小盆栽

小盆栽買回來開始栽種到e 家已經十日，d 同事話你唔畀佢曬真陽光，係咁用燈照住，佢會生得又高又幼，係唔會種得靚，我都無理，點知今日真係有枝「標」得太高折斷咗……於是我唯有擰佢番屋企等佢曬下太陽啦。

原來唔為意畀老細聽到我尖叫，跟住佢臨瞓前話唸起，佢話唔知我種花（因為佢呢幾日出咗 trip）唔知係咪佢放張打稿在我檯面整斷咗棵花，覺得好難過。其實棵花真係我轉來轉去時自己折斷o既，搞到老細唸多咗真係唔好意思了。

其實我自己真係無乜心機種花。小朋友成日都會種蠶豆同綠豆，老師希望佢地留意植物生長過程，從中有得著。而我係一個難得可以照顧自己o既人，實在唔想去照顧花草樹木、動物、甚至其他人類生物……而呢棵野只係因為朋友買畀我，所以都貪得意種下，如果係我自己就絕對唔會買花黎種，因為怕commitment...

e 家花花回家了，唯一希望佢曬下太陽可以長大少少，唔好咁快死住，同埋希望我「通靈」成功，勸到mimi（貓仔）唔好食咗我棵花啦... 0_0


呢個系列真係幾好睇，我睇晒六集呢！