呵呵！Mr. Sailor請我睇Beauty & the 7 Beasts，仲要係在康怡MCL睇啊！實在太好了！所以話，王晶的戲真的非常極之好笑，好多朋友都話叫我「睇完之後話我知好不好睇啊」，或者說「之後一定要租碟睇啊！」總之總是覺得，入戲院有點不值得。雖然係有人請，但我都是覺得這套戲係物有所值的，最得意之處係全套戲只有5個場景，就係大屋（成間搭出黎）、游泳池、海灘、片場同埋九龍塘的「老爺車酒店」（九龍塘「某酒店」扮出黎的！）
演員的服飾都係非常別出心（身）裁！全套戲的男主角分為7隻色，除左主角曾志偉（白色）同陳百祥（黑色），其餘五位男主角以紅、橙、黃、綠、藍色代表（黃色的王祖藍做得好好啊！），仲有同色的六位女主角襯返佢地（童愛玲同王晶囡囡同係以藍色做代表，而谷祖林就係紫色），全套戲我覺得唱歌同埋變型金剛呢2幕最好笑！前幾日先在msn見到好耐無見的某友人話拍緊呢套戲，想不到過左幾日已經上左，真係好快啊！除左王晶邊個得呢？而對於王晶fans既我黎講，最美中不足就係見到佢老豆同囡囡出現，但見不到佢本人，實在太失望喇，究竟係我遲入場錯過左、抑或拍左但cut左、定係真係無出現過呢？嘩哈哈！I love Wong Jing very much ga!!!!!!!!!!!!
同Mr. Sailor傾開先知原來佢識Hilda架！（Sailor: 前上司； Hilda：Highschool friend的舊同事），個世界真係好細啊！仲有講開一樣野，就係佢話「個個見到我地個舊老細都掉頭走」，我說他很可憐啊（抵死？沒有人可憐他？）可是如果我在街上見到他，我會掉頭走嗎？可能都會啊！被他連炒兩獲後過了years of 人浮於事的日子，我也常常跟自己說這種際遇不能歸疚於他（第一份工），雖然現在的我比人走得慢，但我仍非常treasure以往的經歷，雖然光陰好像被虛度了，雖然那幾年辛苦無助不足為外人道，雖然真正值得回味的，著實不多。
No comments:
Post a Comment