又打邊爐

哈哈！大家都打邊爐打上癮吧！今日約了j吃飯，想來想去結果還是打邊爐，去了太子的「正冬火鍋」，這間火鍋地點不是很旺，但聽說是名店，本店在尖沙咀區。印象中自己好多日未豪過，於是食好d（後來想清楚其實上個禮拜日日去了旅行，日日都喪食:p）。湯底選了老雞花膠，另外吃了肥牛、肥饍片、鮮腐竹、鮑魚、大蝦、四寶丸，還有飲品，勁食之後埋單要600多元，以我來說好少食到咁豪！！！不過樣樣都係高水準，令人回味，所以都值回票價。

晚飯後j問我有甚麼願望（我的願望上一個post講了，不在此重覆啦），我又問番他。他說要還錢給哥哥。他告訴我小時候跟哥哥吵架，覺得哥哥欠了他錢，於是在哥哥的錢箱取走（ie.偷）了5元，哥哥發現後立即哭得很厲害，把他嚇呆了。自此之後，也不敢問哥哥借錢了。j說今年因經濟困難而問哥哥借了的錢，明天要盡快還他。

聽到j這麼說，我第一個反應是覺得他哥哥如此珍惜自己擁有的東西，一定很疼錫妻子和囝囝（j非常同意這點）；另外又覺得自己的願望太渺小了，遠不夠令人感動。哈，我當然不想可歌可泣的事發生在自己身上，不過也在此祝福j先生來年能夠努力地讓願望早日成真。

工作軼事

不經不覺到了2009年的最後一天。這年的上半年和下半年分野得非常清晰，因為「新」工作是從7月2日開始的。這年無論工作或其他方面都作出了很大的轉變。我想我今年最大打擊是眼睛的問題，因為實在令我非常極度的困擾，其他方面，也算不過不失啦。不過，明年要正面面對「中年危機」，想起都心驚驚。來年當然希望事事順利啦，我這個年紀最值得關注的是感情和事業，兩方面都要努力。

跟大家分享兩張照片吧：


台北之旅後，同事們把我收到的聖誕禮物「整齊」地排列起來。最後，我收起了一些心愛的禮物，其他的和同事們一起分享~



公司的聖誕party在老闆的店舉行，有幸一嘗招牌菜「分子美食」，這一羹是臘味糯米飯味的雪糕，一人有兩羹。張相拍到out fo，大家自己幻想一下吧，hahaaha！

台北之旅貼相

台北之旅己經結束近一個星期，今日整理相片放上facebook，整完已是一點鐘。tune相tune得咁辛苦，為免太蝕，就貼返幾張出黎同大家分享一下。


先貼一張我的相。美麗華摩天輪，坐第二次，依然好驚~


慈湖。蔣介石終老和安葬的地方，好靚，難怪被他看中了。


呢部機影景真係特別靚，尤其係日光日白的時候。再貼一張黃葉。


風景的也有，這是大溪老街拍的。最美的風景相都是在台北市以外拍到，謝謝winnie有這麼多好朋友，讓我搭單也可以遊咁多美麗和有趣的地方~

廣州逃避行

前幾天和苗去了廣州旅行3天，只帶了RMB 1000的budget，剛剛全花掉。去旅行之前已經覺得一定會和苗鬧交，但因為過節不想留在香港，結果還是去了。

我不知道是不是自己太自我，和朋友一起去旅行很容易遇到不開心的事。旅行的第一天我已經覺得很奇怪，苗鍾意自己行在前面，讓我在下面跟著他，這令我覺得自己很危險，因為要趕上他的速度，又不能隨意看自己想看的東西，如果想停下來就要大聲喊他回來。而且沒有人在我旁邊邊行邊聊天，感覺比自己一個人去旅行還要差。

另外，我又被他說我經常黑面。其實我不高興的時候只要不理我就行了。但他覺得很好笑的話，我笑不出來，他就說我黑面，令我很苦惱。主要是我覺得他未吃飯時心情就特差，又常常嫌我行路太慢，有一天他想到碼頭坐船，那路很長，差不多半小時都是在小巷裡鑽，我覺得很危險，就只有死命跟在後面，結果買了的蛋糕仔跌爛了；另一天我又是跟在他後面行，他嫌我行路太細步，我又邊行邊穿衣服，我在德一路買的牛牛布偶跌了也不知道。結果牛牛留在廣州沒有跟我回家。

