iPhone 5 你來不來，我條命都係苦

今日蘋果發佈咗 iPhone 4S，而吹咗風成年o既 iP5 係未有。雖然由年頭開始已聽到好多人話「等 iP5」，但結果等o既人等唔到。

等唔到 iP5 o既人，都唔慘得過我。雖然係咁，我依然日日要做公司 iP App 管理員，日日 iP 隨身，陰影揮之不去。當中 iP 的悲慘經歷包括買機o既原因、跌機o既經歷，同埋外圍壓力，感覺慘過俾人話黐線送入精神病院……有人問我：「點解你係要同人地唔同。」其實我性格唔係咁，我鍾意身處人群o既安心感覺。但係，連一粒 icon 的選擇權利都無，就好似去茶記，ABCDE 餐都無得你揀，剩係准食常餐，而你可以選擇o既只係裝住個餐隻碟係咩色，仲要另外加錢。

生活已經咁刻板，點解仲要挖個窿迫自己行入去？好多人，用 Mac 機、iPod、iPhone 係發自內心，欣賞蘋果o既設計同科技，簡單、易用、有型，that's fine，佢地鍾意蘋果係發自內心。而我出部 iPhone ，其一，只係想o係唔 support 2G o既世界都收到電話；其二，係想儘快了解 smartphone 是乜來，兩點都係因為份工。

如今每日，「為了份工你要出番部 iPhone」的陰影係揮之不去。雖然我老闆未叫過我咁做。

iP4 係我第一部 smartphone ，有咗佢我先識玩 what's app同其他 apps，識得 sync d contact 上 gmail，身處異地可以o係酒店 wifi 唔使悶親，同埋可以同其他人保持聯絡。但我已經經歷過，明白其他的手機比佢更適合我。

慘到裂。有日我忽然好感觸，同 n 講，如果要選出全香港頭 100 個因 iPhone 狂熱而身受其害o既人，筆者一定 on list。咁o既講法實在好偏激，我都知，無論好銀壞銀都有兩面，我可以用好銀o既心情，笑住出部 iPhone，一樣可以一笑而過。

但係 bygones are bygones ，只能回頭，不能從頭。