膠人膠事

近日有不少極度硬膠的事情發生在本人身上，然而要數當中的「膠膠者」，就是我輩大都對潮語中的「膠」字用法一知半解，本著求求其其是但膠「口翕」之精神，在這裡隨意張貼一下《香港網絡大典》對「硬膠」一詞之正解：

「硬膠原本是指硬身的塑膠，但在網上有人用此詞取其諧音代替戇鳩這個粵語粗口；直譯英語為 Hard Plastic，繼而引申出縮寫 HP。硬膠亦簡稱「膠」，可作名詞、形容詞、動詞等使用。硬膠亦與on9相通。小丑icon是硬膠的形象化顯示和象徵。」

資料來源：">http://evchk.wikia.com/wiki/%E8%86%A0

另外，我又靈機一觸創作了一張揮春，將膠字倒轉，取其諧音「膠到」！



歡迎取用，希望大家鍾意~

人生交叉點

路在人前，近來所面對的，是一連串的「選擇」，而且，發現很多事情不是自己可以控制的。

「選擇」當然是比一日復一日毋須用腦只要喪做的生活來得精彩。

不想睡，時5:00am。

以德報怨

近日的我，怨氣甚深，其實在得知bi-weekly消失之前，已經為永無止境的超時工作而超級怨懟了over一個月之久。這幾天的怨氣更加白熱化，到了揭斯底里的地部，被規定準時上班、被指工作無heart等……令無奈指數爆燈。

似乎想通了，只有以德報怨，化戾氣為祥和，才能瓦解我的不幸。

現在要做的，是為下個月中的解脫而努力，為熱爆泰國之旅而努力！希望那個說自己會辭職說了一年的女人真的辭職，不然獨自上路也無不可。

小小分享

呢幾日都將自己沉醉係行街買野之中，但係由於我就黎成為「無收入人士」，所以買既野越來越平，但係真係好想不停咁行街買野啊！~

今日繼續我既hea day同買野day。呢排買左好多頭飾、耳環、手鐲等等，may may見我日日轉款都好羨慕，但佢就慨嘆自己因為對金屬敏感所以只可以帶純銀或者白金耳環。於是我就叫佢試下係耳環上面塗一層透明指甲油，將d金屬成分隔開，咁就唔會敏感啦。

過幾日我見到may may戴住好靚既耳環，佢話呢個方法真係work！見到may may戴住耳環神采飛揚既樣，連我都開心埋一份呢。今日我又將呢個方法話畀yokki知，佢半信半疑，不停咁問我呢個方法既出處係邊度……由於我自己都冇呢個問題，冇刻意記低。不過佢見到d耳環s真係好鬼靚，yokki都趣趣地買左一對返屋企做實驗。

希望yokki都成功啦，戴住靚靚耳環返工，人都醒神d！

時間停頓

返工愈來愈負能量，好想快d完左呢個月。我真係太身心疲累，好需要休息，我覺得太急於搵一份工唔係上上簽……矛盾。

也許我真的太累

尋日睇返我自己之前的post，先發現我做呢份工真係做到心力交瘁，轉個頭又要搵工，真係累人。可能都要休息下，睇定先，唔等錢使又急住搵工，真係無好結果。始終點都好，對於自己同一份工作都要負返一d責任，不要亂黎。

備受刺激，因為爆話我「士途坎坷」，我心諗如果有條女成日畀仔飛，或者有個學生好勤力讀書但成日都唔合格，好明顯唔係黑仔咁簡單啦，真係要自我檢討。

今日放工同juju shopping，好榮幸可以同時裝編輯一齊shopping呀！ :p買左d野好想即刻著！

聽日雜誌最後一期出版，博誌出第一版，充滿矛盾的期待。

嘩！成三點，囉本阿呢黎睇下先，晚安。

開放留言，自創避開Junk Massage之方法

由於我已經進入倒數階段，所以要淡出公司個blog，希望可以優雅咁離開。今日同事JuJu提醒，我先知道原來呢個blog咁嚴密，唔畀無gmail既人留言，唔畀匿留言，出左post又唔畀delete，唔怪之平時咁少人留言啦……於是我今日就將個comment呎度放寬，嘗試開放畀大家留言。（Thanks Juju of reminding me ar~）