當然這次旅程也有開心的時候，例如第一天看了馮小剛的電影《非誠勿擾》，吃了好吃的芝士蛋糕；第二天在路邊吃了好吃的燒烤和打邊爐（自己一個人不敢這樣做），另外買了一些便宜的小玩意兒。

我自己想拍兩張照片留念，苗不等我就自己下山了，還說我自己只顧著拍照，不留意他下山了。下山時他想行比較陰暗的小溪下山，但我想行馬路旁跟其他人一起走，又好像令他不高興。苗還說，如果不是和你一起，我會鑽到更黑暗的小巷裡去，那麼為甚麼要叫我一起去旅行呢？這令我有一點點後悔。

這次的錯可能是我期望朋友會照顧我多一點，可卻事與願違。其實每次旅行，我覺得能夠平安回來已經很好。或許，我還是比較適合一個人去旅行吧。當然我和苗還是很好的朋友，只是好的朋友未必是好的travel buddy，人和人的相處，有時需要包容，或者找到適合的相處方法，避重就輕也可行。當然，要日席相對的伴侶，又是另一回事了。


看了馮小剛的愛情輕喜劇《非誠勿擾》，主演的是葛優和舒淇，還有方中信、徐若瑄等客串演出。片中的slogan是「21世紀人和人相處，最重要的是和諧」。


越秀公園內的遊樂場，裡面的遊戲好似荔園那些不太刺激的，很適合我玩 :p，可是我們去時是weekday，人很少，結果我們沒玩


邊行邊穿毛衣，把蛋糕跌在地上，幸好沒有弄花雪人的臉，來得及拍張照片留念


四元一盒20個的草莓，這個心形的好好看


白雲山上遇到的小貓，很friendly，但拍照時又被苗說我拍太多耽誤下山的時間 -.-


這次旅行帶了很少錢，買了少少禮物畀自己，看到禮物，覺得自己很孩子氣 :)

