發不到短訊的手機

新手機用了兩日，忽然發現發不到短訊，於是上網求救，最後發現原來那部電話preset了係pccw做短訊中心，於是我打去smartone問短訊中心電話（個網頁沒有登出來），問題就解決了。就係咁，就搞左我大半日。今日是回收舊衣服的最後一天，明天仲要執包袱……

從好一面諗的話，要慶幸我今日set返部機，明天唔使去多次觀塘囉。

我喜愛的．我需要的

昨天講到山長水遠到觀塘貼貼紙。那貼紙專員用了好多時間幫我把貼紙貼在手機上，至少比之前一天「求其貼」要好多了。那專人貼貼紙的時候，我在和朋友聊天，我說想買到netbook，原意是想到處去也可以處理文字和相片。朋友回話說不如買i-pad吧。然後他說了一堆i-pad起動較快而且甚麼甚麼。我說netbook很慢嗎？他說和pc差不多，然後又說i-pad可以用來做甚麼。

那時我才驚覺我自己完全不需要一部i-pad，我從伸自己想要一部處理文字和相片可隨身攜帶的工具，而不是一部可以隨時用來看和玩的i-pad。或者朋友不是給我建議而是向我陳述他想擁有一部i-pad的經過。

我的想法是，我不需要一部i-phone，也不需要一部i-pad，除非那東西普及到必要成為我工作的一部份的時候。老實說對於一人一i-phone和一人一微博，我個人是非常藐的。這種狀況令人不安。

嬌

尋日去觀塘國美買左部手機，但個店員唔肯幫我貼機面貼紙，佢話你十日後自己貼或者囉黎畀我地幫你貼。我唔知咩原因（退唔返畀nokia？），但十日唔貼貼紙部機咪花晒囉，仲貼貼紙黎做乜？最後佢都肯幫我貼，但貼到飛起左。於是今日下晝打電話去怒罵（同事聽到仲話我港女 :p），佢公司肯幫我貼過另一張……佢找另一個人，貼足五分鐘。我唔知一張貼紙值幾多錢，我o係公司搭車去觀塘要差不多成個鐘，一程車都要十幾蚊（仲要轉車），但係我如果唔貼番，真係會好唔開心，最後終於貼左張貼紙。

回程唔想搭地鐵，最近鍾意去裕民坊天主堂紅van站塔小巴。路經neway時見到嬌的新歌廣告。雖然佢地兩姊妹畀人話欺騙觀眾，但我聽到佢地的歌依然好感動，今日睇新聞見到嬌瘦返， 終於似返一個有心撈野既藝人~

十年一聚紅碼蟻

台式食品店紅螞蟻來港十年，剛來香港的時候我經常光顧，過了好些年都沒再吃。今日去吃覺得menu內好多食物都沒變，味道依然那麼熟悉，不過我覺得湯麵唔特別好吃，於是叫了焗飯，但焗飯係好肥，所以不可能常吃，這味道不知多少年之後才再次重溫？


增肥人（-.-）點的薯蓉牛油田螺


我點了餐牌上001號的牛油果蝦（千島汁）焗飯


增肥人點的芝士西蘭花


增肥人的鱈魚飯

自己食到咁清，share食個 d 就肥到漏油... 下次食飯我唯有自己點清d... :P

休養

星期五去左睇包山，尋日又去左踩單車，今日真係好累，在家瞓覺同埋上網，就咁就一日。

之前次次踩單車都可以應付，但今次真係好辛苦，踩到回程（即是尚有一半）直想講粗口，一般粗口已難發洩我的不滿，腦裡面閃現門字入面一個車字……今次咁辛苦除左落雨同埋好耐無踩咁遠之外，最大問題係架車唔順……我已冇力到唔想試踩人地架車。

東京城老闆娘，如果你再畀d 爛車我踩，我唔會再幫襯你！

不過諗返轉頭，自己都有責任，下次出發前無論如何都要試清楚架車先起程，otherwise就是自作自受。

本來想換季，但太累又太hea了，都係擇日再算。第二日仲要返工添……本來有d野諗住weekend做左佢，都係返工先做啦！

吳包包滿月快樂

5月17日係吳包包小朋友o既滿月生日，我同幾個朋友仔一齊去探佢，要勞煩包包爸爸整野畀我地食同埋o係我地走o左之後執手尾，真係辛苦了！不過見到包爸有女萬事足既樣，相信佢唔會介意我地一齊打搞，一齊分享吳宅一家o既喜悅！~




