再見藍鷗

是日與yokki及她的一班朋友去石澳燒烤，地點是藍鷗燒烤士多。多次往石澳也是光顧藍鷗，包括07年kenneth生日會及06年e公司6月之星生日會，因此對這個地方很有親切感。

仍在玩「味精相」的我，發現「味精」真的很容易走火入魔……而所謂的味精，於我本來是想件事個人化及art一點，但最後的結果竟是重現了一種菲林時代「偏色+鬆郁蒙」的感覺。

我們多麼愛懷舊，只是卻回不了頭。-_-

post相時間：

這張banner不知曬過幾次日光浴，現在已開始褪色。最令人感慨的當然是banner中的主人公，不知會不會「重見天日」……想你們


這張相，有點到了天堂的感覺。


左起：阿財與阿花。每次叫阿花阿財總是轉個頭看著我，不知是朋友還是情侶。


一個字，靚！


阿波羅Magic Cone，差不多20年沒有相遇了！！！好回味當年唔捨得畀錢買的那種感覺！後面的是九號仔「阿九」。


謝謝yokki請我食Magic Cone及邀請我出席是次活動！~ :D

浪擲青春

近兩日我非常沉迷打機，最近發現係http://www.hangame.co.jp/呢個網站。勁多靚到爆炸既小遊戲，但係唔識日文就真係唔識玩，我就only識玩砌磗game同「麻將3」，畀大家睇下個介面（按圖放大）：



嘩！靚到！請大家留意，呢個game係打日式麻雀既，唔好當港式或者台灣牌咁打。不過仲有樣野勁屈機，大家留意下我個公仔（左下角），著住件好似底衫既衛衣同埋寶藍色裙，真係梁到呢……如果想擺脫呢個look，好似右上角個哥仔咁，就要畀錢囉！！一件咁既野都要around 300 yen，仲要帽、上身、下身衫係分開既，買晒起碼要成舊水hkd！如果加埋背景仲要另計！其實大陸既QQ亦都已經用左呢條橋，d衫仲要有nike、銳步個d，e家分分鐘佐丹奴都有！不過我已經無q好耐，唔係太清楚。

其實打機真係純kill time……我見d雀友個個都咁上下，rank 1、2、3、4既比例都好平均，就知個program會auto adjust啦！當你亂打左幾鋪輸晒佢就會醒d靚牌畀你……當年打yahoo港式麻將都係咁之嘛。

係時候醒喇！半夜三更係msn見到juju，佢將全副精神灌注係鑽研廚藝同埋照顧「犬兒」之上，比我充實好多-_-，佢提起想開多個yahoo blog寫fashion同埋食（即係公司blog復活版啦！:p）搞到我都好想經營返一個正經既blog，所以開左個poll，希望大家畀d意見在下啦！無言感激！

鈍感力的實戰應用

晚上與yokki & debbie食飯，提起關於找工作的事，令我很有感觸，更想起了多年前的一次見工經驗。

之前兩份工都是一擊即中，加上工駁工，已令我忘記了「見唔成工」的挫敗感。其實大約3plus年前，有一次遭遇令我印象非常深刻。

那間公司其實對面試者非常周到，都安排在六點後見工，讓大家不用特意請假。我的面試時間好像已忘記，大概是七時多左右。準時到達後，由於該公司的conference room是透明玻璃設計，其他人的面試過程也可以看得一目了然。之前的面試者over run，好不容易到了我之前的那一個。只見她與兩位負責人談笑甚歡，非常投契，面試時間長達一小時。於是我足足等了一個半小時才可以面試，當時是八點半，我已經非常肚餓，加上我當時的履歷對於那間公司來說未算非常適合（但我認為是因為之前那個女孩子太適合了！），面試只是十分鐘左右就草草結束。

我一直也相信，自己是否適合一份工作固然重要，但是有沒有人比自己更適合這份工作，才是最後是否被錄用的關鍵。所以即使不能摘取一份工作，也不用太怪責自己的不足。只是，多多少少會有一種挫敗感，至少會感到一點點失落吧。

