捨得再捨得

是日又是在公司忙了整天，沒有外出但工作做不完。明天有好多野做很容易掛萬漏一，其實好怕做不完或渥左，希望明天會記得和有能力完成所有的事。

晚上出現在公司的飯局，我坐那圍人不多，本來諗自己閒著會想到一些事情，但是腦海一片空白。工作還是沒做。晚上和幾個朋友閒聊，說些生活和工作的事，其實每人都面對很多事情，我覺得除了處決生死，都沒有甚麼大不了的。


現在就先睡一會啦 :)

粉紅色的夢幻

今天五點多便出發和同事去了尖沙嘴的 event，食完晚飯回家已十一點。回到家中也沒有開始工作……我不想工作推到太遲才完成，或者明天早點起床做也是好的。

心力交瘁

這可能是本 blog 最常出現的題。

今日累到爆，但還是番了工，留在公司做庶務，但是預左做一日都做不完。寫了三日的稿，但是訪問稿還未寫，諗住囉番屋企寫，但回家又不想寫了……

今朝起身唔記得搽防曬，塊面即刻好黑，唔知關唔關事。

戴 con 太累對眼開始累，要休息了。

中意坊

今日同鴨生鴨太去左鯉景灣 o既「中意坊」，雖然我住附近，行路都去得到，但是我是第一次去：

為於鯉景灣o既「中意坊」。

咖喱椰菜豬扒無花果，好味！

紅酒蕃茄牛尾，好夠酒味，但牛不夠腍。

ruru 鍾意食o既魚子醬蒸蛋。

炒西蘭花

白酒一支。

專程由巴黎帶番香港的 dessert wine 一支。

鮮味的豆鼓蒸魚，很新鮮，連魚肚都可以吃掉！

甜品有好多選擇，揀唔啱仲有中式甜湯。

我地點了的甜品，ruru 隔籬的武林聖火（cream + 脆筒 + 脆脆碎 + 阿華田餡）同埋前面的士多啤梨布甸 + 木糠布甸 + 百力滋，就是我吃掉的。

老闆送畀我地送酒的芝士梳打餅，d 芝士好濃好「臭」的，wakaka

隔籬檯都係飲酒， 4 人飲了 4 支，我地輸咗，wakaka。

網誌轉了新的 setting，不好用，d 圖走晒位，caption 又細 -.- ，希望快d modify，不然話我老土都要嘆句「新不如舊」！

寧靜的一天

今日起身已中午，家人已經出左去飲茶，打打下機好想食麥皮，於是走去整黎食。

打開包麥皮時發現隻貓喵喵叫，䏲下佢個貓兜得番幾粒食剩的飯，佢叫得非常之慘，但我不知佢 d 貓飯是點煮出黎，又不想開罐罐頭咁益佢。於是我麥皮旁邊找到一包貓糧，應該是阿妹買畀佢吃的，我倒了 20 零 30 粒出黎，然後將佢個兜放係窗口附近（因為唔想佢阻住我整野食），佢乜都唔理係咁食（好似前世未食過野咁款），我未煮起 d 麥皮佢已經將 d 貓糧食晒。到我整起 d 麥皮佢已經番左去自己張凳度瞓覺。

平時都唔見佢食貓糧，又以為咁硬既野佢會唔鍾意食，我估佢一定好肚餓定喇。

超地獄！衛奕信徑第一段

前幾日同 ms big 講開話不如一齊行山，於是好豪地話一個月行一次，今日就開始實行。我買左本書叫「香港遠足全攻略」，諗住由 d 近 o既同埋易行o既開始行，見到行黃泥埔至赤柱係最方便（因為可以在銅鑼灣上巴士）於是就揀o左呢條 route。

 點知一開始行就遇到困難，因為我未用過呢本書，第一次睇就落錯車……之後當機立斷o既 ms big 就決定搭的士去起點，要搭成 50 幾蚊先去到起點。個度有水上單車踩，但我地就無去睇。

