懺悔文

我覺得我做野都算快手，但係容易分心程度係正常人二倍以上。

其實咁我都可以存在世上的，但係就少左好多人生樂趣。

不過現階段的我，瞓覺係非常重要。

晚安。

錢作怪

當老公一日到黑話要賺$的時候，我也一日到黑發窮惡，跟住家裡好多事情令我看不過眼。本來心入面已經唔舒服，當我臨瞓想煲兩隻蛋食時，發現蛋架入面有幾隻裂了的蛋，阿媽都唔捨得掉。。。。

其實我都無能力令阿媽對生活安心，仲食緊佢住嘅飯。講到尾唔係乾塘所以熬底，而係對未來無信心所以恐懼。

開心過日子真係唔易。

【fb 貼文】金山阿伯客串楂的士

今朝我晏左起身返工，諗住等過海的啦，點知個的士站半架的士都無（平時起碼有三架），正當我灰到爆之際，大路上突然有個的士阿伯向我揮手，於是我就上左佢車。上車我話要去壹傳媒大樓，佢話唔識，我都無為意，因為 d 司機通常都話唔識去，咁我話好啦去到我點你，講多兩句佢就講維基，入左東隧，到出隧道佢就轉話題，表明自己金山阿伯身份，佢話佢移左民加拿大，得閒返下香港，咁啱佢兩架的士司機去左泰國旅行，佢唔抵得架車停係度無人楂所以楂出來兜下，仲不只一次強調自己好耐無去過將軍澳，此時我有少少懷疑佢有機會唔識路，但一陣之後佢就上左將軍澳公路，之後條路就直去，咁我就知無機會行錯路了。

此時阿伯囉左一本相簿出來，係佢加國生活私相簿，佢話自己 96 97 時用百幾萬港紙買左間 house，有兩三層有前後花園o個d，我話係咪村屋咁，佢話靚好多，我又話咁係咪山頂 d 豪宅咁，佢話梗係靚過 d 豪宅。之後睇到佢相簿有一對仔女同埋佢同個孫的生活照，佢又認叻話：「呢個我內孫黎，佢好得意好叻仔架。」我心諗個個都話 d bb 都叻到曉飛架啦，又話最近帶左孫仔去唔知邊度旅行（我港女唔識），跟住講下講下佢有少少失落，佢話：「不過個邊好悶架，無乜朋友，可能 d 人要搵食啦，就算去唐人街，d 老闆都要自己落手落腳做野，無人得閒同我傾閒偈囉。」

此時架車開始駛到去邵氏片場，佢話呢度係咪電視城，我話唔係 tvb 黎架，邵氏片場啊，跟住佢見到片場個 logo 就認得。跟住架車去到日出康城，佢好似發現新大陸咁：「嘩呢個屋苑好大！以前都唔見有既！」我話呢度好近堆填區架，麻麻地，補多句：你一陣打開度門三秒就聞到。

跟住過左一陣就到左目的地了。呢個唔識路的士司機都幾勁，行過 d 路講到前所未見咁，結果都無行錯路。落車時我話祝你生活愉快，佢可能覺得我咁好傾，回返我一句，話祝我未來生活俾佢更好。知後我就落車了。

金山阿伯都幾 proud of 佢自己o既生活，可能當佢係屋企悶到發霉個一刻，都有懷疑過自己係咪移錯民。不過睇到香港依家咁，佢心入面都應該慶幸自己執返身采啦。

有些人應該不相往還

前天不知是下晝還是夜晚做了個夢，夢入面一個我不想見到的人打電話來問候，寒喧了幾句才發現是誰（因為夢通常警覺性低），然後匆匆掛線。

其實我是一個很有同理心的人，就算我唔鍾意一個人，都會覺得大家是站在不同立場做自己認為啱的事，很難真心討厭一個人，如果我真心覺得一個人乞人憎（不是因為驚或者逃避），那就應該跟隨自己的感覺去吧。因為人生不能盡如人意的事太多太多了，為何在一些小事上面為難自己？

