報告近況

近日好少上網同寫blog，讓眼睛好好休息。前日去左做facial，美容師話我隻眼生左粒瘡，令我好驚，於是走左去睇眼科醫生，醫生話我隻眼太乾，乾到損左，畀左d消炎藥同潤眼液我滴，仲要覆診。

雖然睇專科醫生係好貴，但係睇一睇自己安心d都算係值的。睇完醫生即刻好開心去左h&m買左d accessories，跟住返工。希望快d好番，番工快d順暢番就好lu。

除左眼睛，近排成日疑神疑鬼驚自己有病。例如好多人話我瘦左，開心之餘又會驚會唔會有暗病啦。近排可能天氣太熱，室內冷氣太凍，空氣太差，個人冇乜胃口食野，有少少作悶又無病出黎咁。咁o既情況，真係要小心d身體先得。

大家都要好好保重，保持開心，人都病少d。