xmas party遊戲結果報告

2008年xmas party圓滿舉行，大食會之後大家玩了一些遊戲，盡興而歸。今日在這裡為大家公佈3項遊戲結果。

遊戲一．大話骰
參加者：p、v、b、s、c、a
遊戲規則：傳統大話骰，輸家「罰」食雞翼一隻
意外事件：bb吃掉一粒藍色的骰

賽果：
p：3隻； v：9隻； c：2隻； b：2隻； a：5隻； s：2隻

遊戲二．幸運骰
參加者：同上
遊戲規則：傳統幸運骰

賽果：
p、v及a 各贏一次

遊戲三．抽籤
參加者：v、b、s、c、a
遊戲規則：閉上眼睛說出願望，搖動瓶子讓竹籤從瓶口跌出來；不同顏色的籤有不同寓意，從籤文中得到啟示。


Q1： b的上圍有沒有40吋？
A1： 時間會令您失去東西

Q2： a的腰圍是否大過上圍？
A2： 夢想成真

Q3： 黎明會否與樂基兒分手，與b相戀？
A3： sth goes wrong （超準！）

Q4： 我們能否安全回家？
A4： 這是浪漫時刻

Q5： s會否有請我吃飯的一天？
A5： 時間會令您失去東西 （死左條心？）

Q6： b在32歲前下圍會否大過上圍？
A6： 時間會令您失去東西

Q7： p於10年內會否增加30磅？（祈求不會）
A7： 神奇的事將會出現

Q8： 今年會否有人作媒介紹男友給我？
A8： 不變勝萬變（en：don't move）

Q9： 2009年公司會否倒閉？（希望倒閉！）
A9： 神奇的事將會發生

Q10： 下一份工會不會遇到好男孩？
A10： 神奇的事將會發生

Q11： c會否在2009年轉工？
A11： 不變勝萬變（en：don't move）

Q12： 生小孩後會否keep到125磅以下？
A12： 這是浪漫時刻

Q13： 2009年會否加人工？
A13： 夢想成真

Q14： 媽媽在2009年會否停止看大夫？
A14： 夢想成真

Q15： 爸爸於2009年會否繼續常常 on居居望住d魚？
A15： 喜出望外

Q16： 女上司於來年會否遇到好男人，變回平靜的人？
A16： sth goes wrong

Q17： 我在來年會否買多過10對鞋？
A17： 有意想不到的收獲

Q18： 來年可不可以有多d賺職，賺多d錢？
A18： 倒出兩支籤（1. 時間會令您失去東西； 2. 不變勝萬變, don't move）

Q19： 來年上司會否離職？
A19： 不變勝萬變（don't move）

Q20： 媽媽會否繼續「醒」（ie. 醒目）下去？
A20： 時間會令您失去東西

Q21： 媽媽會否回鄉居往？
A21： 倒出兩支籤（1. sth goes wrong； 2. 這是浪漫時刻）

哈哈！大家可以估下邊d問題係我問的~

再見小牛

因為牛年買了小牛布公仔，點知跌左……

小牛真係好靚，但牠只是一隻命中註定不屬於我的牛。

剛回家了

今天剛回家了，去了幾天旅行，想出外散心，暫停香港的工作和生活，跟朋友去玩玩，思考一下事情。謝謝eric、bonnie、betty、小珍、joyce、小容的招待，謝謝bell 和joey帶給我快樂無憂的旅程。

旅途期間想了好多事情，要想想下一步怎麼走。其實，很多事情自己心中有數的，只是不敢想像和實行。今天joyce和小容帶我們到福德宮祈福，大家不約而同都問有關感情和工作的事情。其實這代表我們健康和家宅都很好，已經夠幸福了。我的簽文預兆很好，但那些啟示心裡還未想得明白，需要一些時間消化一下。

這幾天在台灣，想隔絕有關hk的事情，所以連電話都關了，但還是收到sms，知道朋友又登上港聞版（她已經第二次了……）、收到一個想也不用想要即時delete的短訊、又知道公司位子因收到很多聖誕禮物而宣告淪陷（謝謝公關大員的禮物啊！），明天就要早早回去趕忙在開聖誕party前完成工作……

我的hk生活回來，一切還是要繼續。謝謝大家的關顧，來年一起努力！



廣告時間：
很多人都對玩魔術有興趣，今日朋友告知他的魔術小店開張了，裡面賣的玩意兒很有趣，大家不妨去逛逛！不過我不建議買，哈哈！因為我覺得還是要認真學習一下，知道是怎麼一回事，才有資格玩魔術呢。

魔法便利店──魔術小舖

嘩0200！再不準備睡覺明天要辛苦死！很多相要後補！

這叫做偶然

今日湊熱鬧去探訪鏡陶的家，之後我們去了大埔超級城吃shakey's pizza（d相全部後補吧），我已經好耐沒有去過大埔市中心了，除了吉之島和麥記之外我覺得所有的店都不同了。之後去了吃彩虹的甜品再坐74x回觀塘，因為差不多最後一班，都等左好耐港鐵先返倒屋企。

忽然好重的負能量，希望不會影響我去玩的心情，回來再說。

野戰後記

上星期日去左打野戰，前幾日出過post話覺得自己「唔好戰」、「怕死」，其實都有inside story，今日想講詳細d。

大家都知我個人有時都幾易燥，o個日打到有d燥o既其中一個原因，係因為suppose我舉手然後話自己「死o左」之後，suppose係唔應該再射我，但係我死左兩次之後都畀人喪射！！！！所有o既傷都係死o左之後畀人射傷！！！

後尾同幾個朋友仔討論番呢件事，得到以下o既points：
．war game根本就係畀大家放低平日o既自己，盡情發洩。所以d人d魔性走晒出o黎！
．乘上題，因為平時無機會射人，一有機會就去盡，所以唔會射個身，會射要害，所以專射人地個頭！
．d仔好鍾意射陌生女子，所以我喊o左死，哀號、悲鳴，對方就射得仲起勁！（我大叫死左x5次，勁慘！仲畀人（唔認識的男子）勁射！！！射完仲要好得戚咁同我講：頭先應該係我射你！！！！）
．友人j：d仔就係射陌生女子先覺得興奮，你愈叫佢愈想射！ （開始諗到d變態o野……）
．同事f：「你咁樣同自己送上門畀人搞，搞完又話自己唔鍾意有乜分別呢？」係喎，經過呢次war game o既experience之後，我覺得野戰根本就係同強暴無分別！雖然war game係有規矩，但佢根本就係一個以「無規矩」（殺人合埋化）做selling point o既game！所以……