原來我地行既係衛奕信徑第一段（逆行） ，首先行上紫羅蘭山，一上山就有靚景，見到 IFC 同埋 ICC：

個山真係好多紫羅蘭，好靚！

過左紫羅蘭山，以為行完，原來先至係啱啱開始……孖崗山兩個山頂都要上落上落，從來未試過上咁多樓梯（據聞共 1400 級！）好在呢日天陰大風，如果唔係一定中暑！

行極都唔見頂（此相已 tune 色），最後好辛苦地行了三個幾鐘行完（d 書同網址寫 2 小時 / 2 小時 15 分鐘）

好辛苦，但都幾有滿足感，希望好快可以再去行山！

我沒有小聰明

間中也會想起以前的事，多數是關於工作，也有關於感情生活。前天好像跟朋友提起以前的男友，那天晚上我夢見自己在他家附近的巴士站經過，但眼前的人仿如陌路，我想他對我的潛在影響仍然揮之不去，雖然有時我以為他已經淡淡地離開了我的生活。

看不開，即使再有人經過，也看不見的啊。然後我跟 r 說，現在的人，都輸不起。她好像很同意，說，是啊，我也沒有多少時間可以輸了。

但我心裡也明白，不敢下注的人，死賴著不肯離場，也不會贏的。

這個星期不停地聽聞一些發生在年輕人身上的事，關於工作的。我常常想，如果以前的我有這樣的幸運，應該會好好珍惜的吧。可是我就是一直沒有那點小聰明，加上那個年頭，只有瘟疫和低迷的經濟氣氛，好工作長年遙不可及。其實我們這代人，很多時候，還是繼續在一天一天為工作蹉跎或擔心。

如無意外，希望有第一份能做滿兩年的工作，也希望大家繼續好好努力 :)

曖昧期與社內戀愛

今日幾乎準時放工，放工後去了 y 先生生日會，席間 y 公佈他的婚訊，大家也很感動，但我反而是覺得這應該是更早之前發生了的事。我和人妻 k暗地裡討論 y 先生和未婚妻有過好長的曖昧期（5 + 年吧），k 說，曖昧的時間最美好。我對 k 說，她已沒有曖昧的機會了 :p

k 是社內戀愛的成功例子，我說她老公向她示愛需要很大的勇氣，她說他都沒所謂反正都打算不幹的啦。工作與愛情是可以並存，但社內戀愛是不容易的吧，不過我都沒試過，刻下只能猜想，未能將心彼已。

Burger Restaurant 4 （按題前往）

由 Burger Restaurant 第一集開始就有捧場，今日發現此小遊戲推出了第四集，立即玩「爆機」，發現這一集比之前三集都易玩，過版零難度，以下貼出我的成積（中途停玩，斷了一次），如一氣呵成完成遊戲的話相信可以比我高分，大家有興趣都可挑戰一下。

獨身

今日師姐 a 問我有沒有想過獨身，我說「如果獨身，都沒有辦法。」其實我只是草草回應她的說話。根本現在就是 single，她所指的獨身，可能是終生獨身……這問題未到死的一日都答不到你，除非我明天不小心過馬路…… 那就可以證明我終生獨身了。

尋找伴侶，可能是不少港女的問題。於我而言，擇偶條件並不會因為港男的供應減少而降低，更何況即使我「委身降呢」也未必有拖拍，因為人揀我我揀人。如果有人想 test 下個 market 有幾低，將自己降到一個「可以接受別人 / 被接受」的水平，我冇異議，但那人不是我囉。

平時吹水傾偈，幾分鐘就知對方是否啱嘴形，除非是番工被迫朝夕相對，可以畀多 d 時間，「相處多 d」，或者可以找到一個「夾」的人。但現實生活當中，並沒有這樣的情況出現。

