social networking apps

搭車無聊時常玩一些social networking 的apps，例如skout、sayhi、line、tagged... 本來都有興趣聊聊，但次次都畀人問 age sex location，同icq年代一樣，仲多一樣就係問你番咩工。半點趣味都沒有。恕我膚淺，我真係以貌取人，望住o個d人真係無心機同佢地傾偈，忍唔住寸嘴，跟住愈玩愈忟憎，嚴格來說已不算玩了，因為無enjoy個過程，何苦？我想我好快寧願睇散文小說都不會再玩下去。

孤獨，有時都會想約朋友吃飯聊天，內容都是講我跟那些男士們如何地擦身而過。其他家庭飯局已經不想去。朋友聊聊是可以的，但我忌諱與男士們單獨約會，尤其係結咗婚o個d，我唔想成日見，唔知為乜，反正不是為了我好。

有些事想開始做，但我心散結果等到夜闌人靜才開始，結果時間太晚還是準備睡覺好了。仲有，朋友提我仲有兩個月就生日了，究竟我的青春去了哪裡？我都不太清楚。我想我這十年大部分時間就在怕失掉工作的誠惶誠恐中度過，到後來發現一個小女人不是有錢就能安心，不過當發現時晃眼已十年喇。