最強老闆 steve jobs

今日番工途中，打開手機 facebook 就見到 r.i.p. steve jobs 的訊息洗版，第一個反應是「真定假」再睇落去，版已洗，才相信這是事實。前天蘋果發佈會才喪鬧蘋果公司「迫害我」，今日卻得聞教主死訊，心情實在複雜。

好多人鍾意蘋果公司的產品，或者鍾意話畀人知自己鍾意蘋果產品，彷彿係一種身份認同，亦可以體現出對群組的歸屬感，做了蘋果 friend，就好型，好潮。今日在公司做文書工作時，見到臉書上，一大班唔知點解咁得閒去 ifc 蘋果店「弔唁」，相信這個高貴的商場，未有一刻如此墟撼過。

Steve Jobs 之所以係傳奇，我相信係因為佢面面俱到o既才能，佢除咗熟知科技，對設計美學有執著，亦有市場觸覺。環觀全世界 I.T. 、design、sales and marketing 專材都多於恆河沙數，但係同時掌握多方面才能o既人就少了。呢 D 情況在公司開會時最能感受到，各個部門都有自己立場，各有各講，結論就是老闆主觀感覺話事，最後邊個知道點做係對公司好呢？真係無人知。

我當然唔知道蘋果公司係點運作，或者有好 innovative o既員工，o係入面無機會發揮自己都未定。但從客觀事實來睇，Steve Jobs 是具備了一個好勁o既 boss  o既 quality，可惜佢中年早逝，人的力量再強大，其實都好渺小。

雖然我 dislike 蘋果，但對於一代偉人，心中都有 respect。