這個時候，就是「鈍感力」發揮作用的時候，只要不要表現得太過敏感和脆弱，保持積極向上的心態，才能擺脫上述的負面情緒，繼續努力。

希望我也能集結一份正面向好的「鈍感力」。

人生少不免的吃喝玩樂

昨天待到天亮才睡，今天很遲才起床。餓了幾天，這幾天多吃點東西，今晚更加把枇杷果凍吃掉了。果凍甜如蜜，而且清澈透明看得見果肉，好看到極點。

今天差不多把《鈍感力》看完了。也因為這樣，錯過了跟bonnie的飯局，實在很對不起。

過了悠間的兩三個星期，是時候起動了吧？

生活雜貨

今日出左街一轉，又去左同舊同事食飯。返屋企之前去左APITA辦貨：

頭號目標：低乳醣牛奶（好野！有特價！）
呢隻野，我屋企樓下間惠唐冇得賣，所以要去APITA度買。我同好多人一樣，飲左牛奶好易肚瀉，咁係因為腸胃對乳醣敏感。呢隻低乳醣既牛奶，將九成以上既乳醣抽走，咁又可以吸收牛奶既營養，又唔拍肚痛喇！



跟住，又買左兩盒jelly，一盒係juju係blog介紹過既枇杷啫喱；另一盒係睇落好好味既巨蜂提子椰果啫喱，d果肉好大粒呀！！！




跟住，我個菇真係keep唔到呀，左邊d頭髮不出所料，唔長唔短就會繞起，於是就繞埋耳仔後面遮住；好在d蔭用我新買既風筒黎吹，好鬼靚！（因為太殘費事嚇親大家，相片經過特別處理）

遲鈍，也是一種好處

很多時候，被別人責罵或受到委屈，我都不會即時反應。對於這種「遲鈍的反應」，我經常替自己不值，覺得自己經常因為這樣，被別人佔去上風，也是佔了便宜。昨天逛街，在國版書店「尚書房」買了一本翻譯書，作者是小說家渡邊淳一，書名是《鈍感力》。

由於我太沉迷上網，這本書買了下來，只看了兩個篇章。總之書裡大致的意思是，做人不要對事事也太過敏感，例如對別人負面的斥責與批評，不要太過放在心上。尤其是放在眼前那些芝麻綠豆的小事，太過著眼，動了氣，就辦不了大事。

我沒有讀過渡邊淳一的著作。以我的理解，作為一個作家，應該是心思細膩多愁善感，甚至會有點神經質的，他竟然會寫一本書去說明一個成功的人，應讓有一種「對事物反應遲鈍的力量」，實在是非常有趣呢！

書還未看完，不過作者的說法，就令我對於自己的遲鈍，不夠敏感的特質，也變得「鈍感」起來了！~話說回頭，也說說今天的事吧。今晚剛掛了八號風球，幾個朋友也不約而同地在msn裡說，希望明天早上不要上班啦！

對於風風雨雨，我從來都是「鈍感力」十足的，那是因為自從第一份工作當記者開始，無論是八號風球還是黑雨，都要如常上班呢。

在「尚書房」買了這本書，人仔十五蚊，買的時候是二十四蚊呀！


圖片來源：博客來書店：http://addons.books.com.tw/G/CN1/0/CN10100330.jpg

變菇

今日我去左洗牙同埋剪髮。洗牙係yokki介紹，因為好幾年都無洗過，所以想洗下。牙醫話我d牙都幾乾淨，冇爛牙；只係有幾隻大牙唔知點解崩左，要好好保護，唔係worst case就係要戴牙套！:o

跟住我隨意走左入一間髮型屋度剪頭髮，髮型師話我頭髮咁少唔可以剪碎，同我剪咗個草菇頭，佢話感覺可愛d，其實佢可能唔知我年紀都唔細喇……不過菇頭都剪咗，我都幾鍾意，夜晚仲特登買左個新風筒黎吹草菇頭，哈哈哈！

草菇頭最難就係唔分界！


我影咋，無買黎飲。


自拍與爆


我的殘爆手電


爆 V


今日又玩tune相，開頭幾張都重手咗，跟住唯有跟落去啦。d相tune光左之後好多noise，同埋唔似人地咁有少少螢光的感覺……其實如果唔要原色，想tune靚張相都唔易呢！

長洲snaps x 日本feel

尋日去完長洲又急不及待將d 相s放上網，玩到好夜先瞓，今朝中午打後先起身。今日matsu話好鍾意d日本執相風格，哈！我又將d相tune下tune下，自己都覺得幾靚，呵呵！

單車


（原相）


路


（原相）


海灘


（原相）


其實我自己又唔識打燈，所以影相好靠天時同地利，最好個日好天，如果唔係夜晚黑光源複雜既時候，d顏色感覺好rich，都好靚！~

A Trip To Long Island

尋日星期六去左長洲，曬太陽 + 行街。當日由11點幾曬到2點幾，我自己本身都想黑少少，但真係太曬喇，又因為想曬黑d冇補搽防曬，結果曬到少少傷。曬太陽始終都會增加游離基，為左唔好太早巢皮，今年都係唔會再特登走去曬的了。


