「丁 Pad」事件與 project 6000 分佈利益制度

有 d 事，本來係有著數，都可以做到好核突，令到全民憤怒，呢 d 蠢事無時無刻都會出現，例如呢兩日發生「丁 pad 事件」。

事源全世界都知 web os 停產之後，丁 pad 亦相繼收皮，於是星一傍晚不少記者都收到一封「優惠訂「丁 pad」的表格，講明只要係記者或編輯就合資格訂。而張表表達o既意思係，合資格就填表同埋attach 張卡片黎，證明身分，跟住入數，等通知囉機。

雖然丁 pad 將停產，買咗都冇得 upgrade 又無 support，分分鐘保養都唔知有冇，但係由於佢價錢只係艾 pad 四分一，真係勁吸引，因此即使我做女人傳媒，所有女同事o既老公、男友，都異口同聲話要落單，就咁個個都 send email 去訂，一個quota 都無剩。

其實所謂優惠，係畀d 記者登記，到時將d 機送去公司，唔使排隊。雖然如此，訂 pad 依然好踴躍，而遲一步，第二日先 send email o既記者，d email 已打回頭。而有另一本書同事打去問，個 agency 話 d pad 唔夠派，要抽，叫d 人唔好入錢。而另一邊箱，將表格係無講到要抽，係叫人填表，合資格就有份（無講會不會有 approve 或通知信），跟住直接叫人入錢。

其實我睇咗表好耐，覺得佢無講明咩人「合資格」、「不合資格」準則 （風月版記者都得？娛樂直播主播又係咪記者？），全香港有幾多個「記者」條文含湖不清。想派糖畀記者啫，你派畀腦記，件事咪清晰d？現在搞到一鑊泡。與此同時，好多人已經不惜一切入咗錢，到時無 pad 畀人會點呢？現時仍是食花生的 stage。而想托我買的朋友，仍然抱觀望態度，未考慮入唔入數住。

做公關真係唔易，得罪記者好易無好下場。心諗自己雖然人工奀，但都幾夠惡！ =,=

想 so 人搞到一身蟻，件事一發不可收拾，刷鞋不成仲踩屎，呢 d 吃力不討好的事，真是豬事一樁。其實我覺得 project 6000 都係一件疑似事件。計錯數收多咁多錢搞到水浸，做野無好唸住派錢安撫人心。我唔排除佢派了 6000 蚊，某幾個官會畀人鬧少兩句，既得利益咪呢 d 人囉。市民係咪受惠呢？又無人諗過羊毛出在羊身上，你剩係 execute 呢件事，已經使一大o舊錢啦，囉 d 錢做 d 有建議性，幫吓市民仲實際。

講到咁風涼，其實我唔志在。點解？！咪因為我太鍾意打字，pad 對我黎講無乜用。部 pad 囉黎睇戲？聽歌？無 3g wor，用 pc 咪算囉。pad 對我黎講作用真係不大，btw 我又冇諗過買來轉售圖利囉。