我唔likey畀人射，又enjoy唔到射人（因為技遜一籌），唉，都係算把啦！


攝於集合場地，呢張相幾好mood。 （見到rachel望鏡頭喎！~）


我地比較遲囉槍，檔野唔夠槍畀我地，畀左2支壞槍我地囉……但係後尾整左成個上晝，見支槍都係繼續壞，又囉左兩支ak出黎畀我地用……

囉裝備o既地方，d面罩生晒鏽，勁驚，好在我有戴眼鏡，可以隔一隔；d衫就幾乾淨。all in all d裝備真係麻麻，有私貨o既就唔大影響；個場（戰谷二號）設備好新，呢方面就幾okay。


女更衣室風景絕密曝光！

其實玩war game都幾得意o既，但係好似打麻將咁，想有贏錢o既快感，輸o左又會唔高興，抱住如此輸打贏要玩唔起o既心態，都係唔o岩玩囉。

喪食shabu shabu

前幾日去左apm喪食「牛陣」o既shabu shabu，即係日式打邊爐，放題任食。


左邊係日式豉油，右邊係豆乳，一黑一白勁搞笑。


滾起之後，覺得豉油少少重味，豆乳就好香豆味；除左呢兩味之外仲有清湯同鐵觀音味，真係好想試鐵觀音係咩味 :p


除左牛豬之外，就係蔬菜，無海鮮食 -.- 第一轉肥牛（如圖）都算靚，第二轉畀o既肥牛，50% +係白色，完全係「雪地肥牛」！！！！咁樣「放題」好似有少少出術之嫌囉……

呢個打邊爐價錢同港式相約（食和牛會貴d囉），d野食都幾新鮮；但係除左湯底得意之外，就齋食牛同豬，所以滿足左好奇心之後，都係食番港式打邊爐算bala……

遇上曾碌爆23張咭前病態賭徒的士司機

尋日搭的士返bwflc，遇上積極傳教的士司機，佢係一個年約30多歲男子，身穿一件puma風褸。我一上車佢就問我去邊，佢就畀兩條路線我揀，我都唔係成日去，同佢講最緊要快，跟住就同我講話呢排聖誕節點解會塞車，係因為好多公司布置緊聖誕節（我覺得唔係囉），跟住無啦啦又叫我去澳門見識下，話澳門倒場9成都係女人，d女人去賭係因為寂寞……仲囉左本聖誕同埋寫住「賭博害人不淺」既書出黎。

講一大輪，佢話佢曾經係碌爆23張咭的病態賭徒，係「神」引領佢行番正路，佢完全無理我response，佢見我去學校，又話我係學生又話我係miss……我話唔係，佢話：「我成日都估錯，所以輸晒d錢囉……」真係啤一聲。雖然佢無理我反應，但佢都有見咩人講咩topic，佢見我係女，就講d中年女人點解賭錢啦，跟住又係度講話男女雙方既愛，要雙方面付出先得，唔可以單方面，又話男仔溝女要先主動，覺得女仔著數d（其實又未必係囉），又話男友如果吸毒食煙一定要第一年拍拖時迫佢戒，如果唔係無可能（唔明點解係一年，而唔係200日或者600日……），又講話d男人好要面，唔畀面佢佢就反感，追緊你都會掉頭走（點解咁同我講呢？）……佢講埋呢d應該同傳教無乜關係，我覺得係d導人向善但係又疑幻疑真o既o野黎……仲要講到見到條路都無轉入去，我提佢佢先係另一面兜番入去，好在冇令我遲大到咋，otherwise我會嬲死佢。

到左之後，佢收番原本應收o既價錢，仲遞左本傳教刊物「 中信」畀我，喂我個目的地係佛教學校黎喎，佢應該完全無為意啦。晚上同大家講番呢件事，judy話佢肯定遇過呢位「碌爆23張咭」o既哥哥仔，證明佢真係用自己親身經歷好努力咁寓工作於傳教，好努力咁導人向善，好明顯我都唔係好認同佢講d野啦，但導人向善o既行為我覺得都okay o既。