上星期六返工時請教b photoshop的使用方法，現在可以用photoshop來砌相，只係簡單功夫同埋有少少遐疵，但我覺得呢樣都係我小小成就，算係工作中尋樂趣。

有得睇冇得買

今日去o左MK，幾乎齋睇冇買，見到有衫、銀包都好想買但係屋企實在堆積太多野，如果又買的話對於我已經入手o既衫褲鞋襪係非常unfair，唯有忍手。

超級忙，放工已好tired，就算得閒都冇心機執，似乎離心安理得買o野之日仍然路漫漫...


實在太可愛了，LG分唇再差似乎我仍會心甘情願畀錢繼續支持……

萬寧哥哥打畀我:p

咳o左成個月，好似仲有少少未清，於是尋日再買一支，到返工想飲時發現咳水唔見o左。於是我懷疑自己買時已經唔記得擰支咳水。

第二日我去萬寧度問，佢地唔confirm我係咪留低支咳水，於是叫我留低電話再follow up返我。到o左下午，有個萬寧哥哥打畀我，佢問我咩時候同邊個counter買o左o野，但我唔記得張單去o左邊，於是佢幫我check。

過o左一兩個鐘佢又打黎，佢話check番閉路電視，見到我係有囉走支咳水o既。

支咳水究竟係幾時跌，真係唔記得喇。唔見o左支咳水，都有少少唔開心，但係呢件事入面萬寧o既服務真係幾好，起碼將我o既唔開心減到最低~

敏感性肥胖

我並唔算係一個易肥易瘦既人，但多野做就一定會肥，除左因為壓力令人肥胖之外，亦一個原因係多野做令人食好多野，而當自己無咁好力o既時候，又會係咁食野，令自己繼續做落去。所以每當有機會都會喪玩黎減壓。

其實工作一開始我有諗過：會吾會唔係咁多野做呢？但做落發現多野做既程度係會做黎做去都做唔完。到最後我想講既係，點樣記低d整同埋整理一百樣做緊既野，成為當務之急。

其實自從對上（不是上一份）份工之後，就算要寫既稿再長，都係一d 容易消化既文，咁其實寫野淺白同率直，係唔需要太多諗頭既，正所謂手到拿來，工作既重點係點安排而唔係工作本身。呢件事當然係一路keep住好好學習，而當下我並唔希望自己工作有成積，因為其實好多野唔係我自己控制的，而我自己只係好好感受工作期間的過程和滿足感。

星期六要返工都okay 丫

政府鼓勵五天工作，現在好多公務員都係返 5 days，而自己竟然由 5 days 工轉o左去做 5.5 days，不過就算係咁，都可以搵到方法自得其樂~

上星期勁咳，都想不起咳o左一星期定二星期……睇o左一次醫生之後，飲o左一支我覺得好好味同埋幾有效o既「海底椰標」，但係可能 d 菌太毒飲o左成支都唔好……前日開始轉飲珮夫人N10，好okay喎，成日只係咳o左兩回，搭車都唔使「攬」頸巾

（其後落o左MK，先後同兩個MK女撞袋！


一兩點時落o左CWB睇營養師，路過步行街見到森美賣樂施米~


經過時代廣場時影低呢張相，好鍾意呢張esp右邊那位女士的姿勢令呢張相更加耐看~


下晝同L去o左踩單車，又冇帶帽、防曬，連褲都要買一條，冇準備之下都可以來回大圍同大埔！~ 但係我呢排踩完車膝頭都有少少不舒服，應該是踩單車加著high heel令膝頭開始碌爆卡，平時真的要好好注意身體狀況，養下生先得


因為支 N10實在太work，完全忘記o左自己咳，夜晚食o左任食韓燒都冇復發！wow！但晨早又咳o左少少……我諗我以為自己好番係錯o既，呢幾日真係要飲食清淡d，之後先可以食熱氣野同雪糕！

但係睇完營養師之後佢話我脂肪比例係正常偏高，好明顯我成個人都係偏低，但某處o既fat 竟然令我變成「偏高」……再係咁落去真係會出事，唉，又一碌爆卡之問題，我的任性亂吃時代似乎已經結束了。

