Thursday, July 31, 2008

不在線的生活

由於前幾天眼睛看到東西非常模糊,我試著減少上網的時間。看書、護膚、塗指甲油……做些比較不費神的事。不在線的生活有時感到孤獨,但也是迫不得已的。其實我常常上網,把所有的事都在這裡說出來了,沒有了不在線生活,其實也不好。

很多事情,也是知易行難的。近來下班後也有一些空閒時間,和朋友聚會或獨處的時候,也有思考一些事情。有時,我非常努力地讓自己做好一點,最後卻可能吃力不討好,只因經常都是「掛萬漏一」,而那錯漏又很可能是最最重要的事情。

Tuesday, July 29, 2008

眼睛放假了

今天我的眼睛放假了,不再戴con。由於尋日真係好嬲,今日去了別的地方驗眼。早上去了合和的polyvision驗眼,驗眼費是HK$400。

視光師為我作了一連串的檢查,最後發現我的「散光」比眼鏡度數多出150度,由於相差太遠,要改天再驗,以確定真正需要的眼睛度數。

驗眼過程之中,視光師為我拍下了眼底的情況。a是我的眼底的照片,因為近視深,視網膜非常透光,眼後與神經線掊合的「孔」也較大。而視光師告訴我B圖就是一隻健康的眼睛。


我不知道B圖的眼睛是甚麼年紀、甚麼性別、甚麼國藉人士的健康眼睛,也不知道為何我的眼跟這隻眼跟我的眼會相差這麼遠……

由於做了放大瞳孔的檢查,令本來漠糊的視力更加漠糊,到了差不多放工的時候才好起來。幸好我還努力地寫好了兩篇稿。

這件事令我最困難的,是我覺得自己戴眼鏡的樣子非常難看,所以才戴con的,想不到十多年之後,很有可能要「重拾戴眼鏡上街的習慣」。

今天翻開了其中一本相簿,發現了我這個樣子,很有趣的,這種表情現在應該不會出現在我的臉上了。




為免大家誤會,要註明相中左邊的人是anne,只是因為我想講的是關於我自己的事,才把她crop走的。拍照的年份我忘記了,是irene送我們襟針的那年聖誕,我想是04/05年吧。

傷心的眼睛

前日開始覺得隻眼好濛,睇唔清楚d野,望得個mon耐都覺得暈暈地……但係我都要堅持打埋呢篇blog,因為真係好傷心。

今日開始,隻眼已經濛到災難性既地步(另一隻眼弱視,已經無眼睇),咁我又唔知自己咩事(斷估都係之前冇野做條條fing個時上網太多,睇壞左隻眼……),於是走去平時配眼鏡既愛視美眼鏡康怡店諗住畀佢望下我隻眼。

點知一去到個職員就「描」我,跟住話:「你對眼鏡邊度配!」我話:「呢度囉!」跟住叫另一個職員check返我record,係咁e搵部手提驗眼機幫我驗下度數就話:「你深左50度乍喎。」跟住又話:「你e家副con戴左成日係唔準架,你星期六、日放假,一早起身戴眼鏡黎再驗先準。」跟住就走左。

我好唔開心係因為佢第一下「描」我,覺得我混吉,我懷疑自己已經幫襯左廿年(15歲戴con都係度配,之前戴眼鏡都係呢度配-_-),以前因為我近視深,半年至一年就會返去check con,視光師alex記得我個名(唔使叫其他人check record!),然後會除con,滴曬藥水好仔細咁幫我檢查眼睛同埋度數,之後如果對con仲可以繼續戴會叫我年尾先再去換。諗起以前咁好既視光師,就覺得自己好慘,e家其實我係睇唔清楚自己打緊咩字,可能有好多字打錯左都唔知……

我聽日都係諗住唔會帶con返工,下晝可能去睇醫生……可能我戴con quota已經用晒,之後要戴番眼鏡……我唔想戴番眼鏡,好樣衰……唉,e家就算戴眼鏡都睇唔清楚la,咁我番工都要靠對眼睇野gama。希望我早日康復(哭)

