Say Goodbye to 2007~

轉眼間又到了2007年的最後一天了！回顧這年大致上是在平穩之中度過，最大事件絕對是轉工啦！:D 最好的事是（因為以上的事情）而認識了很多新朋友，有了很多新體驗。

不好的事應算是4月越南之旅被搶去相機，令我對事情的想法起了一點變化（因為旅行、拍照可說是我top 5的興趣！），現在的我不想再執著於一個目的地、一個畫面，以至很多很多表面上「實在」的事情。反而想多點用心感受身邊的事物，然後印在心裡。（某程度上也算是好的影響吧）

另外一件事是，我自覺是一個非常樂觀的人，可是有時候卻被朋友說是「負能量」。事實上雙子座的我在很多時有都有「陰暗面」的看法，只是自己不為意而已。這年來我非常有意識地以積極正面的態度去面對身邊發生的事情，然而卻不自覺地對於一些「潑冷水」、「打定輸數」、「憤世嫉俗」、「不滿現實」的人（統稱負能量人士）感到看不過眼，甚至發生口角、疏遠……甚至有些曾經是好朋友的人也因此變成陌路。這件事我想是因為一個曾經對我非常重要的人在不知不覺間令我的想法改變之故。話說回來，我想有些事情是需要執著的，但更重要的是有一種「適當的自覺」，知道甚麼時候是自己過份執著，甚麼時候是別人的做法 / 說話 / 行為越過了自己的底線。

希望明天會比今年更好，祝大家身體健康、新年快樂！

香港瀕臨絕種的真好男人

近排好多人係youtube或facebook forward港男的唱歌片段，於是令我發現佢原來有個blog：
http://hk.myblog.yahoo.com/supersonicgod



第一眼見佢都的確好騎呢，但係睇下去就會發現佢個人生活健康，而且思想正面態度積極，寫blog仲好少有錯字，真係一個唔可睇小的小人物，雖然大家未必同意佢對事物的睇法（佢都幾大男人到令我頂佢唔順），但能夠自稱「香港瀕臨絕種的真好男人」，當然有ｄ野啦。

我今日在人地屋企，所以十年無用速成的我打字打得好慢！遲ｄ先再寫ｌｕ

富豪餐廳食Tea

大約10日前，有日做完野，同同事經過銅鑼灣「富豪餐廳」食左個Tea，d野食不過失，但最「特色」係d餐牌囉：

我食左「歡樂時光下午茶餐」，因為食左晏，食唔落個「激情篇」……

er……我估食野基本上食野都係維持生命既……同埋都係頂倒一日架咋，所以叫「今宵」囉……

地址：銅鑼灣禮頓道（Regal Hong Kong Hotel後面，巴士站附近）

Burger Restaurant 終於KO了！

我平時最喜歡玩小遊戲kill time，近2個星期愛上的是「Burger Restaurant」（漢堡專門店），玩了好長的時間，中間遇到瓶頸位，簡直想放棄，但昨天不知為甚麼「如有神助」終於KO了這個遊戲！今日花半日之力也不能重現奇蹟！

這是遊戲的Opening：


Click入Start to Play便進入這個畫面，有好多關啊！


這是遊戲開始第一關，只有牛扒茄汁包一款食物，之後會越加越多款，有飲品、薯條等等；場景有三款（越開越大間），而客人也有10款左右，每款不同性格，以下是我最討厭的3款人：

1. 賊──幫襯少少但走黎偷錢！一偷偷50蚊！平均幫襯一次都係30幾蚊咋！
2. 乞兒──會令到前面同後面既客覺得佢好臭，令其他人唔耐煩；如果佢「識趣」行開少少就會遮住後面個客，令我唔知後面的人想order甚麼，無晒預算！
3. 四眼電車男──order好多野又好無耐性既人，滿足度好快下跌然後走左去（滿足度越高畀錢越多）

頭兩種人我會怕左佢而快d賣野畀佢打發佢走；第三種人我自問服侍唔到佢，會等佢自己發癲走左去！（但佢阻住我做生意！！！）


這就是我KO整個遊戲的留念了！:D




遊戲網址：http://www.gamesgames.com/game67212.html

雖然我已成為世界第一，大家也以來挑戰我的！

我的聖誕禮物&願望

好悶啊！其實尋日同聽日都有去玩，但係今日無野做。差不多放工時間公司同事已全民散水，我又不太想回家，於是買了一些禮物給自己，也算是聖誕禮物啦，現在show給大家睇的，有些是昨天有些是今天買的：

