PR送飛，一個人去咗睇聖羅蘭。其實我好少一個人去睇戲，對上一次已經係《失憶界刂女王》，喺太古城UA（11年前！！！）。今次睇戲其實都係當課外閱讀，溫故知新。
入院前預咗會悶悶地，的而且確，成套戲就係由羅蘭先生入行，講到佢死順序進行，不過對於羅蘭幾乎一無所知（剩係知佢係法蘭西人同死咗）的我來說，此片都算極有參考價值。由於要respect番片中兩位男主人公，我相信呢套戲好大程度上對佢哋美化咗、修飾咗，但亦都無損佢呈現史實。
睇完戲撞到 ex 公司營業部同事，佢同老婆一齊睇，之後隨口問我去咗邊度做。佢走咗之後我醒起佢都好似轉咗工（？又好似唔係）anyway，我都係打工嘅材料，事實證明，我好難做自由人（雖然未做過，但事實），所以還是俾心機繼續打工吧。
推介俾：鍾意時裝但唔係好熟聖羅蘭的人
唔啱睇：想睇靚仔、靚衫、所有搭錯線的人
No comments:
Post a Comment