Sunday, July 27, 2008

海灘打雷了

今天本來去海灘玩,但甫上的士便聽到下雨打雷的消息。到達海灘,剛打開沙灘席,大滴大滴雨點便從天上滴下來,於是就跟大隊再搭的士回程。

去了yokki家,吃了她煮的公仔麵,她告訴我一些知道後會有點不開心的事。然後hea了一會,再坐106號巴士回家。腦海中還是那些我們談過的事情,很多時候,覺得自己很不足。但我相信只要本心是好的,便可以讓自己變得愈來愈好。

至少這一刻的我還很好,這已非常足夠了。

書展一遊

近幾年幾乎一定要到書展遊一遊才安樂,今年也不例外。每年經過「博益」的booth,都會見到小丁站在高處落力叫賣,但今年風景而不再。

不過今年的書展對我來說也是頗特別,甫進入書展的第一件事不是看書,而是去看舊同事們,還見到前老闆親自巡場(被他發現!)。我和yokki除了探舊同事,還跟他們去了看作者簽名,當時梁進正在簽「酥炸蟹蚶」,攝影哥哥說有廿幾歲男fans(貌似直男)竟然會自製蟹蚶送畀梁進,覺得不可思議,但我覺得能夠有這樣的偶像這樣的情懷,是一件不錯的事。好過我們這些經常與明星撞口撞面的,見到喜歡的人也淡然。

看書其實是一個人的事,因為大家鍾意看的書不同,一起走其實勁麻煩,最後我和yokki分開行。行了個多小時,買的書不算多(如圖)。



書展年年有,今年都無乜特別野可言。樓上3本書之中,左一係「香港歷史散步」,係(多年)之前買左「香港文學散步」的姊妹作。而中間那本「我們」就係之前買左本「你們」所以諗住買埋本「我們」都睇下咁(時事散文)。

因為只是匆匆行了一陣,買的書不多,怕買了書沒時間看(前年書展買的書好似有一、兩本完全未看),不看白浪費,寧靜想看書時多花幾蚊買正價書好了。


行完書展又約了舊同事食飯唱k,好開心,不過有人星期日仲要返工,都玩天光……:p 另外最重要的,就是祝Judy生日快樂,祝她生日顠望都成真!

Thursday, July 24, 2008

自畫像

今日聽保健的提議安裝了bamboo1附送的軟件,畫了這福自畫像,畫中人當然比真人漂亮啦~

Wednesday, July 23, 2008

詭異

i don't know what's happened but 'm just feeln' that there's sth wrong.

not sure.

這兩天的熱,原來不是感覺only,是有根有據的,原來今日是全年中最熱的一天。

今天雖然勁熱,可是也外出了,去了三個地方。還是留在公司,冷氣非常充足,但冷的地方就很dry,外出不乾燥但很熱。

昨天我跟meggy說,我現在跟前同事fa一起工作,meggy說fa是夾band的,我今日問fa是不是夾band,她說不是,我認為meggy應該記錯/以為郭嘉嘉就是fa,如果我沒記錯那隊樂隊叫mashmellow,不知那隊樂隊現在還是否存在著。

我跟mashmellow的主音未曾共事,只是因為她是蓮的朋友,所以認識了她,記得那時拍過的短片叫snowakitty,sno好像是snoopy;wa=劉華kitty就是被kuromi捉左那個……這翹口的名字當然不是我起的,那時的片用dv拍,拍了在pc裡用唔知乜software剪,剪了自己錄了一人一盒vhs。後來老師好像選了它和其他片一起錄成了vcd,vcd應該還在學校圖書館裡。

