九流詐騙集團

好耐之前裝了 linked in 間中也有獵頭公司打來，騎牛搵馬大既是不少打工仔心入面的潛台詞。雖然如此，一匹好馬事實上係咪咁易畀你搵到？獵頭公司又真係靠得住？

可能因為做 digital media，o係 linked in 有人搵上門機會似乎比其他人多（？）但有人問價並不代表有米路，d 獵頭公司實在好少專業，個人就遇過不少騎呢事。

．有次我無聽電話，對方留言，但講野快 / lur 到完全聽唔到，聽第二次先聽到佢o既名同埋聽到佢話自己係 agent ，但已經唔想覆佢，因為我唔相信咁o既鬼食泥會幫我搵到工。

．有個講英文o既女人打黎，話問我有無興趣搵工，跟住我話有工就 send d brief 黎睇下，點知佢 send 個 email 黎得一句，問我囉 cv 同埋 expected salary……所謂「有工」其實只係吹水，仲令我好後悔畀咗個 email 佢（雖然呢度都見到我 email），真係蝕咗。有時我都有感 d 人講英文打黎，係減低我戒心，令我無咁覺佢係詐騙集團……

最可笑係我o係佢簽名度搵到佢公司 website，website 入面有條 facebook fanpage link，個 fanpage 入面得 4 個 fans！！！！！！！！！我扮潮州辣妹開個 fanpage，幾分鐘都厄到 4 個人入會啦！甚麼檔次的騙徒？！

其實我發現好多 agent 都唔知自己搵緊咩人，佢地成日問非所問，不知所言。有時我都心唸，不如我轉行做 agent，反正平時做訪問都是 head hunt 原理，搵個目標人物，我覺得我去搵啱份工o既人，分分鐘專業過佢地囉。

近來 keep 住接觸律師、保險公司，接二連三發現文件出錯！其實現今世代，做事無錯已經可以叫「好 pro」，呢 d 事實在係警世，引以為誡。