呢幾日都將自己沉醉係行街買野之中，但係由於我就黎成為「無收入人士」，所以買既野越來越平，但係真係好想不停咁行街買野啊！~
今日繼續我既hea day同買野day。呢排買左好多頭飾、耳環、手鐲等等，may may見我日日轉款都好羨慕，但佢就慨嘆自己因為對金屬敏感所以只可以帶純銀或者白金耳環。於是我就叫佢試下係耳環上面塗一層透明指甲油，將d金屬成分隔開，咁就唔會敏感啦。
過幾日我見到may may戴住好靚既耳環，佢話呢個方法真係work！見到may may戴住耳環神采飛揚既樣，連我都開心埋一份呢。今日我又將呢個方法話畀yokki知，佢半信半疑，不停咁問我呢個方法既出處係邊度……由於我自己都冇呢個問題，冇刻意記低。不過佢見到d耳環s真係好鬼靚，yokki都趣趣地買左一對返屋企做實驗。
希望yokki都成功啦，戴住靚靚耳環返工，人都醒神d！
No comments:
Post a Comment