不經不覺好多年了。我好像和以前差不多,又好像改變了一點。

Monday, July 21, 2008

生活的功課

今天實在太熱了 / 工作到了中午時間才進入狀態 / 喝了一杯咖啡,調得太甜,不好喝 / 很累 / 晚上因為和pr講電話遲了到達飯局,讓大家遲了上菜,不好意思 / 見到好久不見的may,她很瘦 / 第一次見到望望,她很胖,沒有曬太陽的身子黝黑黝黑,像爸爸 / 陶陶現在會講說話,我送了一個紫色的袋給她,但她主力鍾意粉紅色的東東 / 貴德宮的菜一般,不算超好吃,但很有趣,尤其是撻和咖喱魚蛋牛腩和壽司 / 我很累了甚麼也不想做 / 逛街少不免買了點東西 / 忘了說昨天買了蓮的《男人與狗》不過不知甚麼時候才看

周日的事

* 尋日勁醉,今朝起身勁頭痛,飲左杯咖啡止痛
* 下午屋企人去晒飲茶,我就係廳開大個speakers and then冇閂門沖涼聽歌,勁正!
* 去左油麻地美都餐室join爆,我食左咸牛治同滾水蛋,滾水蛋冇我想像中咁好味,以前小學「長週」阿媽會整畀我食,當年覺得勁正的……
* 同爆睇左《天水圍的日與夜》,主角係鮑起靜,講天水圍人既生活,好睇
* 跟住去左h & m買左一樣野畀自己,買左一件小禮物畀yokki
* 跟住去左爆個friend開個間cafe度食野,d野幾好食,個度幾好坐,旺中帶靜,不俗

Sunday, July 20, 2008

love eason


落花流水

楂!

尋日去左benson生日會,我不勝酒力兩點幾就湯到7彩要搭的士返屋企,返到屋企又即刻瞓左,年紀大真係冇d後生仔女咁玩得,要愛惜身體。

上次同d舊同事食飯真係勁邪,食完第二日公司即刻地震。有理由相信當日有人已經收到「預警」,所以氣氛極詭異……but anyway就算大家各散東西都可以出黎聚聚,希望到時大家畀面出席。請大家踴躍出席juju既慶生會,哈哈哈!

星期一又約左舊舊同事食飯,shan會仲帶埋淘淘同望望出現,我已經買左小禮物畀佢地,好期待見到佢地 :D

Thursday, July 17, 2008

勞累的一天

今天很累,除了在公司工作還有外出,還有就是約了舊同事食飯,wincy說很開心覺得富臨的點心很好吃,雖然juju說那些點心太油……anyway都是一件開心事,其實我也起碼一個月沒有去飲茶了。

今天真的很累,我想休息一下,希望我的生活愈來愈好。

終於完成!

終於完成了!雖然不知做得好不好,過程像小時候交功課、長大後交稿等這等事情,總是要推到last minute,或者沒有力氣的時候才做……

不過還是完成了,交代了自己,proud of me!

過程中少不免一些歌詞無關痛癢,但旋律足以影響心情的的bg music。這次不能聽慢歌、old school歌、悲歌、K歌……

於是這次的bg music,選了mla,其中有一首歌裡不停大叫"gigi lxxng is dead",我不知甚麼意思,不過也不需要明白是甚麼意思。

而以下這一首,又很能代表我此刻的心情……



《悲傷的採購》,但願感覺未流逝。

新與舊

眼睛
這兩天我的眼睛很累,要適應新的生活。不是工作繁多的那種,是因為現在不用看print out、打稿,經在在網上蹓躂,加上我放工是幾乎不能不上網的,結果一日網十幾小時,眼睛支持不住了。眼睛很乾,而且生了眼瘡,我想是因為自己的東西不夠清潔,但cathy說,睡不夠也會生眼瘡啊。不知是真還是假,總是大近視的我會好好愛護眼睛。

故態復萌
工作之餘,下班我好想約朋友吃飯,也離不開以前的同事和朋友,於是就算下班時間早了,還是逛街逛街的,很晚才回家,沒有收拾的桌子開始故態復萌,衣服也不知放到哪裡了。

