110730

雖然我o係某些人心目中o既重要性非常之低，但都唔需要介意同唔開心，因為，只有自己重視自己先係最重要。

同埋人最卑賤係自己呃自己。

我想生活有一 d 改變，但同時需要收入穩定、身體健康先可以達成，但願一切安好。

so sweet

今日好多謝朋友仔s 請我食生日飯啦，同埋 duck duck send 畀我鼓勵說話。

雖然世界無盡如人意，但都充滿正能量，so sweet!

.docx

好多時收到一些 .docx 的 files，開不到很是不便。今日友達 b send 我一個網站，可以下載一個 software 解決呢個問題，一勞永逸！

http://briian.com/?p=5193

110727 忙，不要白忙

今日做「真相」時段，個人眠咗一眠，加上有少少嘢搞到現在四點都仲未瞓。近幾日都又呢又路非常之忙，希望過兩日可以改善。（好似成日都出現呢句）

部電腦無 ham 到，應該感恩。今日舊同事 f 非常認真地向我解釋「超必」並唔係「超 beat」，真係用心良苦，唔該晒喎。

成日都怨番工好忙，今日又有另一個睇法。其實世間萬事萬物，都係在乎心態，要好好調節自己，先可以得到平衡，依家太多怨氣，可能係太依戀過去，唔想改變或調節自己所致。

110727

近排寫 blog 寫到好累，前幾日試下畫畫方式代替文字，但又未必日日「畫興大發」，今日放工o係屋企附近買咗個 mic ，試錄一段聲音片段，原來一分鐘已經成 10 mb！大家可以 click 條 link 再 download 黎聽。


1 分鐘聲音分享

其實我都想知有咩方法可以免卻 download 呢個程序，例如 embed 落個 blog 度，但係我整咗一日已經盡咗力，希望有高人提供方法啦！同埋都想大家留意睇下大家對於 podcast / voice blog o既意見，thanks~

This is my first podcast!

testing


click on these words to hear my first podcast I've ever had, it's cool!

110724

110723

是日大暑，約了 h 和他二個堂妹一起去踩單車，佢地踩得好快，加上好熱，踩完之後好累！（究竟係咪自己年紀大，唔夠 d 年青人踩呢？！？）

h 介紹我去西灣河的「愛秩序灣公園」，好靚的新公園！原來開咗已 3 個月，斥資過億元興建，以漁村為主題的公園，好靚好靚好靚，希望好快有機會可以再去！

110722

110721

港鐵敷 mask 事件

前日見有朋友 forward 呢張圖，覺得好得意，於是 forward 出去，我並不認識拍這張相和 post 這張相的人，不知這事是在甚麼時候發生的。有朋友更一口咬定這是廣告，而非真實體驗分享。

把此圖看成是笑料一則，都幾有娛樂性，我就覺得不用咁敏感，覺得一定係廣告摶宣傳。即使到最後真係廣告，都不用覺得被利用而感到自己畀人搵笨或者蝕咗。如真係有人能夠想到這宣傳技倆都算高章，況且中唔中 point 係咪 sell 到嘢又係另一回事。

書展、周圍去玩

想起番工d 野就煩惱不堪，但其實人生不應該只有番工，放工之後，要好好安排好玩的活動。明天開會，應該好好想下點 present 畀老細，以免恨錯難返。

今日番工番到有點灰心，差點又被庶務打垮了。

要用耐力戰勝它們！

唔夠瞓得人驚

好可怕，明天又要九點起身，因為要十一點回公司開會，甚麼也沒準備……現在已四點，希望我明天起到身 la...

每次旅行，最煩就是買手信，今次我手信買了，但食了屎，真的好唔抵，或者我要學習友達 v，不做人情乜都不要買。

工作令人有把生命燃燒殆盡的感覺，放工後的享樂成為生平最大的意義。

還是要好好梳理自己的生活。

除了工作，希望能夠掌握一些生活的質感。

工作管理

近來忙到很少外出工作，但工作然做不完，而最吊詭是，當老闆問你究竟做咗d 乜，竟然說不出所以然來。言下之意，做了但沒有成功的事，或細到似塵的工作，都不算是我的成績。

太令人失望了。

驀地，我們還需繼續為工作而努力。最近，常對於身邊的人的感情生活而八卦，除了工作，生活著力點可能是感情，以及個人趣味，三者可以平衡是最好。而希望，我能潮著呢個方向好好地做。

back to work

放假之前，我給自己一個 task，放假時好好思考一下自己的工作、生活，要 plan for it，但放假時，我只想到兩件事：

一．還有 x 天 only，不要再想工作的事情；
二．用剩幾多錢，買 d 咩手信返 hk... ...

結果就回來了。時三點半，要準備瞓了，明天番工準備受死啦！

messy life

做了好多野，都仲有好多野未做，大部分的事想到就做，但仍有一些漏了，想有系統地工作和生活。工作又不算圓滿，平時也是普普通通，好多野做不完，不過我都算對自己好好了，想去玩就去玩。

腳痛，去睇醫生，希望不是太嚴重，但多野做到連醫生紙都未 claim ... 但今日坐了好多巴士，在巴士上聽著歌放鬆心情，雖然我又想著回公司 check email，都算是輕鬆的片刻。究竟我是太多野做了，還是因為太沒系統地工作，所以亂了？

想學習有條理地工作，然後將這態度，節奏，融入生活和其他事情入面。學習做一個庶務達人。