現在行得走得，講白 d ，「想找個伴」其實不過是心理需要。找個不對的人，不如單身一個身心健康。最緊要不要因為單身而感到自我形象低落。總之大家自己執生啦，共勉之。

中秋翌日記

尋晚玩得晏，四五點先瞓，今日四點先起身，約左友達 r 一齊去剪髮，剪完之後去左行街，買左一件格仔衫同埋一條短牛仔褲 :D

是日秋分，開始感受到涼意，r 發現東京現在得 18 度，加上現時政治氣氛，真係去到都冇乜癮。不過都好期待，完成工作之後可以輕鬆幾日。

港鐵眾生相

自從在小西灣隔籬番工後已經好少坐港鐵，呢幾日坐港鐵，見到d 阿爸同小朋友猜枚：

單手枚：
有日見到個老豆同個 7 至 8 歲囝囝猜單手枚，一人出一隻手，出零到五，再嗌兩隻手加埋的總數，輸左打手板。亮點係阿爸爸條金鏈好粗好令。

另一日又見到一個爸爸，同個 10-12 歲的囡囡猜 15-20。

乜現在 d 老豆咁教小朋友的，而我腦入面想到既就係，呢 d 老豆平時係咪成日同出面 d 「囡囡」猜枚？

字字珠璣

每日工作都要寫一篇blog，其實自己的blog真的會冇野想寫。之前有想過自己的blog很少講我用過的化妝品，但我番工已經全程講，再要講的話真是完全沒有趣味了。保養化妝，我鍾意追新，但不會吹毛求疵，或者多少也因為我常常抱著一個信念「幾多歲似番幾多歲咪算囉」，即是考 80 分要用七分力，考 90 分可能畀兩、三倍力都未必做到，過得自己過得人就算。

星期日買的鴨仔七色燈壞了，希望明天有空拿去換。

星期日遊記

今日同 ms. big 去左灣仔 art center 睇展覽，之後落 mk 行，行左好幾個鐘但係買左的都係玩具同埋文具，冇乜實際作用。

買左一隻七色燈鴨仔，但係個膽開唔到，入唔到粒叉電落去，聽日要囉去換。希望我可以換番隻靚鴨仔番屋企啊。

好累，但唔想瞓，好宅

maid in 4 styles

This is the first time I play the "maid sticker":

my style


fashion editor f's style


designer b's style


... ... i.t. expert s's style -.-

thread man

做左一個月，終於都入直路，和同事 r 相約去銅鑼灣睇戲，睇戲之前食個飯：

寫緊情欲短訊，個樣勁 lum


巧多野食，全部都巧巧食！~


呢個女人好容易滿足，睇佢食「海草陽春麵」都咁開心就知啦！~


飯後和 r 一起去逛 c!tysuper，這是 r 送給我的「女僕貼紙」，d 貼紙可以貼來貼去換 look


呢張就係我送畀 r 的野性美女貼紙，呢個女人會著豹紋衫，冇我那個女僕咁純情！~


入到戲院坐低，忍唔住犯禁影了這張相……

我唔歧視男人脫髮，唔歧視人戴帽溝女，但唔好戴住頂咁高咁硬既帽睇戲囉，失禮死人喇 -.-

插曲：
睇戲之前遇到友達 m，在 c!tysuper 買中秋送禮佳品，我見到佢就揮手，佢笑笑口話：「唉好煩。」之後唔理我繼續買水晶梨……後尾我地準備去睇戲又撞到佢，佢又笑笑口話：「唉好重！」之後走左去。同事 r 話佢好搞笑喎，wakaka，我話，乜都嫌三嫌四的口吻，咪你地d 天蠍座囉，wakakaka！