好鍾意呢張相！

不過，尋日真係幾好玩，曬太陽方面，第一次係香港游水係海裡面見到魚，仲要係黑、白相間的細魚仔，有d銀魚仔同細鹹魚咁大，雖然海面唔乾淨，仲起泡添，但係真係覺得好開心；另外，又第一次遊張保仔洞，都係好新奇既經歷。


第一次入張保仔洞。


多謝苗為我安排呢個生日之旅；另外亦多謝kenneth同ca同苗請我食生日飯，同埋ca送既生日禮物！~呵呵！



火焰雪山同香蕉船，賣相都非常吸引！而且好好味呢！

好久不見的……

今天心血來潮，把我的電腦桌收拾好。一張桌子，竟然可以執出一個垃圾袋的廢物，真的非常厲害！！！最後，終於看到久諱了的桌面，還把它抹得乾乾淨淨的，感覺良好！~由於工駁工，又懶執拾，已接近三年沒見過這滑溜完美的檯面了嘻。

感覺煥然一新。其實家裡尚有很多地方有待執拾的，希望之後也有心機完成啦！

生日的一天

哈哈，終於到了我生日的一天了。今天下午去了和舊同事食飯，之後和juju去了逛街，買了一些衣服啦。今天也穿了新的鞋子，但鞋子有點硬，穿得不舒服 -_- 不過好看就是了！嘻！

謝謝juju送我的禮物，保健請食飯，以及yokki的「大」禮，哈哈哈！

希望來年也是一樣那麼高興！~

黏著電腦太久，也有點膩了，是時候起動起動一下喇！

我的生日

今日係我既生日，哈哈哈，好開心，收到好多msn、sms同埋電話，仲有呢度既祝福，應該係收到最多greetings既一年啦！！！有時會諗，出年「3字頭」既生日會唔會咁高調呢，或者一不做、二不休，係酒樓擺返圍「大壽」呢？

哈哈，真係唔知，anyway，生日應該開心的，祝我生日快樂 :D

沒想過出走

這幾天因為有backup返以前既野，所以有機會睇返自己以前影既相同job，發現原來係「jobize」自己轉變都好大，我應該講算係幾大進步，哈哈哈！但係好多時能力唔係好重要，機遇先係最重要，而能夠令自己有更多機遇就係一種最好既能力，但自問呢方面能力實在不足。

除左job仲有一d平時影既相有backup。相對於blog入面既字，相就更加直接易明喇，睇到d相就即時會記返起自己做過d乜，最珍重邊幾個friends等……不過都係唔開心既多。

好多人叫我出外走走，我開頭覺得無呢個需要，但係漸漸我想法又有少少改變，如果去一個陌生、無人認識我既地方抖一抖，應該可以refresh一下自己。但係呢一刻我對於一個人旅行，以及同其他人旅行都已經失去信心，多重打擊之下，真係唔想去旅行lor……

呢一刻真係好多野都唔想，但係無野想。原諒我亦無能自已地係呢一刻發出左點點負能量。

請為我的生日送上祝福

一年一度既生日又到，非常希望收到大家既祝福！~

多謝大家！

重新整理

呢幾日比較空閒，但可能因為咖啡茶無飲，加上日夜癲倒關係，竟然惹上咳。我心諗，咁多時間抖，竟然病。再諗，咁多時間留係屋企，屋企真係太混亂，咁污漕，唔病至奇啦。

不過怪其他人都無用，做好自己先講。尤其係前幾日去左梁宅一行，覺得一間屋既氣氛係需要努力去打造既。之前成日返工，根本無時間同心機整d野，屋企最多雜物既人，一定係我。美容產品、衫、書信單據、雜誌、鞋等等，統統都係元兇，搞到屋企連一個用來瞓覺既地方都不如。

之前純hea左幾日，今日終於有少少作為。除左執野，又將07年開始d圖片燒碟。發現原來自己為左寫個公司blog，影左好多對自己無意思既無謂相，另外都係一d同朋友一齊聚會既照片。就係咁簡簡單單咁總結左呢一年以來做過既野，唔算精彩，okay啦。雖然當中有好多遺憾，特別係同朋友之間方面，但係都要嘗試接受。


貼一張係我desktop入面既snap，係前排我買零食返公司食時發現的。雖然我今日感慨的不是兒女私情，但是這篇漫畫有一種「往事如煙」的感覺，可以呼應到我今日的心情。（按圖放大）

