食住花生等睇戲

自星期一開始便覺得天氣異常寒冷，我的「齋咳」病又越來越厲害，總之整體氣氛感覺不良。而呢幾日發生的「頭條大事」必數「淫照」上載事件。無論是有心抑或無意，相信有上網的人士都或多或少update左80%以上的「淫照」，與網友C.Y.君講起，他說得頗精警：「上載相片呢個人擺到明預左做烈士，我地就食住花生等睇戲」。

我覺得這件事簡單是「自殺式炸彈襲擊」，一次過炸勻娛樂圈最大勢力，原因是「四兩撥千斤」的格局。其實對於呢件事我又有另一個感想。以前嬌嬌（偷拍換衫事件）、edison同柏芝都有理無理狂鬧傳媒，予人感覺係「佢地成日被傳媒迫害，辛苦錢唔易搵」，但今次事件係由互聯網中爆出，好明顯導火線就唔係傳媒，而件事個影響力更加前所未有（華人社區→全世界），而且未來發展亦難估計。

究竟乜野人有乜野動機做出咁心狠手辣的事？起初我估係針對陳，但C.Y.一句：「bobo無回應，就無再放佢的相出黎」，又不無理據。呢件事其實對於大部份人黎講唔係一件切身之事，但我覺得，日日見到咁多人肉紛陳，開始覺得唔係咁開胃……希望過年之前呢件事會完結。