如果這個人看到，希望他識趣，不要再訂閱了，瀟灑地華麗轉身吧。

留文字

近來比較忙加上用手機比較多所以好少上網打字寫 blog，近況就唔使講喇，一個字「累」，希望我快 d 適應我新工業區 OL 生涯啦！

閱讀報告: 傷悲桑比

個多月前朋友K借我這本王貽興的新書，經過閒時在晚間讀一點，加上坐車也讀一點，昨天把它看完。

朋友說好久沒看小說，這本王氏的小說寫得比她預期好好多，因此向我推薦。或許是朋友的評價令我有較高期望，看畢比書後並沒給我很大的驚喜。不過這書充分揉合流行文化，以及王氏時而揮灑文筆丶時而像百科全書般如數家珍，也令我覺得賞心悅目。

總評：7/10

優：流行文化丶話題性丶故事鋪排丶作者個人魅力

缺：個人不特別這故事類型（魔幻？）丶男性角度（極宅＆毒）丶奇情但不感動

推薦給王粉＆愛看小說但怕太 heavy ＆鍾意 contemporary pop culture 的人們～

Before Sunrise

 今日同朋友分享了 "Before Sunrise" （1995）呢套聽聞已久的經典電影。相隔九年又拍了一套 "Before Sunset"，而又九年後今年又拍了一部 "Before Midnite" 。故事講一對男女在火車相遇後浪漫同遊維也納半天的故事，成套戲由兩個人傾偈傾偈傾偈串連而成。因此故事途中聽著他們不著邊際的漫談我們開始失去專注每一句對白的意欲……更懷疑這套電影過譽。

不過後來又反思其實我們覺得悶，是因為我們早已知道這套戲會原班人馬拍第二、第三集，而當年故事內外所有人都不知道這對剎那戀人是否有機會再次相遇，戲入面最觸動人心的節眼已經揭穿，當然無癮。

其實在每一次旅程之中，當期盼著一切未知的事情會如何發生，那一刻會是最美麗的，因此就算戲入面那對戀人終生不遇，已經相當浪漫。不過有了第二、第三集也有它的好，起碼圓滿了每個人心底的願望，夢想成真啊。

又係淘寶 夜光星星效果

熄燈變藍色，靚到暈！但係會連牆油成塊撕出來，慎貼。

懷舊黑膠

前日在淘寶買了一部簡單的黑膠唱機，今日下午終於到貨，小小輕巧一盒裡，除了基本組件還送了一張用來試聽的唱片。起初不知如何接駁，後來在淘寶客服指導下，於家中找到一條紅白頭輸出，黑色單頭輸入喇叭缐，接上後成功播放，雖然封晒塵的陳年唱片沙沙作響，但效果已夠令人興奮。

不過朋友W就提醒如此便宜的唱機(rmb 190 郵費 20) ，唱針可能質量差易刮花唱片，不過唱片擱著白擱著，用唱機播播音樂也是情趣，也懷念一下愛聽音樂有公子習氣的爸爸 :)

牛皮紙包，入面一層發泡膠

部件和贈品

播放父親大人的陳年唱片

賣鈕

前排同個 fd 傾偈佢話佢做生意係賣鈕，記得小時候媽媽成日車衫，好多衫特別係女裝恤衫或連身裙，D鈕造功都好仔細，甚至有花紋。  

今時今日我地買嘅衫好平，好多鈕都係單色塑料製造。不過佢話一D鈕會用特別物料，例如貝殼丶木料製造。不過佢話一種相對較貴嘅鈕就係用一種好特別嘅物料 : 尿素製造，成本要幾蚊一粒，係D高檔 fashion brand 先會用喎。

咁啱身上有粒貝殼鈕就諗起記低呢件事喇！

試玩黑膠唱機

前排在深水步見到好多黑膠唱片，30蚊一隻唔算好貴，有諗過買部唱機播下，但見 d 唱機唔知 work 唔 work，前幾日心血來潮上淘寶買左部黑膠（約港幣 270）今日或者聽日應該會到貨，到時試播再分享下效果！

高木直子新書

上星期四行過灣仔三聯書店，見到高木直子出左新書，雖然 $90 有少少貴（台幣 240 / 260），但係都忍唔住買左黎睇。

好鍾意睇高木直子的書，佢又鍾意一個人去旅行、跑馬拉松，原來細個又有養隻狗狗，都係我自己好鍾意的題目。呢本書入面隻狗狗仲要同我屋企個隻一樣係哥基（不過佢隻狗有少少混種）

