月蝕減肥法

前排跑步減肥，點知無成果，仲跑到對腳勞損……日日上磅，體重有增無減，真是詭異。其實夏天是減肥最佳時機，一到冬天，d 衫遮晒個身，同埋一凍就需要食野，真是想「keep 肥」都幾難，唔好咁大想頭唸減肥了。

最近因為經常夜晚齋食粥或飲湯，前排又食了一星期公關送來「排除宿便」的纖維食品，加上有時熱到無 mood 食飯，餓一日半日，減肥竟然有成果。體重最近減少了2 至 3 巴仙。而除了以上的原因之外，我相信食「易極」（eclipse）都係原因之一。

易極令人瘦的發現係黎自公司同事 r 。同事 r 瘦到離晒譜，直情瘦過 model，她又唔食煙，但就成日易極不離手，我不知她一日食幾多粒，保守估計都有幾粒。前幾日，因為買野有折，在屈臣買了一盒「冰冽」味來吃，一日都食唔到一、兩粒，已經黎料。

上星期就是買咗呢隻味。

因為呢d「糖」唔落糖，好重代糖，食少少已經會有輕瀉作用，久而久之，個人「收入」不變，「支出」增加，自然瘦身見其功。

有關木糖醇（代糖）引致輕瀉的文章。

而我要補充一點，其一就係唔係呢個牌子呢款產品先 work，所有 sugarfree o既「糖」都有呢種效果。我成日都 quote 我個 fd 的白痴事件出黎。佢有一日肚瀉，好慘，又唔知點解，我回憶番之前一日見佢攞住盒西瓜味利口樂糖黎食，原來佢一日食咗成盒！咁唔肚瀉至奇啦！

呢d 化學野，雖然係多食無益。但係城市人多肉少菜，工作大壓力到無屎 or，食一兩粒糖想去廁所暢順d ，真係無可厚非。

食易極，減肥易到極！