開放留言最大風險唔係d人中傷我或者講粗口張貼不雅照片，而係廣告msg，呢d咁可恨既野我係公司個blog就領教過喇，中招中得最應就係那個講數碼相機記憶咭的post，一個星期起碼中兩三次以上先安樂。為左防止呢件事發生，我希望大家都唔好係呢個blog度講任何「牌子野」，就算講都要寫錯個字，等d衰人search唔到我個網出黎，佔我便宜囉我個地盤黎賣廣告！

以下係一個範例：

「呢排我覺得區來亞出既products真係好好用，係我心水推介，近來都試用左佢地好多唔同既products，洗頭水啦cream啦防曬啦，多到數唔晒。除左係PR send黎之外，又有d係係慢零度買。不過呢，我覺得慢零有樣野唔係幾好，就係鐘意搵男仔做收銀，咁入去買埋買埋全部都係女性用品黎，如衛生巾、護墊、脫毛膏、潔陰液等等，真係有少少尷尬囉。」

可能就算唔落牌子名，d熱衷賣廣告人士憑d商品名字都會search到黎，就姑且做下實驗先啦~

蕃茄 + 白菜

阿sir話我呢幅畫畫得唔錯，但白菜既菜葉落得太多白色，令到感覺唔夠鮮色

另外阿sir又問我有無畫開畫，我話會考之後10年都無畫過……其實數下數下，又點止10年呢？Wahaha!

6 X 6 （實屬巧合）

作為一個成熟的人，不應該講些太無聊的話，也不應該寫些不負責任的文章。但作為一個基層員工、準備離職人士，卻又對此權利甘之如飴，就放肆一次吧：

話說「變天」之日過後，大家發現了一個重大的玄機：

「6月6日下晝6點6，將會有5位同事同時離開公司。」

於是大家有個疑問，會不會有第6個？

數了很久，也覺得是沒有的。

最後我在晚上忽然靈機一觸，下了一個極無聊的註腳：

「有6個人想做第6個。」

:p

再出發

昨天發生了一件事，令我非常無奈。如果之前是事情發展得太順利，現在是出現了一個極大的瑕疵……

事到如今唯有用另類積極的方法解決事情。

最後一眼

這幾天連續地工作至比較夜才回家，例如現在已經是4點了。個多星期以來，想過做過的事情也很多，總之自從決定離開現時工作崗位之後，有些忐忑，但釋然的感覺比較多。

我明白，世界很多事情，是try & error做出來的，但是錯了、碰了釘子、做得不好，的確十分令人難受。

捨易取難，吃力不討好，本身就是一件錯事。

我是一個容易忘記事情的人，我覺得未來的生活應該會比現在的好。現在的，只記取美好的事就可以了。

最後一眼，應該漂亮而無憾。

但願如此。



分手的禮貌@我的最愛
stephy是我在雜誌裡最後一個covergirl interview

令人O嘴之廣告

在簡生的blog「山邊日記」 當中，看到他轉貼這個樓盤廣告，頓覺非常搞笑，也貼出來將它繼續傳揚開去。

細心留意之下，會發現廣告是有內容的，而當中最後一幕個女人打開件衫畀個男人「素描」，然後鏡頭拉開見到原來佢身處一幢希臘式建築既其中一個單位，的確係全片精華所在！

睇完之後，除左O嘴亦有少少諗法：成個廣告既畫面都係睇到d女人點樣好subtle咁挑逗d男人，哈哈！咪就係因為買樓的decision maker大部分係男方囉。唔知男士們睇完會唔會lum呢個廣告呢？

於我無用，誠意分享

遣散費
如連續受僱兩年以上，若遭遇下列情況，可得到遣散費補償。
１、公司結束或搬遷引至被解僱。
２、因裁員而被解僱﹙裁員：某種工作需求減少，以至被解僱﹚。
３、在任何連續四個星期內，停工日數超過正常工作總日數的一半，或連續
２６個星期內，停工日數超過正常工作總日數的三分之二。