上幾個月睇左佢回憶小時候既「30 分媽媽」都好好睇，佢有一個姐姐一個弟弟，又係同我一樣屋企一樣兩個姐姐一個弟弟呢！

兜近來心情很好，但好像變回小朋友，無憂無慮，失去工作的動力。而我好像也是這樣。

人生有時需要假期讓自己透透氣，看看風景。但每個人都需要肩負一些信念和責任，希望假期之後，我們都可以俾心機重新出發 :)

悠閒週末

星期六一大早去超巿買了粟米，然後用粟米水沖咖啡，非常健康！

否極泰來

今年發生好多事，未必可以用「黑仔」兩個字形容得到……如果要用一個「迷信」角度分析，可能係 1221 之後，地球的磁場有所改變，所以所有的事情不停在變……

前陣子好想借勢休息一下，但如果我可以找到一份新工作，應該爭取機會？說白我真的沒有爭取過，而且個市開始差也是事實，也不應該太消極。而因為太多事情同一時間發生，也沒有「積極」的力量……

究竟能否否極泰來雨過天晴，還是要看自己的造化。人是很難改變自己的性格，但是要用正面的情緒面對。不過我信今年春天在蒲台島求過一支上簽，是我的 luck，不是一個 joke。

感謝給我正能量的人，也希望自己也能夠用正能量影響身邊的人。




唔知幾時可以再見到棉花... 

淘寶買到的牆壁貼紙 ／ 貼膜

前陣子在淘寶買了一堆貼紙，小的大約5元，大的大約10元，個多月下來終於拿出來貼，效果也頗滿意，貼出來和大家分享一下吧！

這張小的

對著樣本隨意貼，很難抄足十成

用來遮住牆上的瑕疵，接著貼另一面牆

我選素色 pattern , 感覺耐看丶簡約尐

另一面牆貼了大的，透明磨砂材質

雖然貼時因手忙腳亂令貼膜中間有少許氣泡，但感覺比想像中易貼，效果最贊！

番到屋企就唸唔到做乜好，一片混亂...

晚晚揀相寫稿做到眼都矇。今日乘機休息一下，和朋友聊聊天，做做運動，回家後更有力量工作。

現在眼睛又矇矇一片，不勉強把工作完成了，養養眼明天一鼓作氣把事情做好，然後開開心心去放假吧！

加油！

好耐無行山，今日一次過行山、睇戲，仲食埋一風堂，非常滿足。

如果唔使OT個幾日要做多D運動先得！

細佬令人好激氣，點解一個你認識咗好幾年，suppose係你屋企人o既人，你一d都摸唔清？你究竟有無用心對待別人？你是否懂得如何善待自己？

生活令人好勞累，好多事要處理但處理不善，今個星期要交 20，目前完成度係零……

好多野got to do但未做，要努力！

蟹黄油

前排外子去咗泰州做野買咗2樽蟹黄油返黎。半樽蟹黄半樽蟹肉真係好吸引，今日宅到冇朋友的我整了丁麵食，順便落了3匙蟹肉。由於落咗味粉，蟹黄油味一D都唔突出，下次應該唔落味粉乾撈或者裝飯前放在碗低撈勻，應該會好食D。

放足半年唔使入雪櫃，可能落了好多防腐劑。。。

D蟹油溶哂落湯度。

平均一個星期交十版稿，仲多野做過以前，真係唔知為乜，聽日都係對自己好d 唔好番工……

返到屋企又變番一個宅女...

兌換泰銖 本地 vs 當地

剛剛去了泰國旅行回家。事前因為怕無錢用所以在香港兌了 4000 泰銖，匯率大概是 3.9（即是用了一千蚊多少少），之後到了曼谷就去銀行的找換 counter 換，人仔換泰銖兌換率是 4.62，似乎在香港兌時抵好多（港紙兌人仔大約 1.27），之後到星期日因為銀行閂門，就在 ATM 用大陸信用卡襟泰銖，襟一次收 50 泰銖手續費，兌換率有 5.0……

原來用 ATM 襟錢係最抵的！可能好多人都知，不過我依家先知囉……

機場換都唔係好抵，不過換住少少用都 okay 的（半夜三更攝於 don muang 機場）

香港郵政和中國海關回覆

因為急件 EMS 被廣州海關扣查，所以星期五晚分別 email 去香港郵政和廣州海關查詢，星期六早上和星期一早上分別收到2方面回覆，2邊都是正苦部門，都覆得好快，分別在於香港郵政五天半工作，中國海關係五天工作。。。

