番工真係好多野做，d 野永遠都解決唔晒，於是放假就好想逃避，去玩！呢兩日去咗好多地方，香港、九龍、新界，見咗好多朋友（10 人），真係癲癲地！因為走幾場所以搞到自己好呢 hea，其實咁樣好似有少少重量不重質的感覺，第日唔可以咁貪心……
今晚真係好唔想瞓覺，聽朝又要番去返工……慘！加上之前一晚 0630 先瞓，睡意真係有限……！但係工還是要返的，今個星期希望可以好好 k.o 我心目中的煩惱啦！
最近有幾個小小的心願，想在這裡寫低，不知之後會唔 review 番？！不過 in case 自己會睇番所以都寫低先：
． 一路以來，只有編輯、記者、撰稿的能力可以賺錢，希望自己可以試下其他的可能性
．儘快解決近來工作以內的問題，特別是幫 freelance claim 錢令我非常煩惱 :(
．想在暑假八月前試下自己可否減肥，上星期跑了四日步，希望今個星期繼續努力
．希望可以習慣早 d 瞓，照計早 d 瞓都可以瘦的吧……
．執好 d 間屋
充滿咗好多短期同長期的願望，希望儘快可以達成，晚安！
No comments:
Post a Comment