Sue買給自己的聖誕禮物：

全圖左起：Kuromi Rubbish Bin (?!)、Kuromi毛巾

毛巾上，上起左至右：深啡色uni水筆、銀色綴銀色鏈手鐲、動物紋綴金色心心閃石頸鏈

這支筆看上去好似黑色，其實是深啡色，和黑色的筆拼起來才看得出。

手鏈是因為買了動物紋的毛毛袋，所以想買動物紋的頸鏈配襯一下。

這銀色手鐲是昨天買，是嘉嘉鼓勵下買的，因為我很難找到適合我的手鐲 / 手鏈（手太幼）

買了這些禮物畀自己，都是些便宜的東東，但都是我好like的東西啊！另外今年也收到很多PR小姐送給我的禮物（hehe）。好開心今年能名正言順做到專題編輯的工作，今期負責了covergirl的專訪，上司也覺得我寫得不錯呢 :) 似乎工作了半年已開始穩定下來，希望明年除了工作，多點生活啦！我想去art center讀些興趣課程啊，不知有無人有興趣呢？

接吻症

我覺得「事必關己」這個節目其實很搞笑，雖然很多人說佢同「第一手真相」有乜分別呢？好無創意！但是經常都會看到很搞笑的話題。

例如前幾天我在吃碎牛粥，同事w說：「事必關己」話d牛肉是不會熟的，咁滾只會令粥的溫度降低。

又有一次佢講「接吻症」，是會傳染令人生病的。令我想起以前（幾年前啦），失戀總會大病一場，然後想起有個朋友曾經說：他不愛你啦，你的病都不會傳到給他，所以只有你一個人病。

到了後來，我總是因為長時間與生病的同事們共處而生病，但我總是覺得，公司其實不愛我。其實又有誰可以得到公司的愛呢？這種愛在香港比愛情更奢侈啦。

溫暖的冬季

今日終於得閒d，我可以差不多準時放工之後買禮物參加公司同事舉辦的交換禮物。買了一份accessory類的東西，如果有人抽中覺得不大有用的可以和我交換的喎呵呵！


買了這件禮物後非常開心，因為才9時多，可以繼續行街Shopping。之前經常覺得自己的包包太casual和夏天，不襯我的一身打扮，今日終於入手了一個很「冬天」的包包：





這是一個粉紅、白色豹紋毛毛包包啊！好軟綿綿的！想到可以天天摸著它就很興奮喇！哈哈！其實買這包包時最大concern是「是不是過了最凍的日子」？包包還可揹多久？最後覺得起碼可揹兩三個月，而且不是很貴，所以即時買下了！之前銀包也是在這間店買的呢！真的很好哦！天天揹著它先得！

這幾天經常在太古城逛逛，見到很多聖誕布置，很有節日氣氛！這令我想念起以前經常專程來我家附近逛逛和吃東西的朋友，不過他已經不在了。

遠離虛偽的朋友

已經不只一次在人地的blog留言而畀人delete

同事：乜你成日識埋d咁既人？

我心諗，我唔係要d高質朋友，但至少要d好心地的。在我身邊的，都是讓我感動的好人，謝謝你們 :D

可惡網上小遊戲

掛住玩網上小遊戲浪費晒d時間 >.<！！！
我不要玩網上小遊戲了！！！！！

日常粗口笑話分享

尋晚做到am4點先放工，今日晏畫6點返工，嘩，勁灰，周街d人行完街返屋企食晚飯，d年輕人開始出街蒲，頂！我要返工！架港鐵仲要塞滿晒d好開心既人，我就著到村姑咁（無心機無氣力打扮返工）……好在返左兩粒幾鐘工就放工lu，跟住同同事yokki行街買返d靚衫唔使做村姑，仲要去揼骨按腳先順返條氣。