不過係我諗佢最好都係專心d楂車啦，除左因為唔好唔記得轉彎之外，最緊要安全丫嘛。

Love & Peace

今日去了玩war game，之前一次都無玩過，今次第一次玩，都是因為同事steven的介紹所以可以一齊去，玩完之後我覺得自己不太鍾意殺人、贏人的感覺，但都好開心有今日既經歷，令到之後有好多反思。玩完war game之後覺得自己係一個熱愛和平同埋退宿、怕死的人，在現實生活中，這不代表我不好，但是如果可以的話，我覺得在工作上、人生歷鍊之上能夠多些進取心，其實會比現在活得更開心。

在戰場上被射死，令我很耿耿於懷，謝謝朋友聽我傾訴。其實，我常常都很鍾意找人傾偈甚麼的，很多時受眾的反應不重要，最重要是事情得到抒發，我想很多女生都是一樣。有時我希望自己在這方面像男生，可以自己沉默地把東西承擔和消化。

慶幸自己愛好和平不好勇鬥恨，又嫌自己不夠勇敢進取。另一方面又承認又否定自己的軟弱，我實在很矛盾。

追尋真相

前排發生左一件事，就係我o係網上gather左一d資料寫o左篇文，篇文無寫明d資料出處，之後入面o既資料畀人challenge，令我有以下想法：

．被質疑好大程度係因為引用時，無好似大學寫論文咁著明出處，如果寫左，就可能係質疑個出處唔係質疑我；
．我亦有責任去求證，但無做到，呢個係我o既缺失；
．分分鐘以前雜誌寫稿都可能有錯 / 有noise，不過d人對住本雜誌講，冇畀我知道；
．網上好多「資料」不盡不實，事實上亦無人可以校對到呢d野，睇野時要時刻無持清醒。

頭先睇番自己個blog，發現有d點都需要更正下：

．有兩篇野寫d好大條魚唔知係咩魚，佢地其實係龍躉，我e家知道了；
．有篇影左張相寫住獅子山下，其實o個個山再左邊個山先係獅子山，相入面o個個，我估係飛鵝山，其實都唔知係咪……

暫時記得呢兩樣，有再補充。

發現鵝肝味bbq

尋日同emily去左佢介紹西灣河o既「自己友火鍋」度食野，d野真係非常新鮮好味，值得推介！



檯面上見到左起：肥牛、鵝腸、田雞、大蜆、雞脾菇、粟米，仲有腐竹、蘿蔔、肥鱔片，d蜆有d唔新鮮，其他都勁好味！~


好努力燒緊野食o既emily~（手機試拍）


估唔到用手機影都幾靚！


一邊打邊爐，一邊bbq，打打下又將d打邊爐料囉黎燒~燒烤達人教我地將鵝腸放係大蜆殼上面燒，d鵝腸肥膏燒溶後非常惹火！要不停睇住個火！鵝腸囉黎打邊爐就非常爽脆，燒起黎d鵝油就非常之香，好有鵝肝味！之後我將細細塊肥牛放入個蜆殼入面燒，連塊肥牛都變左鵝肝味肥牛！！超正！超肥！超好味呀！~

唔記得講，埋單係HK$420，一人都係二百蚊，都幾抵食喎~

朱古力換雪糕

之前諗左幾個月都諗唔到買咩手機，尋日行街見雪糕價錢吸引（HK$1,680）就買左，左揀右揀揀左蜜瓜味ice-cream！



識我都知我鬧LG機鬧到一文不值，問我買咩手機好我第一句就講「千祈唔好買LG」！因為之前買左部chocolate唔使兩個星期就壞左，之後忍左半年先囉去整，整完唔夠一個月又壞，再整，再整之後個game記唔倒分，無得玩game；加上介面低能，尤以用音頻電話時的低能指數最甚，所以一直都唔鍾意。但係佢有樣好，就係次次壞左囉去整都好方便（nikon維修中心：5分鐘到達；LG：15分鐘到達），每次壞左，24小時之內佢都會整番好然後call我囉番部機。

