係咁做

今日，係咁做，OT左一個鐘（對好多人相對幸福:p）結果都係做唔晒d野！對我黎講可以話係8個月黎史無前例咁多野做！每到呢d時候我就想整靚張table，想見到枱面，但同我做過同事的人都知道，呢個情況係不會維持超過3日的！

呢個月好多新產品推出，雖然，海嘯之下，d「升級版」o既價錢e然繼續升級！~ 呢幾日去左好多events，睇到好多靚o既野，但自己因為太累搞到愈來愈唔靚……今日無化妝就咁出左去，做美容版是我是好少完全不化妝的，不過這幾天實在好累，希望之後會多d注意自己~

呢排成日囉住dv拍野，其實以前我最怕人地拍我，自己亦從不拍movie，因為我根本唔會睇番，原因係怕暈，e家自己竟然做左楂機人，真係非常之諷刺。我覺得我唔會拍到好勁有型o既片，但要好似：

似snaps多過講究技巧o既相，但主體比snap清楚。
似一篇文字簡單但內容要有反思的文章。
一件好味但無decoration 既cake，一隻煎得靚o既egg。

想起工作就一大堆……其實係有思考好過無思考o既，諗下d野點做係好事。希望我拍dv呢個項目可以修成正果。

講樣唔關乎我個人的事畀大家聽：

今日去左植村秀o既發佈會，好得意地請左g.e.m.做 model，佢好似都十幾廿歲，但重點係佢唔係行走江湖好耐，e然不脫稚氣，好可愛~ 平時睇demo時d model會笑或者做d好誘人o既表情（同埋勁瘦），但佢就好緊張look大對眼無特別笑，咁我諗住呀佢都係細路女……其實佢今日係做model由化妝師幫佢化以嘴做主題o既妝，個示範完左我就叫佢幫我講一段佢今日的感想，好快就搞掂而且講得好自然！咁當然其一係佢做足準備，二來係做慣訪問，所以必定熟練過做model畀人化妝。

我諗如果佢一路紅落去，就唔會再大呢d得意樣。做藝人得意都係一個賣點，瑕疵可以係令人鍾意o既地方（即係好似岩岩出黎既twins -.-），但係做大部份o既野都唔係咁。雖然我唔係特別鍾意g.e.m.，好開心見到佢的演出，哈哈~