哈哈，好無聊呻完一輪，同大家分享兩個粗口小故事：

故事一：行街時發生
時：今日晚上
地：銅鑼灣sogo後面襪舖
人：物舖老嫩兩女（似是母女）

女：你睇，呢條褲先7啊！
母：……（好似撞聾聽不懂）
女：呢條褲先7！呢條褲先7！（因母聽不到所以不停重複）
母：……
女：呢條先7！頭先你賣那條係9啊！

這時我才明白，阿媽當左條「9分褲」係「7分褲」，收少左錢，所以畀個女鬧！哈哈！

**********************************************

故事二：返工時發生
時：尋日下晝
地：公司office
人：我，同事J

我：我對你唔住，我唔記得左你個批！
J：（面容扭曲）吓？？？？？你講乜話？
我：……我唔記得左幫你換個肉桂蘋果批……

原來佢聽唔到個P音，哈哈！搞到我跪左係度笑左好耐啊！

買左好多衫，聽日著靚d去飲先得！

眼睛又紅又腫

近來我很污糟，眼角斷斷續續紅了幾次，左眼或右眼，又紅又癢。前幾天是左眼上眼瞼出事，昨天買了新隱形眼鏡，還未戴上，起床時又發現右眼下眼角腫了，痛癢難耐。出門口前把隱形眼鏡藥水和化妝棉都掉了，思前想後，覺得應該是棉花出事，因為那是陳年化妝棉，覺得「不要浪費」拿出來用，結果自己眼睛紅紅腫腫幾次……之前還錯怪了眼影令眼睛敏感，實在太過過意不去。

老

雖然很不想面對這個現實，我覺得這一年多最無奈的就是發現自己「長大」。以前會覺得自己捱極都可以不覺得累，至少通完頂瞓一日可以回復原狀；另外最令人傷腦筋的是化妝後精神爽利，沒有化妝簡直不想面對自己。

近日覺得最可怕的就是「捱殘無命賠」生命只得一條。而除了我的五觀輪廓之外，最怕是身體裡面捱殘，飲咖啡、心跳、可怕極了。其實在06年春己經覺得有點不對，或者是自從第一份工之後，就隔了四、五年都沒有機會發力，一發不可收拾。還嫌不夠，結果今年還要加倍逃戰自己，才發現，不停做不單不會加戰鬥力，還會傷了元氣，苦了自己。

啊！不要發癲了，這個鐘數應該瞓覺的。我要從容面對高低起伏，我受得起這種精彩生活:P

Angel 上班了！

呵呵呵！今天終於有新同事上班，她未上班時我就叫她Angel，因為她是打救瘋狂OT的我的心目中的天使！

雖然Angel來了但是還有很多未做的工作，要努力！

就算我係一部機器，都要做部high tech一點的

今日被同事說我不回答別人的問題，我有點抱歉，因我自己也是經常無故不停說話的人。剛加入這裡時覺得同事們為甚麼準是不停地說話呢？（可能因為以前公司經常地沒有人）後來慚慚習慣下來，有時我坐著工作時都會有同事叫我，可能是聊天可能是說關於工作的事。可能大家都是比較喜歡說話啦聊天啦所以才能一直做記者工作吧。

今天做了一個訪問，我跟同事w說，訪問稿準是要其他同事都放工了才可以開始寫。w說，寫訪問稿時準是要聽著歌「與外界隔絕」才能專心下來。我心想音樂也是一種媒界啊，而且很多歌都是有歌詞的，我沒有問她聽的是有沒有歌詞的歌，我只是覺得，像OT前要飲咖啡一樣，寫稿時要聽歌成為了為達到工作目的的手段，像自己是一部機器，飲咖啡是入電芯、聽音樂是太陽能一樣。

這樣的形容不是我發明的，產品設計員松山先生一早已當自己是一件產品般形容，還在facebook張貼了產品說明書（在這裡姑且下載一下與大家分享，希望松山兄不介意我在此表揚他的創意：

【使用説明書】
產品名： 松山交談對話器
対象年齢： 15歳以上
適應環境： 香港/日本/紐西蘭/海外
※0 ※在有語言障礙國家會變得反應遲鈍和有不能對答現象.
製造商： 華麗一簇水瓶座株式會社㈲
製造日： 197X年02月04日
保証期間： 貨物出門, 永久不保
価格： 浮動
防水效能：0-1米水深