我分別去了香港郵政丶廣州海關和中國郵政網站追蹤郵件，香港郵政網站自從郵件被海關抽查就音訊全無，之後打電話俾香港郵政知道郵件在廣州，再自己去廣州海關網站看到郵件被扣一日已放行，之後問香港郵政，佢地話入左大陸就係中國郵政派件，於是再去中國郵政網站追蹤郵件，先知道個郵件星期六已簽收。

基本上自從郵件顯示去左海關之後香港郵政個網就無消息，我唔打電話問都唔知佢坐飛機去左廣州唔係深圳。郵件七月二日星期二中午十二點幾寄，如果無俾海關抽查七月三日早上已收到，結果七月六日星期六早上收到，而由於國內公司周休二日，文件今日才排隊辦理。好在周六唔辦公都有人收件，唔係我真係激到人都癲！

香港郵政明明係快遞EMS，件文件入左大陸就不聞不問。中國海關抽中批貨雖然查左一日就放行，但係佢為左捉水貨喪抽急件來檢查都令人好不滿！中國郵政將海關3號放行的急件5號先去收6號先去派都係好過份！

件事雖然失控但仍有補救餘地，都應該感恩，希望經過呢翻波折比後一切順利啦！

廣州海關扣查郵件

2號中午寄了一份急件，3號發現被廣州海關扣查（目的地在廣州），今天登入廣州海關網頁發現郵件已放行……但是香港特快專遞顯示郵件仍被海關檢查中……之後是周六、周日假期，如果星期一沒法寄到目的地我的文件就來不及辦理了。

後來我發現海關抽查是因為很多人買包包、電子產品等貴東西但走稅沒報關，所以海關打開檢查……對於我這沒逃稅的郵件實在是太無辜了。

去任何國家都要簽證而且過程複雜，郵寄急件被海關扣一星期沒被贖回。我對於中國國情非常絕望。欲哭已無淚，來生不要做中國人了。

淘寶、淘轉

近來用淘轉入錢用淘寶買野，比起去七十一買支付寶點數係划算好多。一次入六七百蚊人仔好快就用晒。淘轉有 facebook fan page add 咗每日都會 update 兌換率，但就無特別理到，反正日日都差不多 1.27 或者 1.28，對我黎講分別不大。

另外用香港快遞速遞文件去廣州，原來 send 一份文件要過百蚊，真係好鬼肉痛！件文件在中國海關放咗差不多兩日都去唔到目的地，如果因為咁令到遲到真係會激死我！！！不過依家嬲都無用 nothing can be done。

尋日一日寫了四版稿，其中有一半要重寫。我真係做網太耐了，寫唔到多過一個重點o既文，語癌病入高肓。

一大堆未處理o既事，唉。

廣東人講廣東話

今日同上司聊到廣東話同普通話話題，佢話阿仔上中文堂用普通話，通識堂先講廣東話。

明明廣東話比普通話更接近古音，點解要用普通話學中文？

唯有唸為左小朋友學好兩文三語大個搵份好工，一切迫不得已。

當年自己可以用廣東話學中文，都算係一種幸運。

人禍

離家五天後發現我收藏了好幾年的文件和旅遊紀念品被狗尿徹底浸濕，被迫丟棄，此刻心情非粗口能形容。。。

好想掉晒D野，自己掉，起碼心甘命抵。

壞消息

今日收到個壞消息，點知有人唔開心過我囉……

唉好多野同時進行中，遲 d 先算……

焦慮

每一次去旅行我都好驚自己搵唔到間酒店，雖然呢件事從來無發生過……

同埋，錢解決到o既問題唔係問題。

宜戒飛卜

最近營營役役後發現我做了的事情好像不多，究竟我的時間都花在哪了？如何工作起來省時省事又得到體面的效果。

方法其一，戒飛卜吧。

換了新 template 感覺很不熟悉，想寫 blog 和睇 comments、睇朋友 blogs 的意欲大減，不過好像很累不想特意去換回舊的，就讓它多待一段時間。

今日生日竟然在公司工作到十點才下班，不過我是開心的~

回帶：少女日記

一段未開始的愛情都可以拍成套戲，放諸今時今日係不可能啦

日日都強烈灌注負能量，日日都硬食……本來唸住卸咁 d 點知失敗...

