望海

這兩天放假很累，約了朋友去玩也不在狀態。去沙灘累到躺在沙灘席上發呆，去吃潮州菜又覺得酒家很吵，煩燥不安。昨天燒烤到天黑，我一個人走到沙灘，風很大、浪也大，心裡忽然很多感觸。



在風聲和海浪聲之間，聽到海灘漫步的人們聊天的聲音，遠處的燈塔與暗淡的星星，把黑夜映得更黑。心是靈靜的，但沒有恐懼。

啟德遊樂場

1982年4月結業，應該未去過……-.-

我的神秘命盤

畀我個命盤大家睇下，無傷大雅

外貌俊美漂亮。（中！wakaka！）
性格心急欠耐性。 （very中！）
做事有自我推動力。 （？）
心中意念多多卻無法實行。 （中！！！）
易得下屬助力一生與錢財有緣。 （？）
男命易被朋友或同事出賣。 （不適用）
女命夏天生極緊張丈夫任勞任怨。 （？唔係掛）
感情上競爭者多易生波折。 （未試過同人爭仔！）
自坐驛馬一生走動奔波。 （日日去press con算唔算？！）
豬年沖夫妻宮，感情問題易現。（不適用）


仲有詳細命盤，但無分析，都睇唔明。但睇到d「傷」、「殺」、「劫」真係睇到有d驚。不過我通常都剩係記得d好野，都所謂，睇完就算~

來源：http://www.destinygarden.com

080925snaps

今日拍了幾張照片：


分唇裡的小點，一看賣相就覺得很甜，沒吃，但可愛


茶點很漂亮，小點顏色配襯很亮眼（個人一廂情願認為她們避用紅色配合品牌形象），也沒吃。右下角燉蛋被debbie媽吃了一角


回家途中的自拍一張。這橙紅上衣穿上很老氣，不喜歡。反而將圍巾在頸項繞上一圈，感覺好看一點

一醉解千愁？

今日無啦啦走左去居酒屋，某人重遇舊愛加上工事上有感而發，飲到勁醉。我就好清醒。諗起呢排幾個friend都借酒（醉）消愁，而我近日就無乜mood買醉。咁睇黎，都算幸福o既一種。

酒入愁腸愁更愁啊朋友們，我prefer化悲憤為食量……講起，呢排食番早餐，又翻脹 -.- 無奈

澳門公幹行

星期日去左澳門公幹，採訪MGM Wedding Fair 2008。去到澳門，除左跌錢之外就係食食食，我咁叻當然係無跌錢啦！但今次去澳門就口福不淺：


press con入面，食左周中師傅o既招牌菜木瓜燉翅



工作完成之後，同debbie同佢兩個朋友仔一齊去食葡式住家菜：


仲睇到好靚o既日落~

北京朋友的愛情故事

今日好鬼慘，七點幾起身之後嬲左成日，都係得自己嬲……夜晚同雜誌a前同事食野，跟住番屋企。

今晚msn一開就見到小棟send msg畀我。小棟同意之下我同大家分享佢的故事，雖然好長，都係得字，無圖，都好希望大家得閒都畀少少時間睇呢個故事：

1. 小棟的馬拉情人
小棟係我n年前北京公幹時認識o既同事，佢約一兩年前（o係北京）識左個馬來西亞既女仔，做導遊，佢好鍾意呢個女仔，但係人地係馬拉 + 有個仔，佢又無乜機會去馬拉見人地，但佢話呢個女仔係佢女友，仲成日寄錢畀人。我唔知北京人搵幾多錢一個月，但佢就個個月寄3,000 rmb去馬拉，畀女友同bb生活費，我就話佢離譜啦！有一排覺得佢已經冇左理性，唔想同佢講野。

今日佢無啦啦msn我，又講左一大堆野，我話你放人地走啦，人地細細個女仔（好似廿頭）拖住個仔，點都要搵個佬照顧佢，要佢話你係佢男友，即係迫人地厄你啦！我叫佢可以繼續send錢幫人，但係唔好再迫人地claim你係bf啦……佢好似明白左咁……小棟話佢同d friend講話個仔係佢o既，d friend都叫佢唔好send錢啦！可能我叫佢可以繼續寄錢，佢覺得acceptable ！佢話自己諗通左……聽日同女友傾下好唔好做番朋友。