但係雪糕真係好靚，仲要係我好love的摺機，仲要機面有閃燈顯示，每次摺埋部機都見到個smiling face！如圖：


真係開心死！~另外，尋日仲換左輕鬆小熊，o係ok買HK$20加HK$38就換到~


我同慧蘭都換左！一人有一隻！:D

漫天雪

前幾日經過香港站同中環站交界，其中一段路落左個好澎湃o既廣告，真係好靚好靚好靚好靚好靚架~


當時正撞有拍友影相，又有途人用傻瓜機影相留念，因為實在太靚喇！


好閃！好靚！彩虹色！


※ ※ ※ ※ ※ ※ ※ ※ ※ ※ ※※※
※ ※※ ※※ ※ ※ ※ ※※ ※ ※※
※ ※ ※ ※ ※※ ※※ ※ ※ ※※ ※
※※ ※※ ※ ※ ※ ※ ※※ ※ ※※
※ ※ ※
※ ※
※

※


真係想自己都可以擁有一粒呀！※！

深夜睇 cooking mama 真人版 0_0

前幾日朋友介紹我睇蘋果動新聞《動專輯》入面的「私家廚房」，本來想o係公司睇 （:p）但係非常迷離地load唔到，今日又心血來潮想睇番，原來好搞鬼：


段「片頭」超似cooking mama，哈哈！


今日o個集係唐安麒教煮瘦身餐。基本上佢瘦身o既tips就係食齋同食瘦肉，然後加味精 -.- 佢話可以瘦6至8磅閒閒地架。

睇埋內容，真係90%似cooking mama個game！

超似！


超似！！


超似！！！

佢會首先用好簡單o既方法demo左個餸由頭到尾點煮（有個女仔vo），睇完之後，主持人會講番d tips補白番條片的不足（因為條片真係好簡單）。

d片日日都update，仲要日日唔同主持，教3餸一湯，其中個可以「番叮」帶飯做晏！真係服左佢！如果我係一個全職家庭主婦，諗唔到煮咩餸好，日日上去囉d靈感都幾好。

午後之綠茶

今日在家中純休息，想一邊聽電台節目一邊執拾一下自己的雜物，雖然雜物還是沒有盡頭地無法執拾得完，卻被我發現商業電台推出了新的網上直播軟件hong kong toolbar：



剛下載時不懂得用，齋聽「聽不停」這個台d old school歌聽了幾個鐘，聽到d歌loop返轉頭 -__-！

呢個toolbar採用p2p技術，賣點係唔會因為多人聽而戟住，可以不停咁聽，咁停掣o係原位繼續聽，唔使驚行開而skip左想聽o既內容。唔好處就係佢係一個toolbar，都叫佔左d位。總括黎講我覺得佢幾聰明，因為你安裝呢個toolbar就好方便，一開browser就可以著左佢，唔會無啦啦走去第二d台度聽，變相變左獨市；另一樣野就係佢依然係live，你一樣會被迫聽佢d廣告，唔會好似電視咁，畀人上網睇就影響左d廣告s！

之前又話覺得自己好少同屋企人一齊，但我依然都係留係屋企純hea，冇出到去飲茶-.-上個星期搞呢搞路，又xmas features，今個星期終於閒番少少，今日o既hea都唔算太奢侈吧。呢個星期要學一樣野就係尊重自己同尊重別人，好好思考問題同化解問題，唔好成日諗住所有問題可以有人幫自己解決，或者同d唔關事o既人講左就當係解決左件事。

同埋，好多人叫找做lasik（可能好多人唔想見到我戴眼鏡個樣！……），眼睛都係我長久以來top3 o既問題黎 >_<

投票結果：星相占卜

關於星相占卜的投票經已結束，這次的投票人次很少，但亦多謝大家支持：



就著這次polling的結果，版主有以下大膽總結：
．大家比較喜歡傳統的星相欄目
．有接近一半的投票者表示不相信，版主懷疑全是男生 :p

KTV 時間

黑色暴雨

傳聞中的「黑色暴雨」原來是這樣的，16比9高清版！

感情的儲蓄

人，很多時會感到進退失據……

這個星期我留在公司的時間特別多，但跟同事相處的時間反而少了。屈指一算，自己有兩天找了舊同事食飯，有兩天約了舊情人食飯…………餘下只有一天留在公司，比平時多工作的時候還要少。之所以想到這個，就是忽然想到自己的家人。