要求別人先要求自己，聽日唔落雨去跑步啦，日日咁食法都好唔聚財，我又唔想就住食。

今日心情

生氣 x 2

失望 x 1

唔開心最好去跑步啦。

近幾天無論公事私事都有點懶散，太多事情同時發生了。有點迷茫，不過我仍然是幸福和幸運的，希望身邊的人都得到平安和健康。

晚安。

凌晨點幾兩點搭巴士畀坐隔離六丶七十歲阿伯搭訕。依家幾點？咁夜放工？

好在剛到站落車，but still so sad.......... 

希望我們快快好起來，健康、幸福、平安。

一個人只要好好照顧自己，已經可以對得住屋企人同朋友。

其實我都有好多事要做，首先要處理好自己的事，調適情緒，保重身體。。。然後先可以為錢好好努力。

-_-

人生路漫漫，沒有人可以由頭到尾陪我走到最後，唯有是做好自己，珍惜每一天。保持開心和身體健康。

弟弟的朋友對他很體貼，有點似照顧女朋友，好 gay，哈哈。

希望屋企人身體健康。

淘寶惡人賣家中評都要發脾氣

前陣子在淘寶一時興起買了兩件衣服，買了一天後就感到相當後悔，因為他賣給我是九十多元，而我在另一家店看到五十元，而且那家他傳給我的圖片都是從五十幾元那家店偷過來的！！！收貨後因為買貴了顏色也太淡了就給了一個中評。誰知他說中差評不做我生意！

是我不會買他東西他不老實，我也不怕他不賣東西給我。（完）

阿叔英文嘈交

今日寄信大排長龍，有個阿叔心唸有2條隊(應該係佢唔想排自己唸出黎)，問左其中一個阿叔唔知乜，個阿叔應該串串貢叫佢排後面，佢當堂火都黎大叫 u r very impolite !

周圍D師奶見佢咁燥仲要講英文，一齊喪笑，真係勁搞笑！無啦啦畀人用英文問候的阿叔對住空氣講 give me a break!

兩個都太好笑喇！

母親節

妹妹和妹夫一早去搵位飲茶，已經太耐無同屋企人飲茶了，我和媽媽說，爸爸也很想吃。

第一個沒有爸爸的母親節... 

屋企充滿動物與植物，一到夏天，燈滅了就好易被蚊咬，要去超市睇下有無蚊機賣先得。。。

已經不是第一次因為看淘寶而看了一整晚，快天亮了……

由於香港地區一定要到付，所以要先和賣家說扣運費；另一件貨因為問了問題也得等賣家答（不然顯得我太想買，哈哈！）

結果是快天亮了還沒有買到任何一件東西。可能明天想想就一件都沒有買到……

時間又這樣浪費掉了。這也不是最差，最怕失去健康。

娜古拉美容修身堂發出律師信

娜古拉美容修身堂發出律師信予 she.com ，當中提及這個 blog 的一個 post ，我也不知道這個 blog 和 she.com 有何關係。不過可能驚動了 she.com 的老闆和員工，深表抱歉。

我的日記

今日有件事令我好唔開心，返工做野都慢咗，到十點幾先放到工。我平時寫 blog 好少特登講畀人知，都係些返工有空檔的朋友得閒黎睇下，除咗心情之外都有一d 分享，例如買 wacom 筆、買路由器、配眼鏡、整牙、睇韓寒書、speed dating、見有緣人、去工聯會食蛇等，全部都是陳述事件經過和感想，並不是一些評論批判的文章（我也不是那方面的專家）。我也知道因為 google.com 買了 blogger.com ，所以我的文在 google rank 得比較高，關於這方面我實在沒有喜惡的，如果我的文章遇到同道中人當然開心，但我也不想識我但和我不熟但又想八卦的人看到我的心路歷程。

我記得我寫這個 blog 中間遇到最大的麻煩，是我看過一本書，那空姐說有同事向某藝人索取簽名，那藝人簽了，最後卻背地裡投訴空姐，令那空姐非常傷心。這傳聞在空氣間相傳已久，大家亦知道傳聞中所指的是某短髮人妻女藝人。當時我就把傳聞當真事說出來，但因為我是從事傳媒工作的緣故，有女藝人的加拿大 fans 與我爭論了很久，想我告訴他我說的不是真的要我認錯。以我的認知這其實不是工業用的 blog ，擺到明是瞎寫我當然也沒有認錯，不過我也忘了最後有沒有怕煩把那 post 刪了。