遣散費的計算法：
１、月薪的按月薪的工資三分之二乘以工齡﹙以２２５００元為上限﹚；
２、日薪或件工的按每年１８日正常工資乘以工齡；

資料來源：香港民用航空事業職工總會
http://www.caunion.org.hk/loking.htm

逃避

有很多事情都想逃避，例如家中堆積如山的雜物、稅單、看見就火滾的冬天衣物等。

而它們的共通點是，不理會也可以勉強地生存下來。

假期終於完結了，真的十萬個不情願，不過還是要跟我的A Little Bit Long Hoilday作別。

工，還是要返的。近來好像沒有得意野、玩意分享，歉意。

前度男友s@母親節

今天是母親節，同媽媽飲左一餐茶之外，又無啦啦約左exex飲野（點知食左好多野！），佢真係太鍾意食野，欣賞食物的程度同我不相佰仲！:p 自從無一齊之後都無見過佢，佢好似無乜點變，證明生活非常幸福。

其實今日晨早exexex都有找我，我唔知點解佢地媽媽節會諗起我-_-，呢個我忍唔住一定要講，佢msn我無啦啦問我得唔得閒，於是我隨意reply一句：「唔好又叫我打字」，佢竟然回我「u r so smart」！當堂O晒嘴……

最後我梗係無打啦，拍緊拖時沒有秘書的議務，現在更加無，仲有d嬲添；容許我係呢度打一個好大既O字抒發我既情緒


OOOOOOOOOOOOOOO

夜悠悠

由星期一等到星期五終於可以放假了！近幾天發生了好多事情。昨天晚上回家即刻吧我在irene wedding拍下的照片fine tune，之後放上facebook，竟一口氣做到四、五點！

後來竟然太亢奮，無法入睡！！！

昨晚睡得不沉，卻把一件事想透徹了，值得。

今天去玩了，呵呵！

開心s

今日好開心take a break，放左一日假去參加Irene 的Wedding，見到Irene同小白咁恩愛，佢地兩家人（變左一家人！）都勁高興，真係自己都開心埋一份。另外阿Paul告訴我佢用左我個blog裡面的一些內容做教材，令我覺得好榮幸，hahahhahahaha！

呢件事令我覺得唔可以放肆地在blog內發放太多負能量，因為太多負能量會毁滅地球架！hehe

嘩！好夜喇！晚安！

塵埃落定

估估下左咁耐，寫左咁多post，終於都塵埃落定了。

好在有先見之人的預告，一切事件都黎得唔突然。當然，亦都因為飽歷風霜既我已經對呢d事淡然，而實際上，呢件事對我既影響亦好細。

望向光明的一面，希望明天會更好。

入夢之前的囈語

今日返到屋企已經十一點，玩了一陣sleuth……其實都是習慣對mon呆坐，因為家中空間實在太細，諗唔到有咩可以做……雖然有好多messy野s可以執。

呢幾日落雨，希望irene's wedding個日可以唔落啦，唔係就好kill joy。不過不過，即使落雨都唔使太唔開心，因為wedding始終都係indoor為主，人物為主，天氣只係陪襯品。錦上可以添花，無花也樂得清雅。

感謝近月看到的美麗風景，對於工作，還是衷心感謝比怨氣多。其實我不是想返工賺好多$$$的人，相比起以前，現在起碼是有尊嚴+開心的工作，應該感激。

呢個week亦好重負能量，我知道其實多野做都有好處，就係唔好用d時間諗一d唔開心既事。好多事發生左唔可以返轉頭，其實，亦可能係好事s。不開心的事，不要想太多就是了。

hyperlink deleted.

一個人的幸福

這個星期都不停地工作。前幾天跟同事說，以前只是埋書的一個星期要開夜，現在幾乎每天都上班至天黑（或天光）了。

每天都對著稿子，每天起碼12小時留在密室裡，感到很納悶。幾乎一直也沒有出去，連採訪也是在公司進行（其實是因為被訪者肯親自來公司）。

每有空閒的時候，只想一個人躲起來。

「春天很容易令人感到寂寞」，這種感覺是無奈的，但現在連寂寞也成為了一種奢侈。沒想到這麼快就變成這樣了。