Jusco新歌女聲擬似張柏芝

某日同fd閒逛JUSCO發現「日日開心吉之島」主題曲已換成新歌「Let's go to JUSCO」，朋友覺得舊版好聽過新版同埋歌詞較有意義，我自己就覺得舊版「攜同孩兒的主婦，路過街角吉之島裡」的歌詞太白和太leung 屎，新歌感覺較trendy，但朋友仍然覺得不知所謂……太家可以聽聽評評（為免頭暈建議不要看畫面）


最搞笑係post條片出黎的人話係「張柏芝2009新歌」真係十萬個吹漲，原因係佢部電話錄到沙沙聲，但最啜核係聽落把女聲o既聲底又真係有幾分似柏芝，我建議天真嬌可以爭唱一田百貨主題曲，同柏芝平分春色！

其實「日日開心吉之島」一早就應該換左佢，唔係因為首歌leung屎，而係早o係起碼3、4年前，JUSCO的PR已經話我知JUSCO唔再叫吉之島，因為佢e家其實係叫「永旺」（……）而吉之島入香港已經有廿幾年歷史，當年「吉之島」呢個既日式又令人摸不著頭腦既名字將呢間大眾化既日式百貨+超市帶黎香港，實在係一個令人津津樂道的集體回憶！