個市太好，本錢太少

同朋友a君講開份工，原來佢已經轉左工3個月，但係又心思思想轉工，我問佢係咪人工低，佢話「個市太好」，真係道盡全世界既心聲。諗起之前董生上左幾多年就霉足幾多年，諗起呢幾年「手豆」d咩人工，真係好鬼感慨囉。知不過咁多年黎跌到過，受過既氣，真係令我唔敢亂咁黎，有時都要提醒自己，唔好成日怨呢怨路，如果客唔彈稿、老細唔彈稿，咁我又會好過咩，咪覺得自己更廢囉！？轉多幾轉加人工更加唔敢諗喇，到時真係轉到無得再轉咁可以點呢？呢d野真係好邪架，有d人越轉越風生水起，但我無呢種條件囉。所以要好努力咁工作先得，同埋之前份工教左我一樣野，努力地做不如聰明地做，我們不要畀如山堆積之工作蒙蔽眼睛，要做得聰明和出色，先幫到自己同公司。

「個市太好，本錢太少」睇下d工要既quali，真係覺得自己好多不足，亦諗下，自己要邊方面叻d先可以繼續開心地得到一份鍾意的工作呢？但係「個市太好」呢句說話真係……唉，我已經轉左工架喇，叫做翻左一細翻，雖然前幾年既變態underpaid都未返返正常水平，我要知足架 >.<