ps. 多謝鴨伉儷送我的 LCD 芒！
pps. 祝鴨小姐生日快樂！！

人間正能量

今日又晏左番工，但好事係我可以在之前一日出稿，呢幾日的新稿都可以準時 9 點 update，都算進步。

好想工作做得 smooth d ，需要努力，另外好想做番以前o個種，覺得著得靚去 event 係工作一部份的感覺，但唔知係咪化妝打扮興趣同年齡成反比，hea。

同鄰居在屋企樓下吹水，每人生活都有煩惱，雖然我幫不到佢，希望佢快d 解決。

在網上認識了一個新的友達，佢話是看我 speed dating 的文找到我的網……通常呢個話題囉出來講，都好多人有興趣聽 -.-

太夜了，都是不要再寫了。我希望多 d 去街睇戲或者睇書，感受下人間的正能量，灰太耐會乞人憎 :(

烘焙人生

呢幾日都在玩 baking life，望住呢間我自己設計既麵包店，真係有無限o既滿足感！


呢間面包舖 expand 左一次，之後我就無再將佢加大……暫時都唔想咁做。我見一個朋友間麵包舖細細間，但係用 d 靚料黎裝修，都好靚！

讀中學時同同學一齊設計一間自己既 dream house ，同學仔間屋有幾層，又有工人又剩，而我個間自己畀我自己間房大少少。我覺得一間屋唔需要大，自要踏出家門，世界自然大，wakaka！

庶務日

今日嘗試早 d 番工
成功但 hr 打電話黎話我遲到
平時仲遲又唔打黎 :p
做左好多庶務 + 開會
8 點放工好似斯德哥爾摩症後群復發（official 6 點放）
仲有要清假
未諗掂去唔去旅行囉
放工食飯後爆話一齊食宵
行出去條街勁行雷
之後勁落雨
感覺甚詭異

明記出名糖水，雞翼也非常出色

新朋舊友

早上去了冒險樂園 event，玩了碰碰車、換了一支可樂和用了幾十個代幣「擲彩虹」，得到 4 包芝士圈、一包 BB 維他奶和一個 ruru 公仔。

呢個就係新朋友 ruru，仲有 鴨太送畀我 o既馬交手信。


晚上同友達 b 吃飯。同友達 b 已經識咗 10 年，我同佢都先後做過 copywriting 同埋 .com 既工，然後我地回想番，當年有幾多同事仲做緊呢行呢？真係一隻手都數得晒。究竟係自已選擇定身不由己？完全解釋唔到囉。

得到 ruru 之後真係好鍾意佢，希望佢代替稀珍成為我最好既朋友。雖然稀珍最後都無機會番黎，但我都希望佢o係另一個世界過住幸福快樂既生活啦。

青春的殘酷

星期日在 mr fong 家看到 十幾年前的自己，因為是 vdo，感覺非常震撼──那個鍾意繞埋對手、寒背、側頭，講野無厘貴格的靚妹竟然是我。如果你問我，是否很懷念以前的自己？我會說，比較喜歡現在的自己。雖然現在的我，未必是完美的，但用今日的我的審美角度，總覺得這一刻的我比較可愛。

還有關於取捨。上個月忽然病，肚痛得厲害，今個月提自己飲少些冷飲，多吃點東西，果然身體好左，個人都開心 d 。雖然手肩脹左無咁靚，呢個 trade off 都算抵番。

想兩全其美，就要囉第 3 樣野出黎，我又不想。

初訪方宅 2.0

昨天很夜才睡，今日去方先生新居遲到了。見到一班舊同學，方先生播映 12 年前一套短片，看到那時的自己，做過甚麼都全部忘掉了，但見證了大家認識了這些年，感覺還很好的。

我的休閒裝束


可愛的 hazel fung，乖


hazel 見到藍色鴨仔就當它是波波丟開，媽媽話鴨仔會痛，她都不理


回家時，在 jusco 見到稀珍的親戚在上班

請客吃飯的潛台詞

某在 speed dating 認識的友達最近在追求一名女子，佢問我人地畀佢埋單是不是代表有機……有時我真是不明d 男仔諗乜，有d 男仔好鍾意請食飯，我覺得一個女仔畀個男仔請食飯完全唔代表d 乜，只代表個男人有錢或者代表個女仔港女唔鍾意畀錢而已。重點反而是個女仔肯同佢單獨約會，所以我認為友達是有機會的。

