「點滴是生命」短片

今日看了在mytv網頁入面華光功德會「點滴是生命」的短片，內容是幾個藝人親自到甘肅探訪鄉郊村民，呼籲港人捐款興建水窖改善當地居民生活。10條短片拍得非常煽情，這些美化了的場景當然不能反映當地人生活的原貌，但無疑是非常具感染力的。

生活在城市之中，有時不用與窮鄉僻壤比照自己生活的富足，但都要常常保持著知足的心，感受自己身處的幸福 ^_^

重遊老地方

是日外勤，去了以前工作的地方附近：


大廈名都改左n年，那「美廉」快餐店仍在。


在工作地點望到以前工作的地方。


望出去是海景，幾乎是無敵的。

忽然懷念一下，那些磨滅了的青春與夢，明天又返灣仔囉。

轉載：「母親的抉擇」禁片討論

是日無意中click中sina一單新聞討論，內容係「母親的抉擇」被禁廣告。

廣告一：我要「姓」愛


高潮位，末段：我要「姓」愛，yeah！（wahaha）


廣告二：「嬰」年早逝


高潮位，無：老實講，本人覺得呢段片真係「濕濕碎」，實在唔明邊個位會令人不安。

轉載sina o既報道：
「大眾眼中，食字gag其實非常普遍，而片段中的gag位亦恰到好處，不過新聞處卻認為用「姓」、「性」玩食字並不能清晰表達訊息，因此要將其打回頭。引述母親的抉擇發言人指，不想說教般講性教育問題，固用較另類方法拍攝，而且亦無暴力三級內容，可惜當局「聽唔入耳」。

另一個打回頭是「嬰年早逝」，學生們去靈堂致哀，悼念未出世胎兒，提醒青少年要潔身自愛，因墮胎對一個年青人來說，會好難承受。
新聞處指這段片靈堂背景較敏感，加上「車頭相」有個胚胎影像，可能引起公眾不安。

其實這幾個「出位廣告」，是由演藝學院製作，創意十足，奈何卻過不了新聞處一關。不過電檢處則獨具慧眼，批準在巴士Roadshow上播放，同時亦可以喺網上睇到，幾段有創意又具教育意義的短片，才不致被完全抹殺。」

最精采係對呢段新聞o既投票結果：（截至10月26日下午）


個投票結果都幾 O 嘴，香港人係咪咁「保守」呢？係咪通街都係衛道之士呢？相信好多人都心中有數。光纖之父話齋，資訊流通o既世界入面，充斥住好多是非不分or錯的資訊。其實我地更加要用雪亮o既眼睛睇個世界，希望大家不要人云亦云，共勉。

珍惜當下

今天去了西貢遠足，到了鹹田灣，好美好美，但都沒時間觀賞，又好累好累，於是拍下了幾張，留為紀念。

少婦住家菜

衷心感謝友達c精心泡製之焗蠔！感激！

日曜日的清晨

近來我經常外出，很少留在家中，留在家中也只是上網玩遊戲，其實把所有要做的事都擱在一旁。而公司這幾個月多了幾倍野要做（認真），已經過了120%workload→ ↑efficiency。希望除了工作和食野以外，有點生活吧。

很多事情需要學習，但我要堅持用自己的信念去生活，堅持自己相信的事情，絕對絕對不能輕易被動搖，我討厭維諾，更討厭冷漠。

臉

這一天在公司待了一會，整理些短片才回家，時間差不多九時。和同事 j 閒逛了一會，到灣仔站坐地車回家。已經很少坐地車來回公司屋企，時間已經不早，車廂裡全是一些加班後回家的人，沒有學生沒有小孩，人們的臉都累極，欠缺生氣，男人一臉面油，女士脫妝，幾乎沒有一張是「完整的臉」，只看到一個年輕爸爸抱著孩子，笑起來有點人的氣息，就連在地車車門相擁的情侶，也顯得疲累不堪。

如果可以的話，我寧願每天坐公車，人人並排同一方向坐著，可以望空，或者選擇望向窗外也可以，總之，再不想對著那些褪色的人面。

甜美日子

生日都是食滋味，放進嘴裡，就感受到一種甜美日子的幸福感：


1. 芝士餅、2. 香草雪糕、3. 忌廉，2. 號溝3號，或者3號溝生果都好好味！


呢個皇后飯店的雞扒，放了一朵玫瑰花，邊吃邊嗅到玫瑰花香，連燒汁都有玫瑰花味，友達a說有點怪怪的，我覺得幾特別啊，難忘。


下晝，去o左沙嗲城食雞扒河粉，老實講，下午茶咁實惠，質素就麻麻喇，但加三蚊加o左隻荷包蛋，真係有畫龍點睛效果，幸福滿載！

沙之婚禮 - 劍禮篇

友達沙菲奧與麗婷小姐的婚禮中，看到難得一見的劍禮：



劍禮真係好少見，大家見到都起勢係咁影，我都唔例外，有時都覺得自己過份o左。影相其實都係抒發感情的方法，但影太多相，有時反而令自己錯失了當下的心情。當然，又唔可以抹煞相片/影片將時間凝住的力量。我覺得影得好o既相，就算成個婚禮得一張，之後睇返，都可以勾起當時一刻的心情。