開始與終結
這幾天經常在想新與舊、從前與現在、背棄與堅持、開始與終結的事情。看似最南轅北轍的事才是最不可割裂的。我想把自己的壞習慣幹掉,像古惑仔開戰用左輪將陌生人打至重傷一樣,義無反顧、盲目相信、不問緣由。

Wednesday, July 16, 2008

080715

* 今天晚上8-9時對眼很乾,原來我對電腦12+小時 / 日,很傷
* 今晚10-12時nose很癢,不知是「恆河」下太多味精還是對狗狗敏感
* 今天特別覺得狗狗們可愛
* 連續兩天吃得太飽
* 這幾天喝太多汽水,喝到壞牙、喝到上癮
* 今天約樺榭菲力柏契同事吃飯,雙子友X3=6子++
* 本來想做的事還沒做
* 古惑仔太多人玩,常常hang。我買了兩件防具都suddently disappeared, 勁屈機,超無奈

這幾天在讀:健吾收音機(健吾)、心震故事(?)
昨天買了:你們(馬家輝)

* 我需要多一點common sense

Monday, July 14, 2008

周末的事

●唔記得多謝大家投票,最高票數既,我真係好認真咁諗
●但係我呢排好多野ought to搞,遲d會整
●係屋企hea左兩日
●其中一日用wacon筆打麻將,打左成日,打到眼都痛-_-
●又(畀人)提起,自從畢業之後,除左工作,唔識寫作
●星期五晚睇左《赤壁》,估唔到個「結局」係咁
●同埋成日「形」住有士兵有人戴住眼鏡拍戲
●城武真係好型
●一有正經野做,就好心散
●本來想齊頭寫十樣,但係想唔到,第十樣,提提大家今日七月十四!~

Friday, July 11, 2008

平常心

今日O強send左隻歌畀我,係黃凱芹的《平常心》,我係utube搵到呢個有歌詞的tvb版



個女主角竟然係張錦程老婆(張嫣?)其實我都幾鍾意呢隻歌架,勁old school,勁classic,哈哈!

瞓覺食飯

記到無野好記,講下瞓覺同食飯。

呢幾日,發生既事唔多,尋日我冇乜心機,一返到屋企就走左去瞓,瞓左12個鐘又起身(冇食飯)……

今晚我就去左同舊同事食飯,好似成世人都未試過有6條仔陪我食飯囉!哈哈,勁誇張!佢地6人入面4人食完飯仲返公司繼續做,真係勤力(佢地返9點半),公司請到佢地真係幸福,抵晒!

其實,各方面,我都要努力的。

Wednesday, July 9, 2008

失約

前公司的mpf公司有同事要找上門來,說要為我整理一下mpf賬戶,之前賬戶有4、5個,這似乎是我一直以來應該做而沒做的事,於是就依她,填了好多好多的表格,將所有mpf都歸納到那間保險公司中。

任誰都知道,人浮於事的sue的mpf賬戶數目再多,銀碼也不會多,很明顯mpf小姐的最後目的並不是想我把mpf settle到她公司吧。前幾天她約我吃飯,問我家底身世性格興趣以後,就說要研究一下我的保險投資組合,我就胡裡胡塗的答應了她。

思前想後,終於在今朝拒絕了她邀約再談保險。首要的原因是,言語間我發現她知道我住在哪裡才找我,覺得我的a / c有利可圖,這件事令我很不安,其中是我覺得這樣被她這樣探問就如同在一個陌生人面前脫光衣服一般突兀,二來我又覺得「住在xxx的人是有錢」這種想法有點膠,沒有負資產都應該偷笑了吧。

而在以往的買保險經歷當中,令我覺得不能相信一個素未謀面的cold call經紀,在一年後攞足佣金之後仍然會像現在這樣盡心盡力去take care我呢個a / c(連「朋友」都會反面無情吧……)。到最後現在真正人浮於事的我,更加不想囉二三百蚊出黎同一個想攞我錢的女人去「一門」食一餐背脊骨落的爐端燒。

