大陸乞兒入侵 CBD

前兩日因公事都經過中環天星碼頭附近，坐巴士在環球中心附近落車行去 watermark，發現短短一條天橋，「放」咗 5 個乞兒，無手無腳、無樣無眼、甩頭甩臂、阿媽帶住個仔，咩款都有，仲有一個街頭賣藝，貼張紙出黎寫住唔知咩愛，個「愛」字係無左個心，好明顯成班大陸人。

幾個月前去北京，在地鐵站見到「大種乞兒」，廿幾歲有手有腳，拖住個七八十歲老女人叩響頭乞錢，隔離瞓係度那個，又係壯年人，除咗條褲露出屁股，露出一個拳頭咁大的洞，皮開肉爛，這畫面令我不安好一陣子……我問北京朋友，點解通街 d 咁o既人，佢話好多人爭人錢，畀人打成咁，咪放係條街度乞錢囉，說來也是稀疏平常。

老實講，呢d 乞兒都唔係第一次見，當年在羅湖過深圳，見到商場一堆乞兒在地上爬下爬下，心有餘悸，覺得呢d 人影響市容。之後呢d 乞兒竟然殺入香港，mk o個頭已經見唔少，今時今日，呢種「風景」竟然殺入 HK CBD，一條橋五、六個乞兒，警察又唔拉、食環署又唔拉，無人理，反而有人在合法地點做行為藝術，o靚妹通街噴畫，又出動便依警察監視，呢個究竟咩世界？真是無眼睇。

最火滾係市民一樣愚昧無知，在天橋上行下行下，竟然有男子畀錢個無手無腳的乞兒，我牛咁眼啤佢，佢仲表現出 一 臉 自 豪！想起他那得戚樣真是火都黎！呢d 人我不知是受甚麼教育的，不熟悉國情的外國人，好心做壞事情有可原，但我沒想到本市的人民素質竟如可以低到如斯地步……你真的覺得那乞兒是自己爬上天橋乞錢的嗎？你畀幾錢呢d 乞兒，佢真的可以有飯食，有地方住嗎？真是不知所謂。

我把事情告訴友達 f，他說，你見到帶著孩子的乞兒，最好拍張照片，放上微博群組，那可能是被拐帶的兒童，有好幾個小孩就是靠這個方法，回到媽咪身邊。

這事情多可悲。我們的感情都非常珍貴的吧，希望大家在畀錢乞兒之前，好好三思，不要被無恥的人濫用自己的同情心，安慰自己傷害別人。