可能因為自己返工成日好形式咁影好多相，所以特別多感慨。張生張太，新婚快樂啊！~

港女心語

今朝一早去o左太古坊影make up demo，之後去elements又係影make up demo，趕到去，見到stylist在為model塗粉底，好野，諗住行開15分鐘買野食個包，此時stylist話，我仲要set鬈model個頭，你出去30分鐘先返黎啦！hohoho！

elements o既「夏麵館」係筆者最愛，又o係正我影野間舖對面，不過自從某日同同事L去吃野，有人大叫「老鼠」半間麵館食客四散後，唔想再去，去o左星巴克：



中碼latte太大杯，菠菜多士好味


做野成日都要去d商場度拍demo，海港城、pp，一去我就勁感觸，成街都係有錢大陸人，幾年前邊度有。呢排諸位都話，d樓比大陸人炒起晒，香港人住新界，d仔搬晒返 大陸同d「女朋友」住。坐係星巴克，周圍都是鬼，就想起，近排成日聽d女友達結交洋人，香港大陸化，唔接受，就要找出路。

其實我係好鍾意道地港男，但係，世界變得好快，有時我懷疑，我鍾意o既港男其實已經唔存在了。

一時感慨，不足掛齒。

西灣河飯腳全軍覆沒

友達 j約我到西灣河吃「最後晚餐」……


Hane Sushi，吃飯途中睇住圖右小侍畀佢阿姐勁腰，阿姐對住對講機話：唔好畀客入黎住，你個同事係咁講電話，張檯未有人執喎，你叫個客等下先啦吓。


野菜薄餅好味


雜錦tampura好味






叫o左勁多壽司同刺身，有人話食完呢餐要食齋喎，博晒命……我當然捨命陪君子，但咁多生野真係唔係好食得落


小白都話寧願飲asahi


之後，阿友達又要食呢個，佢話：阿雲呢拿雪糕真係幾好食……其實佢係好立克棉花冰囉


我點的朱古力秋香棉花冰，有香蕉棉花糖同埋椰果

最後，全軍覆沒其實言重了，西灣河飯腳應該還剩鄰居e小姐吧。

在公園裡可以做的事

圖片說明：我約了朋友交收物件，而另一位朋友在公園邊耍太極邊等我，當我致電時，他說：你去公園搵我啦，旁邊有對男女在鬧交，你一入黎就見到。於是我行近就見到：畫面左邊那對鬧交的男女，望向左邊就見到友人在練太極！笑死我！當我熄機行近時，已聽到那個女人緊張得哭了起來，但二人仍繼續旁若無人鬧落去！然後，我們去了吃甜品，大約30分鐘++後，我們回到沿地，發現佢地仲未鬧完！跟住，戲劇性地，見到兩個人拖著手離開。

可能這樣鬧交很無謂，但又好像是生活中不可缺少的事。

諸事不順

好多時就算唔開心自己都覺得過得去，但今日感覺真係好bad，都係快d合埋眼過o左呢日去會穩陣d……

（500天）包場

早排公司包場，同幾個同事一齊睇o左心跳（500）天：


小白都係座上客：


去緊途中，挨o係chiwawa姐姐胸膛上，仲幾好艷福（笑）~


睇真d呢個真係唔係我妹o黎（笑x2）


同小白金鐘站，好好好好人o既chiwawa姐姐仲幫我同小白合照o添！


（以下有少許內容）
其實套戲o既內容都幾簡單，講一個500日愛情故事，而件事不過係對方從一開始就無諗過into一段感情……500日，數算下來都有一年半時間，一段唔長唔短，無疾而終o既回憶片斷。

似乎好多人都幾鐘意呢套戲。o係友達d o既blog入面，見佢話唔太鍾意電影o既ending。可能d覺得ending太cliche？但我覺得已經係最proper同positive o既結局了。

好多電影ending都要正面、政治正確，有時覺得玩o野o既結局更加叫人拍案叫絕，但現實生活固然冇呢D例子，電影裡面都絕無僅有-.-，不知算不算憾。

荔枝莊詭異見聞

今日一朝早去o左西貢行山，本來好眼瞓，愈行愈精神，路線係由海下附近開始行，經荔枝莊行去榕樹澳。

講開荔枝莊有好多傳聞，網上的資料這樣寫道：

「盛傳荔枝莊當年有義莊，專門放置無人認領的屍體，每逢黑夜， 棺木之內的屍體就破棺而出，四處遊蕩，其實荔枝莊為李氏及陳氏之姓氏 村，今時今日村內已無義莊，隻餘下祠堂，由一位李生把守。」

更有指荔枝莊是hk四大鬼域第二位：

「荔枝莊：樹掛人頭

露營勝地荔枝莊是另一個傳聞猛鬼的地方。其實「荔枝莊」這個地名，背後隱藏一則駭人傳聞：話說昔日荔枝莊長一大遍荔枝林，但後來有村民於午夜時分看到樹上吊的果實變成了一個又一個的人頭，眾人大驚，認為是樹妖作祟，於是把村內所有荔枝樹斬去。

