好耐無食大閘蟹

今日放工不想回家，竟然畀我約到 a 一起吃大閘蟹！真係好興奮！其實我家人是鍾意吃肉蟹的，第一次吃大閘蟹是和第二個男友一起吃，當時已經廿幾歲……自此之後可能吃過，但已經無晒吃大閘蟹的印象，我人生吃過的大閘蟹一定不夠 10 隻。

a 話鴻星的大閘蟹抵食，300 幾蚊「兩皇一后」，出場序是「男、女、男」，逐隻逐隻上，每次吃到都是熱騰騰的，而一隻比一隻多膏，愈吃愈興奮！可能因為實在無晒吃大閘蟹的記憶，加上令人回味的花雕與薑茶，非常滿足的說。因為非常平和抵食（附近食肆相同價錢只可吃到一隻），服務非常之hea，食完第一隻之後等了成半個鐘（有多？）先上第二、三隻，如此一來，八點半入席，就到十一點幾先食晒成餐「蟹宴」。

講開大閘蟹又想起個 blog 的 hit rate（因為之前篇蛇宴 post 忽然成了熱門文章……）。原來呢個 blog 可以 view 到來訪者的 stat，發現今年 6 月本 blog hit rate 忽然狂升……原因不明。不過o個段時間o既o野似乎唔需要再記得（苦）；另外就是本 blog 生客的走勢，原來最多 searcher 係為「韓寒」而來，除咗 google 同 yahoo，最多唔識我o既人o黎自 siuding.com ，可能佢 d fans 以為小丁的朋友和她有一樣的嗜好。我不是特登，但好少在自己個 blog 放自己的相，因為 d 相通常是自己影，而且近來我連 upload 相都懶，好似上圖隻蟹咁，索性上網搵然後偷番o黎貼…… 都 okay，如果我唔係好累，我都鍾意貼圖，因為工作經驗告訴我，無圖的文是不「吸睛」的，哈哈。