放假其實比返工更加辛苦，因為除了返工之外，個人好lost，唔知做咩好咁。今日好在約左鍾姑娘食飯，唔使坐屋企坐成日咋。
鍾姑娘好為佢自己的傷勢而擔心。佢個幾月前返工跌親腳，依家仲要食藥同做物理治療，唉，一整親腳手尾就長喇。鍾姑話呢排見好多人都行路up up下，佢返工個度已經3個，而我識既仲多，包括同事momo、舊同事三木小姐，仲有舊同學astor小姐。個個都跌親啊……大家要小心身體，保護雙腳啊。
講開astor，我上一期訪問佢已經出左，佢指出左我一d錯誤，雖然有唔開心，但係都「火羅」左，得個知字總好過唔知啦，所以好多謝佢。因為依家做野愈來愈忙，都唔知自己錯左都唔知咩事既情況好多……講開佢又send左個blog畀我，係我地大學參加通識時既 mentor個blog。原來我地mentor呢幾年身體唔好，佢既日記都係記載佢病情，上個月有個post仲寫左篇遺囑……知道都好唔開心，因為我地始終都係因為mentorship program而認識的嘛。
呢幾日都幾多野做，但係放工又好鍾意對住個mon，好「御宅」&「干物」啊！！！;(
No comments:
Post a Comment