紅葉瀛風好好睇

哈！呢兩日一次過睇咗 10 集o既紅葉瀛風，真係好好睇，佢地除咗睇紅葉、漏溫泉，仲去d 農場、果園，同埋牧場度探訪同埋體驗生活。

之前因為全世界同時鬧爆其中一個主持湯寶珍講野雞仔聲，所以令到大家特別留意呢個特輯。其實我覺得真係好好睇，唔知佢地用咗幾多時間 visit 咗日本東北地區七個縣市，再影埋好多唔同o既景色。呢d 地方，真是有錢都未必會去，而毛線就有 budget同埋人力物力，做出咁精華版o既旅遊節目，仲可以連播兩星期，真是功德無量。

而我就用兩日在 mytv 睇晒呢個節目，幾乎可以非晒所有廣告，feel so good。

至於選角方面，睇得出製作團隊下過一番心思，由於節目入面有不少「入浴」場面，於是找來 2 位香港小姐同埋大隻仔一齊襯個靚景，等大家可以睇得賞心悅目，其實湯寶珍的雞仔聲同埋張家偉的 abc 聲都好難讀到詳細的對白，而後期珍寶湯更加畀人投訴，結果 cut 埋好多對白都係思琦姐讀晒，真係辛苦晒。

聽咗十集之後，又不是覺得雞仔聲咁難接受，但畢竟藝人要講聲色藝俱全，如果把聲咁梗耳，真係好難捱出頭。但我地都不能睇死人地。好似幾年前 JJ 出道，真是比佢 d 廣東話嚇呆咗，但係幾年下來，雖然佢未算好成功，又的確睇出佢的努力，對佢另眼相看。

所以就算遇到挫折都不要放棄，只要努力和有自知之明，一定會有成功的一天，希望大家也能共勉。