食住花生等睇戲

自星期一開始便覺得天氣異常寒冷，我的「齋咳」病又越來越厲害，總之整體氣氛感覺不良。而呢幾日發生的「頭條大事」必數「淫照」上載事件。無論是有心抑或無意，相信有上網的人士都或多或少update左80%以上的「淫照」，與網友C.Y.君講起，他說得頗精警：「上載相片呢個人擺到明預左做烈士，我地就食住花生等睇戲」。

我覺得這件事簡單是「自殺式炸彈襲擊」，一次過炸勻娛樂圈最大勢力，原因是「四兩撥千斤」的格局。其實對於呢件事我又有另一個感想。以前嬌嬌（偷拍換衫事件）、edison同柏芝都有理無理狂鬧傳媒，予人感覺係「佢地成日被傳媒迫害，辛苦錢唔易搵」，但今次事件係由互聯網中爆出，好明顯導火線就唔係傳媒，而件事個影響力更加前所未有（華人社區→全世界），而且未來發展亦難估計。

究竟乜野人有乜野動機做出咁心狠手辣的事？起初我估係針對陳，但C.Y.一句：「bobo無回應，就無再放佢的相出黎」，又不無理據。呢件事其實對於大部份人黎講唔係一件切身之事，但我覺得，日日見到咁多人肉紛陳，開始覺得唔係咁開胃……希望過年之前呢件事會完結。

成功的星期一

今日算係完美的一天。早上九時起床，十時多出門口，在公司附近的咖啡店買了三明治和咖啡，十一時之前回到公司上班！~叻

早上與同事開會、中午與同事一起貼label、與客take brief x1次、改稿x1次，但仍然可以在day end之前完成封面人物訪問！~叻 +1

七點放工，但趕不及回家吃晚飯，要媽咪買飯給我吃！叻-1

九點左右出發去做占，做完占才回家！叻+1

記得續借圖書！叻 +1

現在一點多還未瞓。叻 -1

總結全日都有二個「叻」，對我黎講已是非常之叻！希望呢個week繼續努力！

多多支持！

http://smartsue.myminicity.com/

天天去逛，讓我的城市在中國區強大起來吧！

日記本，文字記錄

今日是我爸爸的59歲大壽，一家人到酒家吃飯。由於我不大like我個妹的男友（1. 經常到我家看電視，霸佔整個客廳並哈哈大笑；2. 每次吃飯都兩個人細細聲講自己野，狀似「搭檯」）all in all兩個字──失禮。其實我這種人好少對身邊的人產生反感，總之一言難盡，還是不要講佢了。

吃完飯之後我在永旺（jusco）買了這兩樣東東：（又係）kuromi日記簿以及櫃桶紙，另外還扭了一粒蛋。其實心情不好時最好就是買一些便宜的東西獎賞自己啦。已經起碼2星期沒去gym，今日終於做了差不多一小時的gym，然後就回家打了這篇日記了。

以後我想多多些日記本子，可能會比較少update我的blog，但是我會經常有些事告大家的，請大家不要忘記我這個「正能量加油blog」啊！:)

敵基督的愛

小時候的我讀基督教幼稚園，會唱聖詩、祈禱，那時候的我雖然懞懂，亦知道自己對「基督的愛」非出自真心，試過禱告，完全沒有感悟。長大後我家裡有一個基督徒，她冷漠、自我中心，從家中的人甚少交流；每天不住地讀經、靈修、返教會，像在山上修行的人。我認為非我一個人有這樣的想法，至少她的信仰十多年多年來沒有動搖全家人的無神論思想。

個人並非反叛、抱持不善之心，但從未見過有宗教如此霸道地排除異己。可能我的想法太「現代」，總覺得一種「信仰」，應該是以萬事萬物來頌揚恆久真理，而非反之運用「真理」來解釋或批評世界上的其他人與事。若一個人相信冥冥中有主宰，是否必要跟隨一個腐朽的體制來宏揚這種「愛」？

我對於宗教哲學沒有研究，只是對於經常遇到的基督的信徒的話語、行為產生莫名的反感。苗表弟近來的名字改為「敵基督的愛」。據普遍宗教信徒的解釋（請於search engine鍵入「敵基督」/"antichrist"進行搜索），「敵基督」之指聖經《啟示錄》中預告當一天「敵基督」降世，世界末日將不遠矣。而苗表弟的闡釋，是認為有一天真正的主宰會派遣「敵基督」到人間，取代現時的基督教成為救贖世人的真理所在。個人認為苗這種想法雖非常切合心意，但太過理想化。