很小的時候，屋企人投放了很多心機在我身上，我記得小時候我是跟著外祖母長大的，媽媽好像花了很多時間帶著弟弟，我心裡又覺得爸爸寵妹妹多些，但他們不知為甚麼很怕我的書讀不好，於是只有我一個人需要不停地補習（上了補習社還不夠，後來還有私人補習的），現在回想起來可能他們覺得花在我身上的時間不夠多，心裡很怕我學壞。

近來我感到自己的時間很不夠用，回家就是想睡，醒來已是深夜，早上又要外出，好像很久沒有跟屋企人碰面……其實想到同事跟自己想到家人，兩件事是沒有直接關係的，只是忽發感興。認識我的人知道我跟弟妹是完全找不到對味的人，感覺超疏離，但是對於父母長輩，我想我對他們好，他們會是樂意接受的。

聚散無常。本應實在的感覺反而顯得疏離。希望明天醒來依然記得這天在腦海裡劃過的這件事情。

最後的初戀

尋日同準媽媽daisy去了看電影《最後的初戀》 (Nights in Rodanthe)，本來想問佢幾時得閒，但佢話佢隨時生得:p（其實預產期是christmas eve），所以打鐵襯熱尋晚就去左睇~



去左金鐘o既amc，本來係好近，但係套戲係7:55開始，無乜時間食野，於是去左pp入面o既triple o度吃，仲吃到過晒鐘，不過我話：「呢d老人o既愛情片d節奏應該好慢。」daisy話：「套戲介紹係中年人唔係老年人！」哈哈！笑死我！

（以下呢段如果未睇又有少少興趣想睇 / 租碟的話請skip）

我覺得套戲都okay好睇，一個係唔完美o既環境入面一個完美而浪漫o既愛情故事。不過現實中當然不會咁完美，所以個結局……

daisy媽媽話小朋友大個小小o既時候想專心湊小朋友，因為記得自己細個o既時候成日都好想同爸爸媽媽一齊。我聽o左佢咁講真係好感動。一來係因為佢咁為小朋友設想，二來係覺得自己咁大個人，已經忘記左自己細個時o既想法，一時間覺得特別感觸！

我都覺得有爸爸媽媽專心教養o既小朋友，一定會比其他小朋友乖同埋開心d！daisy同baby真係好幸福 :)

投票結果：小玩偶

關於3個小玩偶的投票經已結束，謝謝朋友們支持這次投票，這項投票似乎比起知道「幾乎沒有人會排咭片」帶來更多的啟發：


近日乘著「5週年慶生」而人氣急升的鬆弛熊僅以一票勝出。這個背面拉緊拉鏈，傳聞內裡藏著一個OL的玩偶，似乎也是我的寫照。很多的時候，當生活窘迫，或者感到無助的時候，小玩偶兒就是我的傾訴對象。

這個對象，到底是與我同是OL（有些人覺得我不是……）的鬆弛熊、嘴巴打上交叉不會說話的miffy，抑或是可愛了30幾年的monchhichi，其實並不重要。

微笑的月亮

收到泰國朋友Next傳來的月亮圖片，是他親自拍的。我昨天在街上蹓，但沒有看到月亮，所以收到朋友傳來的月亮也特別高興。




願大家也能托月亮的福，得到平安、健康和快樂！

做好最多的事情

最常想到的事，就是想到近來生活的轉變，然後想想如何可以做得更好。當中一個很難克服的困難是tasks的數量問題。以前兩個星期有5-10個tasks，目標就是在死線之前好好跟進，完成工作，現在往往一天已經有5件事要完成。由於以我自己的習慣，每做一件事都要好長的時間熱身，如是者就浪費了很多寶貴的時間。自問工作的質量都不錯，如果因為以上的問題而令工作美中不足，實在太可惜了點。


星期日去了旺角「石磨坊」，Benson推介總店才最有水準。我點了招牌的奶皇燉蛋白，加入奶皇後令蛋白更香更有蛋味，值得一試。


Yokki點了這條冰柱（唔知咩名），d冰d果汁好香，個底除左果肉仲有涼粉，不過咪睇佢對於碟野個樣咁開心，食完凍到「雪雪聲」，唔建議大家冬天仿傚呢位女士o既做法~