(u)心力交瘁

今日真係心力交瘁，返公司交稿之後出去，去了兩個event，第二個event真係激死，首先我同個pr講過電話，佢仲約左我之後做訪問，等我仲早左少少到，去到佢竟然以為我做緊舊公司（我同佢講過電話），之後我雖然錄左野都諗住做訪問，因為應承o左，點知佢完全無左件事（我同佢講過電話），於是我就諗住做文字訪問，搞到好似我攝位做野咁……結果做完四點先有飯食……食完再返公司交稿。

放工臨時約左友達食飯，真係食乜都唔想諗，爭d食野都無力……其實我有好多稿可以寫，結果我還是寫了上述那個brand的稿，我諗我真係有少少唔識嬲人、不分輕重，希望呢種事情無下次。

早起的鳥兒有蟲吃

「早起的鳥兒有蟲吃」這句說話，我以前未有聽過。

前一陣子，聽到有人說，小時候常常聽大人說「早起的鳥兒有蟲吃」，便問：「如果我係蟲，早起咪畀雀食囉！？」

這個「如果我係蟲」的人究竟是誰呢？究竟是朋友說的，還是電視播的，還是雜誌記載的呢？想來想去也想不起來……無論如何，現在已經三點半，如果我不去睡，明天不能早起的話，d野咪做唔晒囉……

一個標準的世界

讀書時所學，以及平時的感悟所得，不喜歡只有一個標準的世界。為免令世界愈來愈單一化，我響應朋友的呼籲，多飲local咖啡少幫襯星巴克、買野光顧藥房少去百佳惠康、然而生活仍然是被全球一體化蠶食。不是癮起不去吃麥記KFC，有得揀去ocean park不去迪迪尼。

近日腦海中浮現的事有：

．公司開了微博，再避都要開一個。（我已經覺得twitter好無聊！）
．何時會因為工作要局買部艾風？（可不可以不是蘋果子民？）

五年前開始我經常怨，可唔可以唔揀A餐B餐？現在的處境，是硬食。

我不要做地球村村民，放過我吧！

頓筆

這幾天的二三事……

前兩天去了郊遊，星期六去了獅子山但遲到，累大家等了成粒鐘，最後唔夠時間睇埋望夫石，這件事，就算我像小丁一樣寫篇blog也難辭其咎。

星期日帶著疲累的身軀夾硬去踩單車，仲畀小朋友撞到瘀了一塊，中間傷口像五蚊那麼大，暫時沒有瘀傷，週邊的瘀傷大得像今日食個奶黃包那麼大。

被撞當時一刻係覺得，好痛……之後諗，算啦起碼佢無繼續衝埋黎……後來愈來愈不憤。那父母第一時間竟然是鬧個仔「都叫o左你直線踩左邊」……why blame on him呢？係咪覺得自己好醒個仔好蠢呢？點解唔叫佢同我道歉呢？現在的人全部亂教仔，真的氣死我。

放假做d平時不會做的事，都係好的，就此貼幾張照片分享下：

獅子頭上留影


大埔海濱公園留影


這幾天都無心寫blog，因為返工一日寫一篇加寫稿，放假又將行程的相retouch再在facebook和朋友分享，己經用光大部份時間，再寫下去會變成「除了食飯沒有生活的blogger」（笑）

說起blogger，早前有人寄電郵給我說邀請我試食零食，條件是寫篇文講返d零食，食物會速遞到辦公室，於是我參加了。但後來有關方面卻將活動性質改了，變成weekend在一間cafe辦試食活動，零食任食但飲野要自費……這樣下來除非我好想識一些鍾意食零食的朋友，但事實不是這樣。於是，我沒有報名參加。我覺得在報名之後活動性質改變了有少許「被騙」感覺，不過我始於沒有付出過甚麼，還是算了吧。（仲可以點呢？）

呢幾日都係上網自己同自己玩d「食藥game」，此名由網友梁生提供，佢話食藥game特質係，每隔幾個小時要服一次，令人無法專心做其他野……所言甚中。

除此之外，追番之前無睇幾集「PS男」，但只看到四月初。看到一段馬小茜的朋友瑪莉話：「你唔好諗住幫佢搵返佢唔見o左o既野返黎，佢自己都唔記得擺o左係邊。」如何去感動一個感情受重傷的男人呢？在電視劇裡，女主角可以辦到，現實生活中，我相信宗教的力量，例如耶教與佛教會比較湊效吧。