妒恨

恨未必係愛o既反面，但絕對係一面鏡。

k 叫我加入一個「反謝x蕙」的群組，我見貼出黎d 相幾有趣，雖然我唔知點解要反呢個小朋友，但都因八卦申請入組了。不夠五分鐘，我的申請就被接納了，看看那個approve我的admin，對眼（化妝後）比謝更大、更厚妝、更……

於是，我彷彿明白了甚麼。你憎一個人，反一個人，未必因為佢同自己想法唔同，做法唔同，甚至可能係相反。你憎佢，只不過因為佢有d 野挑起你某d 神經而生妒恨。而膚淺o既我認為謝x蕙最乞人憎就係食到「搖搖老公」同 edc 啦。就憑佢？hahaha

當我憎或者唔鍾意一個人時，唸起點解呢班少女要憎謝x蕙，可能會有d 啟發。

搵人幫自己做野，同自己做晒一樣咁辛苦。
好怕凍，唉。
好夜都唔想瞓，因為唔想瞓。

隨遇而安，希望日日都咁開心。

__________________________________

剛剛發現呢個 blog 的 top view article 由 蛇宴轉咗 speed dating...

或者有d 女士會迷信，就到或過咗 30 歲就要去 sd 搵機會，但我自己覺得，o係 sd 場合你最多只可以搵到明刀明搶想拍拖 / 結婚o既男士。如果你係迷信浪漫，或者迷信可以搵到投契另一本o既人，你會好失望；如果你想搵個目標一致o既人，恭喜你，你搵啱地方。

有一天我會死掉

前陣子中學時的補習老師在臉書分享一段關於麥田符號的youtube 片，我於是又好奇地看了好幾集那片子所屬的「靈性科學」系列，之後我又看了一段關於平衡宇宙的 discovery channel 專輯。之後我看不下去了。

我們對於生命科學、宇宙充滿好奇，但愈是深究愈是覺得自己渺小。前陣子我和一個朋友認真地說，他結論是：「我們死了之後應該甚麼也沒有了。」這點相信很多人都明白。有些人偏向相信宗教所說有死後的另一個世界這回事，我當認為不必這樣說了。

愈研究那地球以外的物理有關的話題，愈是自覺渺小與無奈，那我就不再將這話題演化下去，還是專注欣賞當下身邊眼前發生的美麗事情比較好。

期待旅行，雖然一個人走有點孤獨以及很多事需要小心，但很明白對的時間，好的旅伴難求，在這大前題下一個人上路還不錯。

呢集講出體...

補牙

第一次被發現有蛀牙，補了，希望之後不會再惡化。不過這次用了有色的物質來補，補完還是看到很顯眼修補過的痕跡，雖然要好留心才看到，可是卻令自己很介意。

如果下次再蛀牙，touchwood，一定要補象牙色。

牙痛，心痛，又想去旅行，又要買車票。

今日個 blog 收到一堆垃 comments，我要人打字 verify 已經 discourage 咗人留comments 啦，仲要落埋d 垃圾comments 落我個 blog 度，個世界真係烏煙瘴氣。delete 不盡，唯有無眼睇。

小盆栽

小盆栽買回來開始栽種到e 家已經十日，d 同事話你唔畀佢曬真陽光，係咁用燈照住，佢會生得又高又幼，係唔會種得靚，我都無理，點知今日真係有枝「標」得太高折斷咗……於是我唯有擰佢番屋企等佢曬下太陽啦。

原來唔為意畀老細聽到我尖叫，跟住佢臨瞓前話唸起，佢話唔知我種花（因為佢呢幾日出咗 trip）唔知係咪佢放張打稿在我檯面整斷咗棵花，覺得好難過。其實棵花真係我轉來轉去時自己折斷o既，搞到老細唸多咗真係唔好意思了。

其實我自己真係無乜心機種花。小朋友成日都會種蠶豆同綠豆，老師希望佢地留意植物生長過程，從中有得著。而我係一個難得可以照顧自己o既人，實在唔想去照顧花草樹木、動物、甚至其他人類生物……而呢棵野只係因為朋友買畀我，所以都貪得意種下，如果係我自己就絕對唔會買花黎種，因為怕commitment...

