110818 襟襟襟可樂

城中人人 chok 可樂，我卻愛襟。

這是 groovisions 製作的 fb app，是一部可樂機，一日派三蚊可以抽三件 figure，抽原砌落塊地皮度。幾個月下來抽了百幾件，間中整個地皮拆開重砌，亂砌固然唔靚，密密麻麻都唔靚，砌到亂晒又唔靚。

上圖是近來最 update 的狀態，我覺得都幾難砌得靚，因為所有 figure 都不可以擰方向，而我覺得難砌得靚的一個癥結在於，所有 figure 都各自幾有睇頭，排滿晒就太 busy，但砌d 大型物體，如東京塔、羅馬鬥獸場等，又好悶，anyway 都係太 busy，總之，如果有草皮、地皮、plain plain 地舖落去，應該會靚好多。

講番轉頭公司真係有一部可樂機，有一日起身忽然好想飲可樂，於是即刻用八達通 do 一罐黎飲啦，原來呢個世界真係唔可以空肚飲可樂，一飲就肚抽筋……個肚堅痛！跟住如常食飯，跟住，下晝又同同事夾粉再 do 多一罐，飲了一細杯，就無個 game 一日襟 3 罐咁激。

唸番轉頭，可樂真係唔可以飲太多，極限應該都係 around 3 罐左右。於是又覺得個 game 詭異喇。