如果要我同一個唔鍾意又疑似有意的男人吃飯，吃兩次都嫌多啦。

我和友達都同意，在人山人海入面識到一個投契人真是好難的，聽到人地追緊女仔自己都有親力其境的感覺，好鬼 sweet ，希望友達水到渠成啦。

中秋節快到了，前幾天在公司附近商場見到我心愛的兔公仔出現：

好大隻 miffy 令不少小朋友駐足觀賞


細細隻 miffy 在商場內供人拍照留念之用

搭霸王車

今日本來想早 d 番工，但結果都係晏左少少
下午同同事去飲茶，之後去了發佈會
8X 巴士上有條癲婆，在上層準備落車時，無啦啦在樓梯口大嗌
又係 short o既
發佈會入面，我地o個組好叻，贏左 valmont 眼霜一瓶
下午同 it 同事開會，d 野未搞掂
搞得黎都放工，同同事去左杏花村扒王之王食飯
之後去左 swank fashion show
搭港鐵番屋企時岩岩追到 0058 班車未開，但 d 閘閂晒
掃地阿姐特登開門畀我，叫我去到站先補飛
到站票務處阿哥趕收工，費事收我錢
於是被迫搭左一程霸王車 -.-

有少少唔記得今日做左乜

尋晚有開冷氣，瞓得幾好
雖然瞓左 7 個鐘都唔知有冇但覺得自己好夠瞓
今日改港鐵轉小巴番工，果然快少少
買左個包食，但點知入面粒合桃太脆，刮損上顎
食左飛機燒鵝瀨粉同即磨 coffee 做晏 好味
下晝去左探 bb 好得意，我都想要一個 :p
做野做到放工，諗住改埋稿入埋稿先走，點知搞左好耐
跟住又諗住等埋同事一齊放，又搞左一陣
又番埋位寫左個 email...
結果走個時好似 9 點
之後 hea 到 e 家

日日都差唔多，我聽日既目標係，每日番工都做少少唔同既野 :)

搭錯車

寫女明星訪問，寫左好幾日都寫唔完
呢兩日都八點幾開始寫，超眼瞓，講野反應都慢過人
下晝搭巴士，在 8P 維園站有個阿婆漏野係巴士站
佢超大聲嗌，我要落車啊，漏左銀包啊，我自己負責啊
如司機唔停畀佢，下一站就係柴灣公園
佢把聲大到無可再大，結果司機過了燈位，在消防局夾硬畀佢落車
原來大聲真係 work
個個月幾日咁呢 hea 真係唔掂，我幾時先可以做野叻 d？
平日 d 搞都想做得好 d
已番了 4 個月工，要清楚自己工作的重點
生活、工作都要調節
晚上和友達 j 食飯，食完飯去了買野
買了一枚指環一條連身裙
回家想搭 2X，點知搭左 8
在利眾街之前個站落車，想行去柴鐵，原來好遠
工廠無人，七月，勁驚
都係因為太眼瞓，load 得好慢
所以要寫 point

得閒炒飯

今日和鄰居去了睇得閒炒飯，都幾好睇。入場觀眾大多數都是師奶團和年輕人，男士觀眾極之少。不幸地其實一對情侶坐在友達隔離，二人開場後不斷攬錫，打擾了友達看電影的興緻。

很多人不是獨居，公園又熱，在電影院親熱也是無可厚非的事，不過我建議依泣人士最好坐後排依泣位，以免對其他觀眾造成滋擾。如果睇電影想多些私人空間，最好揀 palace，一個一個位完全隔開（不能抽起），就算隔離依泣、傾偈或污糟都可確保有足夠的安全距離。