伸延閱讀：http://hk.myblog.yahoo.com/dark-prince

在yahoo blog 找到這樣的一個網頁，此人以黑暗之子敵基督自居，雖然其名字有點不可一世，但其撰文都附有聖經或其他著作 / 論說作為依據，值得一看。



其實對於blog中逐處評擊聖經的謬誤，我是感到反感的。一份著作的文字越多，越易出現錯誤或矛盾，而這並非批評著作是否足信的絕對因素。人最可悲就是流於詭辯，「拗」贏了也不光采。

放假冇用

放假其實比返工更加辛苦，因為除了返工之外，個人好lost，唔知做咩好咁。今日好在約左鍾姑娘食飯，唔使坐屋企坐成日咋。

鍾姑娘好為佢自己的傷勢而擔心。佢個幾月前返工跌親腳，依家仲要食藥同做物理治療，唉，一整親腳手尾就長喇。鍾姑話呢排見好多人都行路up up下，佢返工個度已經3個，而我識既仲多，包括同事momo、舊同事三木小姐，仲有舊同學astor小姐。個個都跌親啊……大家要小心身體，保護雙腳啊。

講開astor，我上一期訪問佢已經出左，佢指出左我一d錯誤，雖然有唔開心，但係都「火羅」左，得個知字總好過唔知啦，所以好多謝佢。因為依家做野愈來愈忙，都唔知自己錯左都唔知咩事既情況好多……講開佢又send左個blog畀我，係我地大學參加通識時既 mentor個blog。原來我地mentor呢幾年身體唔好，佢既日記都係記載佢病情，上個月有個post仲寫左篇遺囑……知道都好唔開心，因為我地始終都係因為mentorship program而認識的嘛。

呢幾日都幾多野做，但係放工又好鍾意對住個mon，好「御宅」&「干物」啊！！！;(

好抵

今日好晏先起身，跟住成日都係0係度玩網上小遊戲，當中最令我沉迷就係呢個養蜜蜂仔遊戲，要0係30日之內賣到最多蜜糖換到最多$$$$$就算贏（其實係無得贏，因為佢以會報個數出黎，係無極限的）。





我的記錄是122520

http://www.freegamesjungle.com/30_days_honey.html


玩小遊戲玩到天光……之後我又去左睇蘋果日報，頭條係講香港人投得日本築地漁市場2008年「日本一」吞拿魚（一年之中第一日賣魚，當中最肥最大0個條），嘩，新聞講完報紙又講，真係好厲害！報紙仲話今日0係板前、板長同埋雪村串燒等十二間日本料理店可以食到呢條「日本一」魚，真係好勁啊！唔知有無人特登走去食呢？不過市儈0既我第一時間只係諗到，嘩！佢四十幾萬投到條吞拿魚，可以做到新聞同報紙頭條，真係好抵啊！！！哈哈！不過都係講笑，能夠得到呢條吞拿魚，可以話係壽司店老闆一世人重要0既成就，比起「好抵賣廣告」係更加有意義0既。

有點病

昨天開始感到喉嚨痛，今天中午以後覺得自己著實有點病了。晚飯後我去了睡覺，一點左右被妹妹的鍵盤聲和媽媽弟弟的談話聲吵聲了。噢，寫出來的東西都好似很灰。我想是因為除了工作以外，我實在沒有甚麼記託。我想要多點正能量啊，希望身體快點好起來。

有一個朋友告訴我一件不算很開心的事情，但事情總算有結果了，也不是一件很壞的事情吧。其實現時的生活已經非常穩定及滿足，如果想充實一點，就要自己努力爭取了，共勉之！~

好市好工好人好事, hey!

近來個市好好，社會亦出現一片景氣現象，但係身邊朋友就唔係個個都咁幸運，好多人都覺得好想轉工，或者覺得老細不夠好、或者覺得自己人工不夠高等等，總之個市越好，就越覺得不足，但係能夠成功轉工或如願以償的人就不算多。

今日收到好友e小姐的msn，她說今日是她的last day，很為她高興，因為這是很難得的，能夠做到自己想做的，而且是真正的「新年新開始」啊！

而我呢，雖然我常常覺得做野辛苦，但換個角度看，其實我是很幸運的。聽過「一朝天子一朝臣」嗎？哈哈，我仍然開心地工作著，同事也對我很好，是很幸運的啦，雖然是有時較辛苦，但算到最辛苦還不到我呢！

msn中還見到剛外遊10天回港的m，他很同意冬天應該冷一點，像現在這樣其實很不錯。對我來說，這冷冰冰的空氣著實令人精神舒暢！但是晚上冷得睡不著令我非常苦惱啊。