The Token

今日又OT到九點幾先放到工，放工時我坐「東翼」已經幾乎一個人都無喇！跟住番屋企都食咗個飯，到真係精神又係凌晨一點。我成日形住係因為上年成日十一點走去跑步，搞到個人凌晨打後好精神。不過係我自己咁唸啫。

呢排無乜事發生，個人亦好潛。有時心唸，做野可以做好D，而唔係成日唸住D稿寫好D……同埋想少D出去，可以令自己早D放工……之前應承自己做的事，開始咗兩週之後，未能「的起心肝」繼續下去。

今日睇咗一篇「社交剪報」唸咗一陣又有D啟發。佢話有研究發現，窮o既小朋友，睇到o既硬幣比有錢o既小朋友大。有個結論話窮人覺得錢大，亦有人話可能係佢地少見到錢，所以對錢o既認知有差誤。

Anyway，我都試過當細個好恨有一樣野，我心裡面唸佢係會比件實物大好多。而且亦都唸到，你心裡面將一件事放到好大，捉到好緊，係因為你一無所有。好似我以前，覺得有份工就係一切，一「摺書」、「裁員」就兵慌馬亂……其實呢D唔重要，最重要係心境，心境決定一切。

希望我能夠明白呢點，可以隨時把握比較輕鬆的心情，面對生活。