波兒公仔，好想擁有！~

亂中有序

想不到今天這麼夜還未睡，還想寫一篇blog。忽然想起，自己家和公司那些堆積如山沒處理的雜物。本應好好整埋，但明知整好以後不到幾天又會回復原狀。如果那些東西是好好的，有條不紊的，那麼一定是搞錯，那些東西一定是不屬於我的了。

想到這裡，我又想到如果要算我整得最大條理的東西，應該是blog裡的文字啊。甚麼時候有著甚麼心情，翻開部落格，就按時序整齊排列好。那幾天心情特別好，那幾天烏雲密佈，憑著一格格的文字及潛台辭，很容易就能找出來了。

這一格，留給當下的自己，或者有天會記起今天究竟做過甚麼。

可怕的詛咒

已經好幾日冇update個blog喇，實在無咩要報告畀大家聽……可能間唔中o黎下o既visitors會覺得有d悶。咁我唯有「出術」玩下轉貼啦！

前日收到sarah小姐o既forward e-mail，個題係「牛年運程」有成日上電視o既「三大師傅」同埋其他不知名o既師傅o既牛年運程預測，咁我正常地打開自己個生肖睇睇，點知睇到4隻大字：「弧苦伶仃」，於是又即時re 左阿sarah小姐一句：「嘩！搞錯啊！超灰」，大家知啦，我o係fb同埋blogs都好鍾意re人，都係抒發下己見，諗唔到竟然收到sarah小姐好認真係re o左我之餘，更re o左大家：

「各羊咩咩女, 相信各位收到這牛年運程，點都會睇一睇。其中或許又會先睇蘇民峰﹑麥玲玲﹑楊天命0個一part.見到佢d comment一定超級灰(貞已率先reply我抗議)!!!!!!!!我承認，我之前沒有仔細睇就send出去係我唔啱。所以我已經重新睇一次個file！哈哈！果然，天無絕人之路！ 蘇民峰﹑麥玲玲﹑楊天命0個一part正正就係錯哂。內容所講的「華蓋」孤獨星根本就不是出現在牛年的，因為佢上一次的豬年已經出現0左了！好明顯係d人copy錯左！ 至於其他大師的內容，由於無從比較，所以佢地講得有幾啱就無從稽考了！但也不外乎係'變'、'動'的說法...總之，大家不用絕望，努力啦！

Sarah字」

其實我又唔係好care個流年生肖運程o既，畢竟大家雖然同年，又不代表係同一命運，更加唔代表我為o左呢件事會搵大師化解，達到大師們o既銷售目的啦。不過我要提出係非常之appreciate sarah小姐咁認真o既回覆o者。o係呢度提早祝大家牛年好運先！~

sick of 立場

今日去了睇電影《chageling》（換命謊言）premier，故事係真事改編，講一個單親媽咪唔見o左個仔，過o左幾個月警察幫佢搵o左個仔番o黎，但個仔唔係佢的……

（以下有少許內容）
睇到中間佢講到個世界原本係唔岩，女主角點樣挺身而出指證，「大快人心」o個下d人係咁拍掌，我就覺得好不安，esp我覺得呢個世界無岩同錯。

其實套戲幾好睇的，但我不得不咁講。佢只係用一種比較多人認同o既標準，去challenge一種固有o既制度，然後因為大多數人認同，所以用拍掌、搧動o既方法，令到呢樣野變為合理。（希望有人明我想講乜）故事入面佢係贏o左，但係我覺得呢件事好錯……

我覺得呢件事令人好不安。我記得同事成日話我騎牆，我明白工作、生活，一個人一定要有立場，但係我真係對於dominate小眾呢樣野感到好唔自在。

……我應該需要一種信念去搵到一個生活的方向。

呢排成日覺得眼冇神、個人冇精神、瞓極唔夠、自閉……希望我快d好d……


尋日ben介紹我聽呢隻歌，呢幾日好多人講話唔知佢不斷重覆係唱乜，有d歌詞真係幾拗口，我不得不講。應該係填詞o個位聽得聖詩太多囉。

漫長的告別

聽聞牛頭角下邨拆已經好一段時間，呢排我上完調酒班，而松山又咁岩聽到呢個消息，於是尋日約埋一齊去牛下影下相：


一格格其實肉眼睇有四份一已經冇人住


今次同行除左松山（右）仲有佢個朋友仔louis，不過我訪問過L先生佢其實係影開人o既，所以今次o既行程對佢來講係新體驗，但我估佢對snap興趣唔大…… :p


最大發現係睇到呢張告示，原來牛下o既居民將會搬去最新起好o既上邨度住。能夠原區調遷，見番熟識o既街坊，我覺得係唔完美o既世界入面呢件都算係一件令人感到開心o既事。（though我唔知d租會唔會貴好多……）

跟住我o地跟住松山隊長行去彩虹：


呢張我好鐘意，但o係facebook度post出黎覺得麻麻，我諗要拼埋一張正常o既一齊先睇得出呢張有咩唔同。


個天無雲，4點左右，係影相最好o既時間……


咁岩d光射落後面堆樹度，變左淺綠，見到好多唔同深淺o既綠色，仲要係前面深後面淺呢


另外又好鍾意呢隻有「保護色」o既雀

已經起碼有兩個月無周圍去影相（旅行除外），今次其實都冇乜心機影，因為凍，上o左樓又冇乜人氣，影出黎d相都係悶悶的。希望下次可以影低一d更有感覺的相片，留為紀念。