生日會 + 購物樂

尋日去左梁宅度玩，本來係鍾姑娘正日生日，但佢又冇出現，結果變左我的生日會 :p 希望鍾姑娘佢快d蒲頭喇。

言歸正傳，生日會入面，食左好浮既超級大蛋糕，上面有假飽魚、假帶子、假魚翅同埋真金箔！好矜貴！跟住又收到梁太送既花花，同埋玩左遊戲，食左詩詩主理既住家飯，係一個非常溫馨既b day party！多謝大家！~切蛋糕切左兩次，第一次係扮既，因為配合爆要早返屋企，第二次係真，有吹蠟燭同埋許願，年年的願望多多少少有d唔同，希望今年願望可以成真！

今次係第一次去訪梁宅，見到佢地一家人住左新屋之後，感覺好似大左3、4倍，真係好開心！我地幾個人過夜之後，我同詩詩第二日下午繼續shopping，我買左好多野，好想寫係呢度show一下：

Timberland行山鞋（約7折）
le saunda金色圓頭矮跟鞋（約6折）
Baby Jane湖水綠色人字拖（2折）
izzue黃、白格仔繡花圖案背心（1折！）
海底椰標止咳露（好咳……閒到病左！）
Dove 新味（橙 + 香茅味）沐浴露（200ml試用裝）

買左大約$1,000，已經等於幾日人工喇！好多都係鞋，因為我實在太鍾意買鞋喇，不過我覺得我買鞋的能力已經提升，會買d襟興同埋大路，又會岩著的款式（以前經常買細size，同埋買懶得意的款，之後少著）近來仲鍾情人字拖，好在人字拖一d都唔貴！前幾日都無買乜野（買了日用品），又少出街，心諗如果想繼續開心買野，要快d搵返份工先得喇！

THE DRAWBACKS OF MY RETIREMENT

tODAY i JOINED THE FAIRWELL PARTY OF MY EX-COLLEAGE. mOREOVER i WAS QUITE DESPERATE BECOS i WAS PRETTY DRUNK AND NOT ABLE TO SING IN THE KARAOKE MEETING. aND MOST OF ALL i'VE ALEADY FOUND A LOT OF DRAWBACKS OF MY "retirement", WHICH WERE NOT EXPECTED:

1. aLWAYS FEELING TIRED OF STOP DRINKING COFFEE, TEA & COKE;
2. bACK PAIN CAUSED BY (1), AND WHOLE-DAY-STICKEN ONTO FACEBOOK;
3. nEEDS OF EXERCISES TO GENERATE ENDORPHIN TO RELEASE THE PAIN (BUT i'VE ALREADY CUT MY GYM MEMEBERSHIP LOR...);
4. pOOR AIR CONDITION OF BEING 2ND HAND SMOKER;
5. bAD MOOD CAUSED BY (1)TO (4)AND EATING LESS...

mOST OF ALL THESE ARE ALL FACTORS CONCERNING MY health!!! wHICH CAN ALSO BE CONCLUDED AS "health + age" CONCERNS, WHICH IS TOO BAD FOR ME LA... -_-

占星術

入面只提及黃道十二宮入面「白羊」同「天蠍」，哈哈哈！

生日飯

今日食左今年第一餐生日飯，去左黃金廣場四樓的一門度食串燒。其實一日到黑大魚大肉的我，對於食物都無乜要求，亦都無乜期望，但呢度d串燒真係好好食，esp係燒雞軟骨、燒雞翼同燒玉子！d雞燒得微焦同香口，加埋七味粉一齊食少少辣好好味！至於玉子就同個燒汁配合得好好，唔算好有蛋味，但熱辣辣撈埋凍凍地既蘿蔔蓉一齊食，真係好好味呢！

多謝bengy！希望今年繼續食多d生日飯，hehehe~

好樣衰！

今日諗住裝修下個blog，發現原來我裝左adsense之後得一個人click（仲唔知係咪我自己），收入得0.15美元……跟住見到有fucntion係可以link d朋友同埋玩投票，咁即刻add啦，點知條問題打錯字「你幾來黎呢度一次？」勁樣衰呀！但係已經有人投左一票，所以唔可以改喇，omg！唯有由得佢擺幾日啦！以後都係小心d好。

再見牛下

今日同爆去左牛下影相。牛下已經拆左一半，相信呢一半亦好快會拆。連埋裕民坊，我最熟識既觀塘景觀好快消失。由第一份工我己經係牛頭角返工，之後斷斷續續差不多3年都係呢頭，加上苗表弟都係住附近，所以除左我屋企之外對呢區特別有感情。