其實我寫這 blog 主要是寫畀自己和有相同興趣的人睇，和我的工作是沒有關係的，我也沒有在 blog 內說我今日做了 xxx 訪問回來，甚麼品牌請我去酒店食了餐勁，乜野洗面膏好用……這裡說的都是離開公司大門口以後發生的事，或思緒。

Anyway 我今日把自己不開心的事說出來，得到很多朋友的關心，我感到非常欣慰。或者到最後我怕麻煩會把那惹來麻煩的 blog 刪掉，那容後說。

回想幾年前因為 Polyvision 某視光師幫我配近視眼鏡度數太足，我去消委會投訴全數退款了，很爽快，我把整個過程巨細無遺的說出來，因為對於一個千幾度近視視力突然急速下降的人來說這是一件天大的事情，在當時可能感到能看東西和返工比生命還重要。回想起來，我將 Polyvision 索償事件寫出來時，但篇文章在 google 也 rank 得很高──如果跟今日遇 到的事比較起來，Polyvision 真是一間光明正大的公司，如果用擬人法，我應該說：它很 man，非詐騙匪類所能比擬。

睇 facebook 實在太浪費時間，時間用在甚麼地方都好，少睇 facebook。

上網也有得著但是浪費時間的多

I am so depressed with tones of works and worked till 10pm plus for two days already,  I feel even more depress today hope that everything will be fine after tomorrow.

Even though very dislike I have to face that............. shit.

榮登關鍵字搜尋 rank 1，係因為 google 買咗 blogger.com ？anyway 希望少 d 人畀人呃錢，d 錢囉黎買生果食好過啦！（笑）

偉人

昨天一個舊同事說，老闆不認同他的工作，甚至認為一個沒有學位，初出茅蘆的小朋友也可以代替他，然後他下了個很悲壯的註腳。。。

很多偉人死了，世人才明白他存在的貢獻。

有一天我"死了＂，也會有人懷念我嗎？

今日有一件糾結了一年的事最終沒有完成，似乎令我有點失望，這也令我失去了 "未來的工作機會"。

現在專注去做一大堆未完成的事吧！吾以往之不諫，知來者之可追。

很多時候，金錢才是萬惡……

毒戰（無劇透）

今日睇了毒戰，除了見到杜 sir 一班御用班底，基本上感覺是看著一齣中國電影。劇情我覺得還可以，可是最令人感到不安的，不是那種「毒品有害」，「邪不能勝正」的電影中心思想，而是片裡面出現的城市名「津海」（天津 +上海？）、「粵江」（廣州 + 珠海？），裡面的香港、鄂州是真實存在的城市。套戲已經要正氣，女士角又一定是內地的了，我不明白為何一個故事背景地點為甚麼都要是虛疑的？！在中國拍一齣有血肉的電影不容易，可能導演已盡了最大的努力？！

今日談及工作狀況又開始沮喪起來。我記得大約一年多前訪問過一位女士，問她生活之導，她答得很「實用性」但又很真實。她說平日生活要三隻腳平衡，工作、家庭、興趣，如果三樣都分佈得很不均，生活會很愜意，如果只偏重其中一方，到有起事黎會好慘的。

這說話我銘記於心，亦可能在以前也 quote 過了。後來朋友（被訪者下屬）告訴我，老闆說得如此理性，可能她很多方面感到壓力、不快樂，所以才需要如此著力找個平衡點。事實如何我當然不會知道。

這幾天我又收到故作關心我的留言，真的只有感到討厭。其實除了對家人的愛之外，說白了在世界上不會無咗邊個會死的，對於情人又好，朋友又好，需要努力維繫感情。世上其實沒有一個人和自己好夾，好投緣、條件好好，perfect match……。又，其實我喜歡誰，和誰交往，除了恁憑自己的感覺之外，就是大家互相尊重維持關係。如果那個人變成 no body了，他就甚麼都不是了。

今日久久沒聊的 K 聽我分享了一些生活瑣事，其實是他聽我呻的，說完了感覺好多了，但甚麼都沒有做。無論如何，今天留待明天，明天仍要好好努力，為了自己相信的生活而努力。