【產品使用守則】
說話： 攪笑話題發揮會較佳, 其次分享心事話題.以及一般話題, 但會有口不擇言時候,敬請注意. ※1,2,3
※1: 一旦開始說話會難以中止
※2: 聲音過大並不是故障
※3: 如發現夾雜粗口和有料成份句子, 請自行加以掌摑.
引誘技倆： 有關日本美少女的全般話題.
發笑： 任何情況下都有可能啟動發笑功能
※4: 由於音量難以調較, 於寧靜場合請避免使用哭泣： 非常容易大哭, 請小心輕放. 發怒： 擁有維園阿伯式發怒系統, 對攻擊性話題非常敏感, 而且一發不可收拾.
※5: 過激使用會有短路爆炸可能感情:易放難收, 多以悲劇收場, 調較無效化.破壞： 有被破壞的可能性嗎？
搭訕： 請盡量給與尊重並加以配合, 如搭訕失敗可導致被咀咒和遇上厄運.
受騙： 極容易受騙。請自行發揮。
IQ/EQ:IQ 值與一般笨蛋無異, EQ值仍有待研發.
達人： 食物, 日劇, K友, 嗜酒, 無聊, 足球, etc.......
※7 擁有以上特質人士容易啟動完全版松山交談器服従性： 順服性極低, 請嘗試以柔制岡和封瑣唱K等途徑迫其作出屈服

【維修】 本產品是不會有故障或老化現象, 如認為產品出現問題, 請用家自行檢討.鳴謝： 寫呢篇使用手則既傻瓜. 非常感激使用松山交談器的用戶. 謹祝各位使用快樂

☆★.｡.:*･ﾟ★.｡.:*･ﾟ★.｡.:*･ﾟ★.｡.:*･ﾟ★.｡.:*･ﾟ★.｡.:*･ﾟ

開機不停工作，有時很累，工作過勞也會壞機。下星期，我將會有很多很多很多的工作，希望我不會overload la，做得好大家又滿意啦。有一樣野最差的就是「諗返舊時」，今日有兩件事另我想起以前的：

事件一：
營業部同事問我拿今日拍了的圖，我給她，她問我那包m巾為甚麼不是正方形的（卜起了一點），我說那是很自然的啊，她覺得不對，然後一起抓狂……這令我想起自己以前不用做styling，以前無論整d咩出來，營業部的同事也會critise件事而sell畀客。這件事是工作性質「結構性問題」我明白，但做了半年也未化。

事件二：
某pr問我為何轉工，她認為轉工的模式是「越轉越大間」……這件事我說了太多次了，也不想再說了，只想提一下抒發一下。這幾天我想起，其實上一份工的工作經驗教曉我「寫稿不是工作之全部」，這是非常深刻的體會，到了現在，我要寫的稿似乎也不少，不過也要謹記寫稿以外要兼顧的事，千萬別成了不懂待人接物的寫稿機器 :P

這些芝麻綠豆的事都放在心上，做不了大事的。

大有收獲！

上星期日日OT，真係超灰！今日放工就同同事Yokki小姐一齊去食飯同shopping，盡興而歸！

首先係Yokki小姐帶我去「峰壽司」食野，說來慚愧，我都係第一次去峰壽司食野；食左火炙饅魚、花之戀、硯仔麵豉湯等等全部都好好食！最後食左一個吞拿魚刺身，d吞拿魚極之唔新鮮，如果今日心情唔靚絕對會叫佢換過碟，根本唔應該畀d咁唔新鮮的野人食（無論幾多錢），我覺得佢係destroy左我美妙的一餐。

之後同Yokki一齊係崇光同埋銅鑼灣地帶買野，佢買左兩件衫，但係我就無收獲，但係我已經決定入手以下單品：

．銀色閃石項鏈──無即刻買，但係諗下諗下都好想買！易襯，而且咩季節都岩戴，最重要係夠閃，岩我！

．2對過一百元的絲襪──好靚既絲襪！女人街好多幾十蚊一對的絲襪，都好trendy同colorful，但係就無呢d較貴絲襪咁舒服同精緻，出左糧，一定要買兩對畀自己！

