超搞笑港女

今日約了 h 去 cwb 吃阿拉丁咖喱。其實 h 一直鍾情恆河咖喱屋，但自從佢無拉拉攞咗米芝蓮一星之後，已經唔敢再去，加上呢間大家都覺得好食又抵食，於是一個 week 之內又去吃一次。

可能係因為呢間食肆既位處銅鑼灣價錢又大眾化，吸引唔少年輕人幫襯。我同 h 首先坐係一對小情人隔離，之後因為要讓位坐 7 個人，所以好荀地換左窗口位，而坐左窗口位就是我今日既話題既戲玉：

轉位無耐就有一對二十代情侣坐埋黎，我同個女的打對面坐，佢一見我望下佢佢即刻不友善地藐了我一下，我對呢位女士的印象即時降 grade。食左無耐，條女開始黎料，問佢男友d 野啱唔啱食，又叫人慢慢食小心哽親，聽到少少毛管棟個種，食食下佢無啦啦叫佢男友畀部相機佢睇：

女：呢個咩人黎架（無尾音，同頭先語氣完全不同）
男：同事黎既
女：下次帶埋我去（無尾音 again！）

我同 h 本來唔知講開乜，但聽到呢位港女的對白都不約而同 O 嘴 + 斷片，真是唔記得咗自己講緊乜！wakaka

之後，過咗差不多成粒鐘，先講番呢件事，原來大家都發現同一樣野，而且有同樣的感覺，呢條女真是不知所謂。

我說：呢位女士咁做，即使我和 h 不存在，那男的都會感到顏面無存，h 也異常同意。而身為男性有同理心的 h ，竟說出智理明言：其實男人某程道上，是希望被女性管束的。

然後我補充說：小時候被母親管束，長大後也希望有個女人，管理自己的生活。

h 說：但她的動作太低裝，令人反感。

聰明的女人會沉得住氣，不會即時發難，不會令男人感到顏面何存，這位女子就是不懂。

連我們兩位陌生人也覺得異常反感。

我估體內有被虐狂因子的男子其實不多，剛在阿拉丁坐我隔離那位仁兄也不見得是其中一員。如此港女應該有何下場？實在不得而知了。