我真係非常衷心希望佢真係諗通，咁對佢同個女仔會好d，同埋亦都衷心希望佢考慮下北京女仔，唔好再捨易取難搵d外地 / 外國女仔做女友喇！「觸不到的戀人」，其實好難受架！愛一個人真係唔容易！
____________

2. 小棟做lasik的原因
其實小棟個人真係幾好，我話我前排眼仔有事，原來佢都有個眼仔o既故事講畀我聽。原來佢同哥哥都做左lasik，而佢做lasik既原因係為左哥哥。小棟有600度近視，哥哥就800，佢哥哥想去做lasik，但小棟覺得危險，於是佢就話要自己做左覺得安全，先畀哥哥做！！！ 於是佢就做左lasik喇。

好偉大呀~

佢話佢做lasik個時係25歲……我識佢個時好似係25喎……可能已經做左lasik喇。

我講咁多野純粹係覺得個故事好得意，好想講畀大家聽，唔係o係度硬sell國產男啊！其實港男都好好架！唔好係度得罪人啊！大家繼續努力啦，哈哈！

_____________

加多句離題： o係度為鏡陶送上無限祝福，全力十扑，努力加油啊！~

另類冇生活

不久之前在某雜誌工作，大家最鍾意講自己「冇生活」，「冇生活」其實係出自當時的老總，原意係我地覺得香港女仔放工之後同埋weekend，除左行街shopping就冇其他野做，所以要係雜誌介紹d好去處及陶冶性情既活動畀大家（好偉大的任務哦！），後來因為我地日日番工喪做無晒d私人時間（尤以「出處」離開後為甚），所以個個都鍾意用「冇生活」黎形容自己。

尋日罕有地全日留係公司工作無out job，於是發現自己個facebook好耐無update過相冊（唔計前日delete左個「期間限定」album），自從放暑假之後已經無乜影過相！又自從六月尾我o既生日旅行之後已經無去過旅行（可能係因為太熱）；又自從二月頭個「旅行」（九寨）之後已經好耐無去過旅行……

近來一到放工和weekend都比較慵懶，除左食乜乜都唔想諗。依家我有一d願望s：

希望可以順利過度試用期，然後好好安排自己的生活。
希望多d約朋友仔出黎玩。
希望秋天一到，可以多d健康既活動。
希望大家都可以開心D，少d煩惱~

呢排我覺得好疑惑，唔明點解身邊朋友對我咁多要求？！開心咪一齊去玩，唔想找我&疏遠我也沒有所謂，點解一個二個要對我咁多批評呢？！一個人廿幾年都係咁，會輕易改變得到咩？

↑↑↑↑其實講左咁耐最想講都係呢句 -_- 我諗我都唔算自閉，唔使太執著去討好太多的人。

今日o既晏

今日press event o係 time square 798 unit & co吃press lunch：

浮誇地選了黑松露pizza，d菇同cheese都好香，但無肉喎，都幾齋！好在carmen分O左鰽（？）魚畀我 :P
so yum so 滿足！

好好管理自己的生活

三日的假期終於過去了，回到了自己的生活。這幾天假期，正好讓我想想自己如何安排自己的工作和生活。

其實當工作愜意的話，一切的擔心也是很奢侈的，我經常這樣想。但近來因為眼睛的事，我開始覺得自己的工作能力下降。無論是精力、心機，也是有限度，人生也是有限度的，如果不好好去善用有限的自己，那麼當一切也花光虛耗殆盡的時候，也沒有後悔的餘地了。

在朋友的msn裡看到「三十而立，四十而不惑，五十而耳順……（後略）」，男生對自己的工作或多或少有些抱負，我也想想自己三十歲的時候應該做甚麼。

月光下

海濱道123號，環貿商業中心，原來後來變成「換身分證o個度」，後尾好似連名都改埋。當年留下不少汗水、笑淚與回憶。

另類年齡模糊

今日o既holiday mood實在好強勁，於是好快就放o左工返o左屋企喇。呢幾日已唔只一次畀fa話我d懶音好勁，「痕身un寒」講得好順口，連年青人fa都頂我唔順件事真係幾嚴重。

有時檢討下自己都覺得有d唔係幾好，講o野懶音主要係唔為意，部份係求其，部份係覺得懶音都聽得明，個人感覺又無咁老積……但年齡漸長係工作上畀人覺得輕佻同低能都唔係一件好事，要提自己改一改。

