嘩！靚到！請大家留意，呢個game係打日式麻雀既，唔好當港式或者台灣牌咁打。不過仲有樣野勁屈機，大家留意下我個公仔（左下角），著住件好似底衫既衛衣同埋寶藍色裙，真係梁到呢……如果想擺脫呢個look，好似右上角個哥仔咁，就要畀錢囉！！一件咁既野都要around 300 yen，仲要帽、上身、下身衫係分開既，買晒起碼要成舊水hkd！如果加埋背景仲要另計！其實大陸既QQ亦都已經用左呢條橋，d衫仲要有nike、銳步個d，e家分分鐘佐丹奴都有！不過我已經無q好耐，唔係太清楚。
其實打機真係純kill time……我見d雀友個個都咁上下，rank 1、2、3、4既比例都好平均，就知個program會auto adjust啦！當你亂打左幾鋪輸晒佢就會醒d靚牌畀你……當年打yahoo港式麻將都係咁之嘛。
係時候醒喇！半夜三更係msn見到juju，佢將全副精神灌注係鑽研廚藝同埋照顧「犬兒」之上，比我充實好多-_-，佢提起想開多個yahoo blog寫fashion同埋食（即係公司blog復活版啦！:p）搞到我都好想經營返一個正經既blog，所以開左個poll，希望大家畀d意見在下啦！無言感激！
No comments:
Post a Comment