番工o既價值

經常都思考「番工o既價值」呢個問題。番工好大程度都係搵啖食啦，而呢行人工一般，好多時大家就會話「番工係為咗滿足感」，而諗深一層（或膚淺地），其實番工係比個位置自己，有個 occupation，等人地唔覺得自己係一個閒人。

好多時，番工o既價值呢個問題都會出現，例如畀老細 challenge 時、營營役役唔知自己做緊乜時，呢d 時候，自己番工o既意義就會動搖，會好唔想番工、好想放假、想到極端者甚至會想另某高就，甚至唞下，總之會放棄。

番工其實都係做d 自己認同，而又得到人哋認同o既野。對我來講，以前可能係寫好一隻稿，近一兩年，心態上有 d 改變，因為工作性質好多時都唔係寫稿，現在只係單純想做好一 d 事，有時並非想有甚麼 achievement 或者攞綵甚麼，我心目中係「用最聰明的方法令事情變好」，這「好」好似有點虛幻，如果用另一 d 字形容，可能係「順」、或者「靚」呢d意思，但「好」或「順」或「靚」也是最難達到。其實到頭來，有時做人 aggressive 、有火，比起我這單純追求「好」的確比較好，這方面我就要向年輕同事學習，哈哈。