牙痛要杜牙根

寫了咁多日 Audio blog 今日寫番篇實用文，講下我爛牙。其實隻牙 2 月份（約八、九個月前）已經蛀了，當時牙醫幫我補咗，連洗牙花費一千蚊樓下。其實一直都唔係太好，尤其有時飲冷飲時會痛，同埋十度以下隻牙會痺到唔想嗽口，記得三月份在日本箱根落晒雪真係凍到想死。但係未到凍季隻牙又再出事了。

呢個幾月都做咗好多壞牙的事，如食蟹時貪方便咬爆個殼，食咗幾次麻辣火鍋，仲有就係原來半生熟、魚生，都係會令牙肉好易細菌感染。 anyway 幾日之前隻牙開始偶然覺得痛，到呢兩日就痛得好緊要。起初在家吃「克痛」，兩粒可以頂八個鐘，後來日漸失效，依家一次過食兩粒醫生開的止痛藥，d 牙都繼續痛（只係痛減輕少少）。

尋日睇咗醫生佢幫我杜牙根，醫生講明要杜三、四次先會清得晒，而且只有八九成會成功，如果杜唔晒都無辦法（可能他杜絕我要求refund所以講了好多次），但我無唸過佢幫我杜一次牙根，隻牙會痛過之前，佢只係話杜完一次牙根d牙仲會痺痺地……我以為係可以忍受的痛，點知其實個痛的程度比我未睇之前更甚……聽日又再去睇，都唔期望可以明顯減痛，但係都希望可以改善。

杜牙根醫生開價二千八，我剛付了一千，之後仲要造牙套，講真係比我想像中貴，但係我就無特登去格價，睇幾個醫生可能仲貴多幾乘……不過我暫時為止都係未算好滿意，因為d 牙真係好痛，而且上顎牙肉腫了，在醫生幫我杜牙根一次之後一點也沒改善。

之後會再在這俚分享我的情況。現在我已一天不夠吃完醫生開畀我的止痛藥，計埋之前自己吃的十粒已食了廿幾粒，如果我唔要求快d 覆診的話，等到一個幾星期之後，應該會食近二百粒止痛藥都未睇第二次醫生……

牙痛慘過大病原來是真的，其實唔可以隨心所欲食野人生真係少好多樂趣（雖然開心o既事有好多），大家睇完我慘痛經歷希望都有警世作用，好好愛護牙齒啦！