媚外

今日又夜放工。為了一程回家，好多時都會選擇坐綠色小巴。坐綠色小巴好 chok 搞到個人暈暈地，對於放工o既我其實都好累。坐小巴其中一種開心，就係間中會見到得意o既小朋友。記得有次見到舊同事 s 接佢的 bb y 小姐返屋企。而今日又發生一件好得意o既事。

小巴行到東區醫院附近一個著住灰色緞質連身裙o既媽媽上車，拖住兩個七、八歲左右o既小朋友。媽咪同「大妹、細妹」坐兩個位，一上車小朋友就掛住望窗口，跟住媽咪好畀心機摷散紙畀司機。畀錢時佢問司機：「八個八可以吧」，司機話「坐兩個位兩份錢得啦」畀完錢個媽咪無啦啦同阿大妹講「你真係好鍾意巴基斯坦人？咁媽咪同你申請去讀巴基斯坦人中學啦。不過，你要肯定自己可以同巴基斯坦人相處到先得。」大妹答佢：「乜有巴基斯坦人中學架咩？」媽咪話：「有架。」跟住好快媽咪就喊大妹細妹一齊落車了。

年紀細細小妹妹竟然鍾意外國人，哈哈，真係人細鬼大。香港係咪仲有巴基斯坦人中學呢？not sure。覺得今日見到呢三母女，好得意，溫馨小事一樁，令人感受到生活充滿質感。

今日無無聊聊聽了好幾集光明頂。其中一隻係如下。


雖然香港好多人係咁，以為生活營役為使命，好在我唔需要。呢方面要多謝阿媽。