e 家花花回家了，唯一希望佢曬下太陽可以長大少少，唔好咁快死住，同埋希望我「通靈」成功，勸到mimi（貓仔）唔好食咗我棵花啦... 0_0


呢個系列真係幾好睇，我睇晒六集呢！

問運程

之前幾日有講過塔羅，跟住有k 先生問我塔羅有無幫到我。我話塔羅只係將件事講出黎，並沒有改變事情的力量。佢都好同意，佢話有個朋友同我個朋友的講法一致，塔羅只可以睇到未來半年o既事，睇唔到好遠o既將來，亦改變唔到事實。

我心唸，其實問卜只係為事情搵個解釋，因為好多人，尤其係女性，尤其係我，都好鍾意問點解，但係唔會有人會畀答案。問埋咁多野，都改變唔到事實，d 咁詭異o既野，我寧願唔知道........

日月

今日見到朋友forward o既圖發現謝霆鋒十二月開「末世紀concert」……應該係「末世」concert 吧，hehe。之後又見到師弟貼了一隻謝霆鋒的歌，而我好鍾意的有呢首，是周耀輝填詞的呢。



10 年前真係好鍾意佢！唱歌很用心很有感情，加上超型，哈哈！現在已沒有這樣的歌手了吧。很懷念以前的情懷。

不要問

有時我真的不想再說下去。

今日放工前，k 在 msn 問我有沒有 update，我猜他想探問感情狀況。為甚麼我一定要 update 我的近況，為甚麼我不可以自己一個？我也不會問你怎樣怎樣，因為我知道你安好就好了，為甚麼你要問我？

如果我沒遇到那個對的人，我覺得自己一個人也可以。今日被另一個人說我太感情用事，那麼你繼續你的理智吧，我就只能和我真心喜歡的人在一起。

別說我想太多，我怎會不知道，我知就我最討厭就是甚麼都想尋根究柢，我就是不懂得裝作不知道。

很討厭那塔羅牌的解讀，早知我扮看不懂算了。

塔羅牌真係好勁，可以解釋到好多無答案o既o野。

答案就畀了，接下來是學習接受。

人生是一場冒險

此題是同事的金句。

近日有些困惑，發現自己既往在工作上一直沉醉在採訪遇到不同的人的那種「冒險」感覺，同時喜歡爬格子帶來的快樂。而在生活上，亦都視人生的歷險，勇敢遇到不同的人和事，作為生活的目標。

最近發現以上種種都在我的生活流失。人大了，不是怕老病，身體限制不能實現夢想。而是生活與以往的經歷，令那份勇氣被磨蝕了。

我希望長假期讓我好好想想這事。

孤獨症

今年沒有寫自己對於來年有甚麼期望，因為真的一點期望都沒有。工作是想在目前的狀態下做好一點，日常生活也不特別想有轉變。其實之前是因為一些事情，想有一些新東西去改變生活，令自己重新振作。但近來發現自己正平淡安穩地生活著，實在不需要夾硬迫自己做一些驚天動地的事了。

一段時間不見的朋友覺得我看上去清減了一點，而且也自己身體健康了，這很好，沒有壞事情就是最好的事情了。

網誌流於沉悶或甚至負能量是正常，因為我開心忙碌時根本連寫網誌的時間也沒有。

有些朋友很在意求簽、求桃花，我沒有多想。其一是那「有借有還」的機制令我覺得納悶，如果常常記住要還會不自在，不去還也不好意思。其次是桃花真的可遇不可求，我真的非常之衷心地覺得，遇上不喜歡我或者我不喜歡的人是一件極之難受的事。

而昨天有個朋友告訴我一個雙子座人的感情經歷，而我又比照身邊的朋友，我覺得，為甚麼要拼命要遇上一些自以為轟烈的感情呢？為甚麼在疑似有心人來到時，是以感情淹沒理性的態度去面對呢？我實在覺得這諸等事情很令人厭煩。甚至想大膽說一句爛桃花不如無桃花。

然後和 j 聊天時我對於她雙子座朋友愛的抉擇下了註腳。每個人總要執行自己堅信的使命，而不是去做一些普遍人認為正確的事。我想這不僅是愛情，就連生活態道也應如此。我們不用盲目追求工作完美、不住地向上爬，這些都不重要，最重要是做一些自己感覺良好，心安理得的事，大前提是不為身邊的人帶來麻煩就是了。