我今天的負能量真的很高,但我覺得這次失約實在是大條道理的。

時間流失

好耐冇喪買野,今日買左好多野,當中最特別係呢個。自從有左手機,除左旅行,好耐都冇戴表,呢隻野有表玉,價錢同d手鐲差不多,看著時間,感覺很懷舊。



於是又用懷舊的感覺處理了我昨天拍下的照片。這是很少亮相,我家中的貓,她年齡是10+++的了。





這麼無奈的樣子,不單是因為被拍,也是因為我在她頸上繫了這個。


真可憐,被我戲弄了。

Sunday, July 6, 2008

淺水灣 + enders生日會

尋日,同yokki玩左成日,計埋今日去睇戲,今個week見左佢4days!

中午,去左淺水灣:

sun of the beach!


佢地未到,我既brunch,好睇又好食,個drink甜左少少



今日太陽medium,唔算曬,冇乜上色,之前個d開始甩皮 -_-


好多鴿,行到好近問人囉野食



前面個女人唔想泳衣look上鏡,張相做左特別效果,左起:yokki & christine



夜晚去左yokki之友enders既b day party,成個場保守估計近100人,仲夾埋o強同debbie一齊去!~呢d party咁迷離,通常見到好多好多人,都唔記得邊個,yokki竟然在場內撞到同事!!!最後壽星仔竟然得閒同我地玩,hehehe,佢應該飲左好多!!好high~






回家時妝已溶了一半,但都不捨得不拍下來,因為是由設計師yokki幫我化的!平時我化的hea妝只有粉底& lip gloss,但係呢個妝就好仔細,重點係眼睛,有亮影、綠色shadow、液狀眼線、睫毛液……化到對眼好大好靚!所以話,要打扮打扮一點不能懶!

Thursday, July 3, 2008

電腦畫畫畫

今日坐言起行買左塊畫版,好便宜的貨色,係wacom的bamboo one,<$400一插即著,用小畫家畫左兩幅公仔。

十幾年前第一次接觸小畫家,已經覺得好想有支筆,比用mouse方便好多,但係個時覺得(認為?!)買支筆係好貴,一直都無實行。今日買左支筆,仲買左本教畫CG既書。似樣既CG當然畫唔出啦,但係畫左呢兩幅畫都好開心 ~



Tuesday, July 1, 2008

素描的訓練

細個鍾意畫畫,近來成日都有「重拾童趣」的感覺。之前保健叫我得閒做多d素描練習,今日yokki都係咁講,佢話素描可以訓練觀察力,見微而知著,見人所不見,就係高手喇。

聽落好有道理,不過呢,乖乖地囉支筆坐係度畫畫畫,實在不易呢。

bon生日@泰式食

這天出席了bon生日飯局@金百利的泰式食,場地都ok好坐,不會太迫(聽聞金百利的食肆都很擠~),於我而然地方坐得好,同好朋友一齊已好足夠,食物反而次要,不過呢一餐食的野都ok,每人只食了60多元!我的最愛係蛋包炒米粉 w. 蝦,令我好miss泰呀!

前幾天買了生日禮物給bon,呢幾日都好想送,今日終於都送到,係佢好鍾意撫摸的毛巾質地睡衣!而bon亦好喜歡呢份gift,paul更加即席試穿了!哈哈哈!在食肆內穿女裝睡衣喎!笑死我地 :P

聽日係public holiday,過埋聽日,因為summer holiday既關係,就會冇public holiday ga la!大家都好感慨……聽日睇個勢會落雨,加上大家都為左工作既事好擔心或仲開OT,冇人想去影相……我諗我都係會留返係屋企執野。

6月30,2008的上半年正式結束了,下半年要非常努力,追回上半年的缺失。