．一個輕的真皮 / 仿皮手袋──我的袋太casual喇！唔岩返工！之前幾百蚊個卡片套都買得起，無理由唔捨得買個袋黎用囉，都唔合邏輯:P

衫就唔想買住，因為要整理返d冬天衫先知自己需要d咩衫，但係我唔會因為跟trend而改變自己既style啦，最緊要著得舒服、好睇同開心！:D

報告完畢~

有blog真好！

有Blog真好！每個人都有自己發聲的渠道、最重要係可以自說自話，可以delete人地d留言:p不過我都係比較鍾意諗到乜就講乜，呵呵！



今日係1202補選，偶然之下發現原來補選候選人入面有6人都有自己既blog！真係犀利！2000年未有blog時，我已經好似blog咁一日寫一篇野放上自己個網度，直至依家，寫blog已寫左幾年，依家連競選立法會議員都要開blog，互聯網的力量真的不可小覷！



今個星期返工真係幾辛苦，有兩日差不多10點先放工，另外有兩日差不多4點，做到命都無！好在我的媽咪對我很好！有圖為證：


有一日我晏起身，起身時已經食完午餐，這是媽咪整畀我的飯，除左火腿蛋之外其他都係「餸腳」，但係都好colorful wor，尤其係羅宋湯好有質素，左邊碟菜中間隻蕃茄簡直一絕！

同一日我又話畀媽咪知我著左羽絨同cum左棉胎都覺得好凍，個晚佢就入多左一張棉胎畀我，點知原來好重架，第二日佢同爸爸就「斥資」千多元買左張好輕好軟的羽絨披畀我！呵呵呵呵！

不過，唔知係咪因為做過多食，今日去做gym，未開始做發現自己竟然輕左2磅，心情矛盾……結果我食完晚餐又食多左兩個包，夜晚又約左Eli食糖水……唔知係咪會番漲呢？

兩太互片，你揀邊個？

（如果唔想睇咁大段文又想知我發咁大輪up風想講乜，請睇全文最後一句。）
聽日發生兩件事，一件事係兩鐵合拼，另一件事就係兩太互片。上次區議會選舉因為晏起身無去投票，今次應該會去喇，因為返左咁多日工，一定要出街行下平衡返個心理。投票，對今日既我黎講都算係公民義務，我覺得如果無乜特別事既話，都應該去表達一下自己意見。

我唔想講自己會投邊個，因為心情真係非常矛盾。我自己是做消閒雜誌記者，平時都有睇下報紙雜誌，前幾日睇左本東周刊，訪問葉太個女葉榮欣，佢係度不停咁話，細個阿媽點唔得閒理佢……我心諗，阿媽掛住返工，唔得閒理個女，唔代表阿媽份工做得好囉，咁樣囉人地個女出黎講又暗講葉太其實係無意思囉，又唔會宣傳倒d乜……打開個電腦上網，度度都傳載Audrey Yu個「告急電郵」，通街聽到叫人投票既聲音，無論有定無講出口，最後get到那句都係「告急」；跟住，今日少少得閒打開份蘋果日報，竟然見到黎志英話如果葉太選倒佢會考慮移民……嘩，點解咁都講得出？佢係報紙老闆黎喎？點解做報紙要偏激成咁？

我諗起我前幾個post講開自己買左本書「唔該．埋單」，本書係九七年寫的，過左十年，作者有個總結，係話九七年香港人以為凍結香港，將所有野保持不變，咁就以為會好……直至依家，d人仲諗住自己後八十年代當年幾咁風光，想返返以前個度。

其實，依家我地係咪都係一廂情願咁以為有d人可以帶我地返返以前個度，好似以前咁好……但其實，個社會已經唔同左，一蚊港紙已經換唔到一蚊人民幣，一個七十幾歲既前殖民地高官，你奢望佢可以帶返d咩畀我地呢？

依家邊個官行、邊個議員行出黎係令人心悅誠服既呢？係咪我個人太灰太無知太挑剔呢？真係唔知，我覺得依家個特首只係好過之前0個個，其實佢係咪真係幾好呢？我覺得唔係囉。呢幾年泛民聲勢咁弱，係咪真係因為個個都妥協左，所以全民靠左呢？唔係囉，係d人質素差左，都唔成氣候，又或者其他人同我一樣，搵餐飽飯仔食下已經好難，已經變晒政冷感……我係一個唔關心社會既人，但係今日係忽然有感而發。作為香港人，真係好六神無主，到左呢個地步，係咪一定要信「香港良心」係救世主？