私底下低能應該還是可以的……今日將個miffy video睇o左幾十次，都係覺得好得意！ =:X ！

=:X =:X
=:X =:X =:X （miffy兔icon）

Miffy好靚女！

Miffy好靚女啊！睇左好多次呢個mv，真係好好睇！



上網睇wiki，原來有人話過Hello Kitty係抄Miffy，亦有人話佢地兩個都係抄Musti，講句公道說話，真係兩個都有d似Musti喎，但係Hello Kitty明顯係一個最搵錢o既baby喇！


Musti（1945）


Miffy（1955）


Hello Kitty（1974）

不過都係miffy最靚 :X

失眠啊~

好慘啊！5 點仲眼光光……今晚食完飯真係超眼瞓，由溏心開始做開始瞓，瞓到溏心做完，就咁就賴野喇！之後好似1 點瞓番，3點幾又醒左……到e家5 點……其實唔瞓都無乜所謂，反正捱埋聽日有3連假！但係……爛眼…… 0_o

0_o 0_o 0_o 0_o 0_o 0_o 0_o 0_o 0_o 0_o 0_o 0_o 0_o 0_o
dim 解對眼忽然會咁？！我做錯d咩？！

0_o 0_o 0_o 0_o 0_o 0_o 0_o 0_o 0_o 0_o 0_o 0_o 0_o 0_o

dim解咁多人買mark 6？咪成日諗住有人中左唔使撈囉……點解今日無買喎，明明應該係我中架，畀人中左！

chi左線！

8點的契機

轉左工之後，自己經常唔知點解8點左右會醒一醒，可能我好驚好驚唔知醒起身，可能犯賤o既人係唔可以食飽飯同瞓足覺……總之唔知點解。之前覺得呢個習慣好乞人憎，今日諗通左。之前同carmen講開話放左工之後其實好難做倒其他野（eg佢想做功課），因為太累。其實我自己平時都有一些雜務如執屋（講左十世）需要處理，如果番工之前有一個鐘頭做呢d野都唔錯！

呢隻野叫肥仔，係某海鮮酒家o既吉祥物，可能佢愈養愈大所以留o係度，據聞佢已經1歲。

睇住d同類日日畀人囉去煮黎吃，而自己又死唔去，我懷疑佢會心理變態……

買左新tee

尋日買左件新tee今日即刻著。由08年開始忽然之間好想著多d tee~ 夠簡單舒服又易襯！同埋戴眼鏡既時候都唔知著咩好，著tee就最arm喇。



呢件tee好靚啊，上面有細細粒閃石，係我最鍾意o既螢光黃色！（雖然張相影出黎唔似螢光）~

熱浪假期

今年暑假沒有twins……
松山：佢地已經成為香港人o既集體回憶。

肥陳隻船沉o左！！！

今朝起身方兄傳來一個hyperlink，原來大埔肥陳隻船沉o左！聽來真係好欷歔。睇份報道先知邊個係「肥陳」，同埋原來佢隻船o係度已經30年。通常踩單車都會o係大圍出發，踩到肥陳o個度根本唔肚餓，印象中只幫襯過佢o既豬皮蘿蔔同埋飲品，d野食一d都唔平，但係佢隻船對於踩單車人士來講無疑係一個好好o既歇腳點，無奈隻船經得起三十年黎o既風浪，一夜之間變成我地o既集體回憶！

以下節錄明報報道o既部份：

「這艘63呎長、3層高的船被人叫作「肥陳」，停泊在馬料水海邊，賣汽水、魚蛋、即食麵，已足足30年。幾經風浪的小食船帶給遊人不少回憶，惟上月襲港的颱風鸚鵡，一夜間將它打沉。……

……肥陳是地道香港人，兒時因「日本仔打到來」舉家逃難回鄉，至青年時才回流返港。當時身無分文且並無學識，他「膽粗粗」向人借錢經營茶餐廳，詎料生意出奇的好，及後他轉戰到沙田馬會旁邊開士多，兼營租艇仔。80年代初，肥陳在當年出任沙田民政專員的特首曾蔭權（！）等人的協助下申領船牌，輾轉遷往吐露港單車徑旁經營小食船……