【悲劇，被傳銷】娜古拉美容修身堂（雅蘭中心） - 微信擷圖（此店已改名 Pretty Renew）

我今日真係嬲，不過已經無力回顧了，如果有興趣知詳情可 pm……

在微信認識了 N （應該是在其他平台如 SKOUT 或 TAGGED 識的，不肯定，反正換了真人頭像忽然彈出來，本來約了上一個星期見，但沒空，延到本星期……

當晚沒有接他電話……

之前o個晚三點先瞓仲夜過我

其實我每日真心唔知自己幾點放工的……

那日頂同事做 cover 訪問，問完全村人已食緊外賣，我又無特登叫番飯食（個個影緊野自己食飯好怪），結果我真係無食到飯............

放工真係累，同埋既然約了翌日三點就唔好講咁多無謂野啦，不過也立即講了三分鐘電話 confirm 翌日三點

 佢講野太快好似背稿咁，其實呢個位應該要心知不妙，但已去咗瞓覺

四點幾o個d 已熄機瞓覺睇唔到了，第朝起身「立」過眼，skip 晒最要的內容……

 重要內容都 skip 了，有睇到「生果肌」，我以為我唔熟九龍佢幫我唸埋食乜，細節才是重點……

重點 again……

（註）操得勁密：佢自稱係全職自由摶擊運動員（正苦工）

難忘生日……

.

話坐搭 mtr 問我係咪 traffic jam .... 

後尾唸佢以搵位為名避咗畀錢個位，但佢有畀番自己份錢，點的野好騎呢。五號餐奶醬多飛邊多奶，隻蛋要煎蛋（可揀炒蛋），奶茶多奶……佢話佢好鍾意奶

食完野佢一邊講笑一邊由朗豪帶咗我去雅蘭中心，去到十七樓的娜古拉美容修身堂，去到我見咁多女 sales 我就即時問幾多錢，個 sales 話要睇下你揀咩 facial（價錢都講唔出勁恐怖！）跟住我即刻話我唔做，叫佢自己做我落樓下等佢。跟住佢可能知我有料到，就話佢卜了兩位，我做只要百幾蚊試做，如果我唔做美容院會扣佢一次三個鐘，一次要千幾蚊（其實我唔係好明佢講乜。我同佢講我畀番錢佢都唔會做，因為我無唸過做 facial ，心裡亦唸不知o個d facial 會否做壞人塊面），最後我大聲重呻我不會做 facial。

佢就畀我自行推門離開。去到門口時他發難話我係咪精神有問題咁大聲講野，嚇親入面的女仔（sales）同埋令佢無面……佢咁講我即時不由自主冷笑了一下。佢看到我的勝利表情就冒火地吐出一句：唔怪得你咁大年紀都嫁唔出。

跟住我竟然和他一起落樓。他在笠內鬧到出笠然後用飛快的腳步離開我視線範圍。我望住佢的身影飄走，感到自己身上微震，因為真的很 shock，定神之後我問眼前的實蕉我剛才去了哪一層，他說不知道，並指示我看了這個水牌。

在網上找這間店，找到一個 facebook 的 location，有 9 個 likes，全男，張 profile pic 都靚仔（不過無約我o個個）：https://www.facebook.com/pages/%E5%A8%9C%E5%8F%A4%E6%8B%89%E7%BE%8E%E5%AE%B9%E4%BF%AE%E8%BA%AB%E5%A0%82/150194841716440

伸延閱讀，有人買了 6500 十次的 package，六百五一次做 facial 真的很貴，而且是用水果做，如果用來買水果真係可以食死你：http://www.uwants.com/viewthread.php?tid=15741555&page=1#pid203139812

亦找到一些資料呢間野 2011 年已畀人熱烈討論話佢傳銷，但傳銷在香港不犯法，好難告得入。相信入得黎的人本身可能已中招，畢竟好似我咁一蚊都無跌出來的人應該不會多。

佢畀的真是演技，等我以為佢好 nice 好熱情，如果不計他的演技差我無入戲，其實他做的事都幾陰質，可能會呃到人的真感情。佢臨走鬧我時，雖然著晒火，都無出過一句粗口，證明佢阿媽都畀咗好多心機教佢的。但是佢聲稱佢阿媽同家姐都入咗會五六年，一路都有做 facial，如果係咁，呢d 阿媽都真係幫唔落喇。講衰d 咁搞d 女仔仲衰過做鴨，只會畀人睇唔起。唉，唔好做埋咁多陰質野喇阿仔，回頭是岸啊。

20140330：傳聞此店已改名 rennex rebuild，特此更新。

早睡早起，順應天命.......