記得第一份工返左唔夠兩日，同事就帶左我去牛下度食晏，食左乜野真係唔記得，只係記得當時有間報館打黎問我係咪搵左工，我話係 :p 可能就係因為ject左呢個offer，所以先至「有今日」！！！

雨個人花左一個下晝洗左八座同九座，今日係假期，留係屋企最多除左小朋友就係老人家。爆話小朋友雖然窮，但係佢地都好開心，同知足，我地更加不要成日自怨自艾。佢地畀我感覺好真同埋互相愛護，而且好有禮貌有家教，唔似出面d畀人縱壞以為自己大晒又老積的小朋友。希望佢地唔會因為屋企錢唔多而無自信，繼續開心快樂咁生活。

黃克兢樓瀑布奇景

朋友send黎的短片，由於前日落大雨山泥傾瀉關係，Hawking Wong Building出現左室入人造瀑布奇景：



前日真係好「大水」，好在無影響我旅行的興致，呵呵呵！

待業Wish List

唉也，心情太複雜唔想訓，寫個Wish List先：

1. 執返間屋d野
2. 問爆爆借marco鏡影相（爆爆已應承借畀我，不能看此post後打尖！）
3. hea（多年未做過的事，不知是幸是不幸）
4. 搵份好工（要有個「好」字先得！）
5. 清下部腦（愈來愈慢喇，要backup）

無乜其他啦，有都係無誠意之作。聽日去馬交，贏錢返黎再講 :P

謹記向前走

在老闆皇恩浩蕩之下，本人得以提早last day（應該係早左一日左右 :p），之後就同一班前同事一齊食野慶祝！今日真係好開心，一來無搏命食，二來亦覺得唔再一齊工作，好快就會生疏，會好好珍惜今日的感覺！~

同舊同事一齊，好多時都會講返以前的軼事，懷緬下d共同回憶，但係講下講下，回憶都係有限度的，若把回憶說過了頭，就會顯得無趣了。

希望自己稍作休息，再繼續努力向前啊！

Love u all~ :D

不愛，也是一種愛

今天晚上「放工」後還要工作，參加了「銀黏土班」，juju製作了一件狗骨頭狀的銀飾，而我的就是一枚花生，很有趣但不算好看囉。

明天是最後一天，工作忙碌，要處理好預支支出（petty cash），把工作資料備份，寫好最後的稿，然後跟公司內外的朋友告別。這兩天好開心，像放下心頭大石，雖然有少少擔心離開工作後會清閒得按奈不住（聽聞有人一放假就頭痛 :p）anyway得到老細的大赦可以早走是一件開心的事啦。



離別不算難過，這裡短短一年遇到很好的同事，我會記得大家 ^_^

SET ME FREE

返到屋企就好眼訓，d時間唔知去晒邊，今日畫圖畫勁差。

直擊左今日勁爆笑的日程之後，舊同事叫我唱k一定要點呢樣歌：



但係我應該唱唔到呢隻歌的神髓囉。

準備倒數

這幾天已經進入了倒數階段。

近日形勢不斷在變，作為一個員工，多少是有點怨氣，在做生意的角度看卻是無可厚非，祝老細運籌帷幄同埋好運。

回顧這些年頭，e家先做左唔夠十年，已經做到好似飽力風霜咁，真係需要休息同檢討。一世人流流長，分分鐘要做多二三十年先「退休」，難得有機會抖下，唔應該咁快畀自己咁多壓力，應該好好休息recharge myself。

呢幾日日日都同d同事話，都冇乜幾多日喇，跟住周圍去喪食同喪買，剩係同juju行街都行左三日，好在佢同我一齊我都係睇d相宜的貨品jek！不過相宜還相宜，我同佢買野的比數竟然係9：3！！！

唔使受氣，已經幾好……不過聽日仲要返10點囉！-_-

半鼓作氣

呢幾日食左d止痕藥簡直藥力四射，日日都起身又訓，訓醒又訓，冇食兩日藥，訓到今日先正常返少少。今日下晝半鼓作氣咁將d冬天衫s收埋，放部份夏天衫s出黎。發現自己真係好多衫s。唯有慢慢將d certify既衫s掉左去或捐左佢，應該都會好大工程。

但我重申，買衫s係一種心理需要，衫s係不可不買的，accessories亦一樣。

今日係vic生日前席，盛裝出席左佢既生日飯局，最搞笑係明明佢生日竟然收到佢送畀我的「聖誕禮物」，真係有d唔好意思……件禮物真係好靚好岩我架，遲d戴畀大家睇~

今日畀bon影左呢張相，是為photo of the day：