……不少單車客和跑步人士經過，都不禁對肥陳慨嘆說，「心裏面好像不見了什麼，好失落，陳伯你可否讓它復活？」肥陳聽罷只報以幾聲笑，因為知道自己已不夠魄力、也付不起高昂的維修費，肥陳小食船的結局是變成棄船，由政府負責拖走「埋葬」，而肥陳夫婦亦會正式退休……」


（此圖來自明報新聞）

資料來自：http://www.mingpaonews.com/20080907/gol1.htm

雖然已經好耐無去過踩單車，但係o係呢隻船附近亦留低唔少「軚印」同回憶……永遠懷念肥陳隻船！

前世今生

今日於office吾之6點位置，錢錢的辦公桌上發現中古之物！

肶肶飯！！

激罕肶肶飯！

浮誇地到旋轉餐廳搭檯食晏

啊！我真係要抖下對眼，今日下午睇野又朦朦地……仲要另一隻眼生左「眼挑針」，d眼仔真係禍不單行，唔知幾時輪到隻c眼，哈哈哈哈！

有一件好事，就係副眼鏡終於都囉得，經過瞓覺之後e家對眼好清晰！哈哈！真係好！最衰就係戴左眼鏡個樣扣分，如果唔係真係一個守得雲開o既結局。

去合和囉眼鏡就順道走去搵啊lunch leg Bengy，點知佢約左同事食飯，但我竟然超厚面皮唔識都走去搭檯！:p去左66樓o既旋轉餐廳度食lunch buffet，好浮啊！hahahaha！勁！食晏o既時候個view岩岩轉到去灣仔同銅鑼灣，有海景，唔使對住個山，真係好鬼正！咁大個人都未去過傳聞中之旋轉餐廳，第一次去竟然係搭檯食晏！實在太搞笑喇！

今日同陌生人食飯都有少少感觸，佢兩個同事有一個係abc（d對話得40%係cantonese……），可能怕我悶都幾多野同我講，但係我就唔知同佢講乜好，可能平時d friend都係差不多年紀同差不多背景，無啦啦有個放洋番黎o既人係我面前，仲要係仔，真係O晒嘴唔知撩佢講咩好……而Bengy就同佢另一位同事就講佢地d棍（運動用品）……所以結果我好專心咁欣賞d景色，無side左個景 :)

佢個同事問開先醒起唔覺唔覺同Bengy識左10年，身邊好多最好o既朋友都係識左 10（+ -）年，能夠keep到咁多年都保持聯絡，真係非常難得。 :D


好在食野個時個餐廳唔係轉左埋去個山度，如果唔係就悶爆！（呢餐盛惠108蚊+10%）
（圖片來源：www.r66.com.hk）

包容度 vs 忍耐力

今日係屋企hea左成日，乜都無做，only 瞓同上網，對眼都幾傷 -_-，但都好開心同好多friends msn。尋日同苗苗行左一陣街，去左cwb近天后那間+-X/，於是諗起約一年前o係呢個地方，我同苗因為發脾氣佢嬲我剩係掛住睇d女人野唔理佢，跟住我又hea佢行得快，最後嬲爆爆各自走頭，後尾過左幾個月之後苗搵番我去玩先無事……呢件事要多謝苗畀我既寬宏大量，依然保持住我作為佢治喪委員會主席既地位（p.s，冇話一定佢行先喎，hahaha！）

之前睇左「爆炸手記」→→→→→其中一個post，佢轉貼個friend話無論朋友同愛情都應該保持一個美麗d既距離，如果走得太近睇得太清破壞晒個形象，最後出左事就番唔到轉頭，呢件事完全可以apply係我自己身上。我自問有d時候都會比其他人忍得，有時畀人踩左界仲可以忍好耐，但如果對方唔識趣得寸進尺的話就會好可怕，最worst case係最後連朋友都做唔成。今日有個friend做左幾件事令我勁hard feeling，心諗佢都唔係惡意先會咁做，但係後尾真係愈諗愈嬲，最後都講返畀佢知我嬲佢。因為我感覺到再忍落去，我會忍唔住疏遠呢個朋友，令歷史再度重演。e家我覺得一味忍都唔係上上之策，有時都要好好表達自己先得，更加要提醒自己珍惜身邊既朋友 :D。

又到貼相時間，多謝emily send 番比我o既呢張相，攝於「好多杯水」美容品牌分唇。


兩個著低胸衫o既女人合照，哈哈哈！