好多日無寫 blog 了，也寫一篇記低近況。

四月份 J 雜誌的「手機程式」欄目多得中同 K 先生引薦筆者訪問其新老闆 A 小姐得以順利完成，K 先生到新公司工作，說他新公司裡，高層們都很早開工準時收工，因為家裡老公（婆）仔女等著他們呢……







那麼我還是向這常態屈服吧，早睡早起，把事情堆到早上做好了。

我只是地球上一個微小的生物，逆天而行，不會有好下場的……

小巴乘客火起來

今日坐20小巴回家，到太湖海鮮城附近有人叫落車，那司機比平時開得快，開到西灣河地鐵對面停車。個乘客話一早嗌落車唔停畀我，司機話你邊有一早嗌你掛住講電話我開到四五十米點停。個乘客落了車深深不忿截返架車，個司機又開門，於是二人狂鬧，個司機話，你想點啊報警啊我。。。。

過一陣有2個人決定落車，於是全車人都落。

有一刻我想坐係車度等佢地鬧完再開車，結果我都係跟隊離開。。。。。。

安裝路由器

前幾天外遊，回家發現不能上網。找十年前幫我家鋪缐的f 求救，發現路由器壞了。它跟弟弟房間的芒一起壞，真倒霉。

今日芒修理好，我趁去灣仔出席發佈會到腦場買個新的路由器。之前的 Buffalo 單天缐只弟弟房間接收良好，我的房間訊號弱，常常看不到視頻，於是想既然壞了，索性換個雙天缐的。f 建議最好買d link 或linksys 的，好像會比較耐用(原本的應該用了一年多）。

由於是偷空買野無時間格價，匆匆在上次買Wacom 筆那間鋪買了圖中這款d link 三天缐的，店員收我$370。我記得上次買的Buffalo 是$190 左右。

回到家中，由於駁錯插頭，花了好些時間駁芒，而我未試過組裝路由器，過程卻非常順利，不用懷疑也沒有問人，按說明書十分鐘就裝完了。

以後在家中可以安心上網，生活質素得以提升，哈哈哈！！！弟弟回家看到壞的東西全弄好了必須要很開心吧！

唔見電話

試過一次唔見iPhone, 由於一部電話賣二丶三千，在咁 tempting 的誘惑下，心入面的鬼輕易戰勝道德，部電話當然搵唔番。

今日試裝了 Find My iPhone , apple 自家提供的免費程式，用iTune account 再 reg iCloud account 再 enable 個 app 就用得。

免費 App 當然美中不足。開了 GPS 後首先定位我在海中心，後來定位修正了，但與我實際位置有大約 500 米的距離，只可以用來追蹤老公／男友／阿仔的行蹤，沒有防盜作用。

當愛已成往事

有一天在車上聽到這首歌，我問 w 這歌甚麼歌名？（如題）

這歌我應該聽過好多次了，也沒有留意歌詞，更加從來不知道歌名。

「人生已經太匆匆，我好害怕總是淚眼矇矓。忘了我就沒有痛，將往事留在風中。」



因為我人比較眼淺，那天忽然聽到「我總害怕……」眼睛就模糊了。不過現在再聽一偏又沒有這種感覺。



如果被這歌觸動流淚，那一刻似乎帶點感傷。然後聽到歌詞所說，又覺得眼淚不應該流下來。幸好那只是一刻的共鳴，不是歌詞反映現實，那也不致於真正感到哀傷。

我想很多人曾經把歌詞當成是歌者留給我們的說話，結果還是忍不住哭了。

儂儂再見

昨天晚上我喜歡的狗狗被汽車輾死了。聽說牠連叫都沒叫就斷了氣，算是沒有痛苦地離開。想到和牠一起的時光很短，牠也可能不怎麼認得我，但狗狗帶給我的回憶都在心裡，不會忘記的。狗狗幾個月的生命算是沒有過過甚麼苦日子，希望牠在另一個世界快樂地生活著，我會把你給我的開心快樂，作為生活的正能量。

儂儂，開心走吧。

Photo generate by Otaku Camera