傳聞是真是假，現在難以稽考，但荔枝莊位置偏遠，環境陰森，由碼頭入村，沿途所見，田野、村屋都已荒廢多年，村民只餘寥寥無幾，即使白天到訪，也叫人不寒而慄。一些曾在該處露營的人士更聲稱於該處見到鬼影，聽到怪聲，總之就鬼話連篇！」

其實荔枝莊真的冇乜人住，就連士多老闆都話，「d鬼好鬼麻煩，成日話D人行o左佢條私家路，你地都係行小路啦。」結果畀佢老點左我地行條好多草又好窄o既小路。前面講o個D鬼梗係指洋人啦。

講開又講個士多老闆都幾搞笑，未見其人，就見佢o係檯面放o左幾本album，album入面係佢d「傑作」，包括佢種o既青瓜、矮瓜、番茄同士多啤利；佢獵殺o既魚、蝦、蟹同埋野豬、野味……仲有佢同志雲大師、程翔o既合照！


（可按圖放大）

忽然食ruby tuesday

上星期約o左e食飯，諗住好耐都諗唔到食乜，點知o係世貿撞到o岩o岩o係露比星期二食完飯o既d，佢借o左張六折咭畀我o地，非常吸引之下就食o左：


豬、蟹、牛三式包


我好鐘意食o既ribs :p


為o左唔好剩係食肉咁唔健康而叫o左o既菇菜沙律


e o既黑啤同我o既超大strawberry lemonade，因為用o左vip咭所以可以加到勁大，不過太酸o左d，d冰一路溶都仲酸緊……

除o左我好鍾意o既ribs之外，其他食物都係一般，之所以咁講可能係因為六折o左都要HK$400，令我覺得好貴。呢個價錢我食outback會開心d，可能我無食到呢度最好味o既o野啦，anyway都要多謝d 借張咭畀我先會有緣食o左呢餐~

再見二丁目

change

近日本blog都好少update，其實都好少有時間執返d相，今日又借左部相機畀同事，如果齋寫blog，自己都覺得唔吸引。朋友問我個blog成日寫食。我想問大家，生活中除o左返工同食，你最常做係咩呢？想起有點汗顏。

講下近來的事。工作上，呢排學緊剪片，都幾有心機學架，自己覺得效果都幾理想。不過，最重要都係片o既內容，希望可以剪好d，諗d好o野拍畀大家睇啦！我諗都好睇過……都係唔講喇！

生活上，呢排覺得個hair cut唔得，主要係我貪心地想做好多o野，返工想寫稿啦、剪片啦，要剪片首先要拍片啦，要拍片就要去press event啦，又要做撰稿員啦、又想執下張檯啦……因為多心所以個人平時個人好rush啦，groom得唔detailed啦，想個髮型keep simple、個妝keep simply，打扮keep simple……

平時都好累，但最衰都係無乜睡意，好似依家咁 -.-

今日都無乜特別o野分享，難得都講o下自己的心情，還好，嘴角都是帶著微笑的多。

多謝大家的關照！

化個妝賺10年

雖然返工外出工作時「被迫」化妝，但很多時都幾鍾意化妝後鏡入面看上去比較年輕的自已。無意中看到這條片，d妝都幾靚，雖然係幫熟女化，但係化出o黎一d都唔老套，仲幾有娛樂性。

伊東美咲的唇膏廣告

今日在網上看you tube，無意中看到一雙非常性感的唇，click入去時發現了是伊東美咲的唇膏廣告：


PN唇膏，珊瑚色，好鬼靚！


呢個主題係粉紅色，個唇妝glossy d同薄d，但睇唔出邊一個係較早期作品 -.-


相信大家都可能有印象，係香港版的maquillage廣告，當年都無乜留意個妝，只係覺得對白好搞野！ :p


呢個廣告，都幾近期，應該係last一個伊東的shiseido 唇妝廣告，由舊年年尾開始，就換走o左伊東……粉橙色，睇得出個妝厚o左好多。


搞笑地找到一條伊東出道時期的短片，聽唔明日文唔知佢講乜，條片寫明佢係21歲，咁計落條數都10+年前了。

TS SML

前幾日與友達們去了時代廣場新開的SML食晚飯，所有dishes 都有SML三款大細選擇，似乎都幾「實用」，食物質素就一半一半啦：


友達們都覺得waiters的製服好唔得，我覺得都幾cute :)


所有dishes都有3個碼分


酒精飲品，喝不完。


openrice 飯黨出擊喪影！


小白都食牛腩，配菜是生喻的西洋菜，友達m言：係鬼佬西洋菜！（笑）


硯肉意，yummy


吞拿魚片，友達p言：太多麻油，似丁麵味……（d配菜都有d似呢）


有芒果的chicken masala，巧巧痴


好靚的焦糖cream puff，感覺焦榶不夠，因為cream是不甜的……



都幾特別，好味道就一半一半啦，每人吃了HK$250左右（五人），都不便宜呢。

連環圖

有時候兩張相明明差不多，但總之要兩張相放在一起，才看得出當時那刻的況味：