象形文字

今年裡面我幾乎每日都在寫稿。自從轉了工後，我要寫一個欄目叫 daily update，update 得仲密過呢度。其實 upload 之前我都 double check 一次，但有時睇番都會發現，其實錯咗。除咗網，寫其他文，一唔 check 就會勁多錯字，通常都是一些個樣睇落差不多的字，有時我都唔知自己係唔識定唔小心打錯。呢d 錯真係好驚心動魄而且無謂，重點在於，見到呢 d 稿的人，通常是上司，而一個專業的編輯，並不應該令上司淪為自己的校對員，這是錯上加錯。

好耐之前，前男友說我是一個圖像思考的人，除了圖像，可能有聲音思考、邏輯思考？我沒研究。那些樣子相似的字，在我眼裡可能不過與圖畫無異。自從做咗網同上多咗網後，更覺得圖像的 impact 大，文字的力量細……其實詳盡而意義深遠的文字，可以對人生、甚至人類有好大貢獻。

但放工後，腦袋若仍能運作，就只能接收簡單訊息，如肥皂劇的映像、沒有意思的漫畫。

前幾天翻一本書，是中大通識教學課程的 notes 加學生習作。聽朋友 d 說那阿 sir 那科都很紅，我估很易消化易讀，點知飯後執起本書竟發現無比沉重無法解讀。這可能由於中大始終是學術成分較重的一間專上學府，而另一原因可能是放工真的太累，極之簡單的訊息也無法消化得到。